هدى( وهي توكف): شنووو!؟ عاقر!
دكتوره: بنتي خلي املج بالله جبير اكيد اكو عمليات تصير
هدى: لا انتي جذابه جذابه
دكتوره: بنتي اني عاذرتج بحاله صدمه بس انتي بعياده محترمه
هدى طلعت الباب
نغم: ها يمه شكالت الدكتوره
هدى بأرتباك: ااا خاله اني حامل
نغم (بفرحه): حااامل؟ صدكك يمه
هدى(يربي شسويت شگلت بس مستحيل اخسر زيد): اي خاله اني حامل صارلي 3 ايام
نغم: اللهم صلي ع محمد واله محمد كللوويش امشي يمه ع كيفج امشي الف الحمدلله يارب خليتني اشوف ابن زيد
رحنا للبيت وطبينا لگينا شمس كاعده عالقنفه .. طبيت واني اضحك ورافعه خشمي
نغم: ع كيفج يمه
شمس: هہــ,ـلو خاله شبيكم عسى ماشر
نغم ببرود: لا يمه ولا شي بس هدى حامل
شمس وكفت بصدمه : شنووو حامل!
زيد.... خلصت من شغلي ووصلت للبيت لگيت مينه توها جايه وتلاگينه بالباب: ياهله بدكتورتنا الحلوة
مينه: ههه هله بالبش مهندس
زيد : اطلق يالمصري
مينه: ههههههه
زيد: شو مختفيه حبيبه شكو البارحه ماجيتي ويانه لاوس وقمر
مينه: والله جان عندي شغل بالعياده ومالحكت
زيد: وشلونها الامور ماشيه تمام؟
مينه: اي تمام... يلا نفوت لو عاجبتك الوكفه
زيد: هههه والله اخذتنا السوالف امشي نفوت قبل لا شمس تذبحني عساس الغده عليه وطفرت منها
مينه: هههههههه
طبينا للبيت وشفت شمس واكفه وهدى تشرب عصير بس سمعت امي كالت هدى حامل انصدمت وفجأه شفت شمس وكعت بالكاع طبيت ركض وشلتها: شمس شمس حبيبتي كومي شمسه شلتها وصعدتها للغرفه
نغم: تعال متعوفها لهالجذابه وتلتهي بمرتك حامل
زيد: اولاً لتكولين عليها جذابه... ثانياً اني اذا مو من شمس مااتمناه اصلاً... وصعد وعافهم
مينه: الف مبروك هدى
هدى: الله يباركلج حبيبتي يوم يجيج عريس الزين مو مثل ذاك النفسي هههههه
مينه مجاوبت صعدت للغرفه وكامت تبجي
زيد يضرب ع خدودها ويحاول يصحيها شمس... شمسي كعدي شمه حياتي فتحي عيونج يلا اني جاي مشتاقلج كعدي يلا حبيبي... فتحت شمس عيونها بس سرعان ما تجمعت الدموع بعيونها وكامت تبجي وحضنتني
شمس وهي تبجي: زيييييد اخذتك منييي خلص ... اذا جان اكو امل ترجعلي هسة اخذتك خلص زييييد لتعوفنيييي
زيد: محد اخذني منج يگلبي ليش تبجين اني الج والله ومااعوفج
شمس ابتعدت عنه وكامت تبجي وتحجي: هسة يعني ه ( شهقة) هي حامله جزء منك بيها ااااه ورجعت تبجي
اني انقهرت عليها وانكسر گلبي صدك وضجت متوقعت تصير حامل.. هاي شبيك زيد هي مرتك وانت دتاخذها شنو ممتوقع اووف
زيد: كافي حبيبي اني هالجزء اذا مو بيج ماريده
شمس: زيد اني مااتحمل لازم نن... تقربت وبست شفتها وعضيتها عقاباً ع كلامها .... وخرت
شمس ( شفتها تنزف دم ): آآي هاي ليش هيجي
زيد: كل متعيدين هالكلام يصير هيجي واكثر همين سامعه؟!.... جريتها ودفنت راسي برگبتها ابوسها بخفه واشمها
زيد: اووووف لج اني اموت اذا ماابوسج واشمج وانام بحضنج دكوليلي ننفصل؟
شمس: اسفه حبيبي بس اني الي طاقه تحمل وخلصت والله
زيد: لا لازم تبدي حاربي ولتضوجين وبعدين يلا كومي بدلي
شمس وهي تمسح دموعها: ليش شكو
زيد: مو كليتج حتبدي نجيبلج هدوم يلا
شمس ابتسمتله بحب وع اهتمامه وعدم نسيانه الها تقربت بسرعه حضنته وباست خده
زيد: لو ادري هيجي يصير من زمان اكلج ... بس ماكملتيها ونزلتي جوه(وهو يغمزلها)
شمس: قليل ادب ... وكامت عنه
زيد: ههههههه
أنت تقرأ
غصبا عني حبيتك( مكتملة)
Roman d'amourقصه عراقيه تحجي عن بنت انجبرت تتزوج علمود ابوها... ياترى شنو حيكون مصيرها؟✨🌸
