غصبا عني حبيتك( مكتملة)

بارت5

نغم: اللهم صلي على محمد عرسان تخبلون
شمس: تسلميلي عمه
نغم:كعدوا تريكوا يمه
شمس... زيد عساس احتا طبيعيين كدام اهله سحبلي الكرسي وكعدني عليه وكعد بصفي واني مستغربه بصراحه بس مع كل هذا ماابتسم ولا ابتسامه شكلهم اهله متعودين عليه هيج كعد واكلنا وكمت الم الميز مال الريوگ هو صاح...
زيد: شممس
شمس: نعم
حجه وبدون ميرفع عينه.. زيد: بلا زحمه ممكن مي
شمس: حاضر
رحت وجبتله مي( والله لأخبلك)
رحت يمه واني حاطه العطر وفاتحه شعري دنكت عليه وشعري وكع...

زيد... جابتلي المي ودنكت تنطيتيا  والعطر والشعر احس نفسي عرگت اخذت المي وشربته دفعه وحده واباوع بعيونها تباوعلي بمكر عرفت بنواياها ههههه بسيطة الا اخليج تندمين انتي لعبتي بالنار

صعدت فوگ واني ببالي خطيه اسويها...صحت : شمممسسس
شمس: نعم؟
زيد: راسي ديوجعني
شمس: ليش خوما بيك شي
زيد: لا يجيني دائماً بس ممكن تسويلي مساج حتى يروح ؟
شمس (بتوتر): هاا ا اي
زيد كعدها وخله راسه على رجلها وحس بربكتها وتوترها من قربه(ههههه اعلمج يشمس واذا ماخليتج تحبيني)
مدت شمس ايدها وبدت تسويله مساج وهو مغمض عيونه اندار زيد ودفن وجه ببطنها وهي توترت وهي تحس براسه بحضنها وانفاسه الدافيه عليها بعدين حست بثگل انفاسه عرفته نام جذبها شكل شعره ناعم واسود مدت ايدها ودفنتها بشعره لعبت بي ونزلت ايدها لحواجبه ورموشه ضلت تلعب بيها بأصبعها ونزلت ايدها على شواربه وحطت اصابعها وطخت شفايفه توترت وحست روحها عرگت نزلت ايدها للحيته وبقت تلعب بيها بهدوء تؤ شمس شداسوين مو كلنا خلي يحبج شو انتي كمتي تميليله بقت تلعب بشعره الما غفت

زيد... بس لا عبالكم نايم هههه تره كاعد بس اني كلت الا اخليج تحبيني يشمس بس ماانكر شي تحرك بداخلي وهي تحرك ايدها على وجهي حسيتها من غفت فتحت عيني وصفنت بوجهها صدك ملاك كلشي بيها حلو ... زيد انت كلت اخليها تحبني شو كمت تفكر بيها اووف  كمت ونزلت راسها وحطيته عالمخده ورتبت نومتها باوعت عليها وگوة مانع نفسي ابوسها وارتوي منها بعدت الافكار وطلعت

شمس.... حسيت وشفت نفسي نايمه اوووف الساعه بال7:00 المغرب نزلت لگيت زيد وامه واوس
شمس: السلام عليكم
الكل ماعدا زيد: وعليكم السلام
نغم: هابنيتي ان شاءالله ارتاحيتي بالنومه؟
شمس: والله خاله ولا عرفت شلون نمت هسة شينيمني بليل
نغم: ييي اليوم انتي وزيودي سهرة صباحي😉
شمس استحت رفعت عينها لگت زيد يبتسملها عرفت انو يجاري امه فأبتسمت لنغم وسكتت
نغم: بنتي متروحين تكعدين يم رجلج عليش كاعده هنا.. توج عروسة يمه كومي كومي
شمس وهي صارت طماطيه من خجل ومن علاقتها بزيد ...
زيد: تعالي شموسه يمي
كامت شمس بهدوء وكعدت بصفه بس الي مجانت حاسبه حسابه انو زيد حضن خصرها بأيده وقربها عليه ورجع يباوع عالتلفزيون ولا كأنه مسوي شي
نغم: اني رايحه اتفقد العشه واجي
اوس : اني صاعد لغرفتي من رخصتكم
زيد.... حسيت جسمي گب بنار شنو هاي يالله خصر مال لعابه مرسومه رسم لا ارادياً كمت احرك ايدي احس روحي اريد اكتشف معالم جسمها من راحت امي ولاول مره بحياتي مااتمناها تروح حتى ابقى حاضن خصر اللعابه الي بيدي... راحت امي وهي مثل الوحده الي انگرصت رأساً ابتعدت عني
زيد(بأستهزاء): ههه لا تاخذين بروحج مقلب تره لان اريد ابين كدام اهلي طبيعي هيج سويت
شمس بداخلها( ههههه والله لاخليك توگع بغرامي الا اسلب عقلك بسيطه يزيد) تقربت شمس عليه حيل وهو صافن عليها باوعت بعيونه وقربت وجهها يم وجهة  حطت ايدها على ياخة بديه وصارت تتنفس انفاسه هو ارتبك ووجهة احمر صار بعد نظرها عنه ...شمس وعي تحجي بهدوء وانفاسها تلفح وجهه: ليش منو گال اخذت بروحي مقلب ولو مااهلك لتفكر اكعد بصفگ اصلاً وضحكة بأستهزاء وراحت

زيد... وهو دگات گلبه سريعه  اني هيج تسوي بيه؟! هههه والله يشمس لعبتي بالنار اذا ماخليتج تموتين عليه مااطلع اسمي زيد انتي بلشتي تحملي الي يجيج مني ....

شمس جانت تشتغل ويه خالتها حطوا سفره العشه وشمس كعدت بصف زيد وديتعشون... زيد( بدت خطته ) ايدها جانت بصف ايده لازمه خاشوكة ااشوربه بيها مد اصابعه ومشاها على ايدها حس بقشعريرتها من رجفتها وكعت الخاشوكه والشوربه ع ايد زيد
زيد: اححح
نغم: ابني يايمه احترگ
شمس: والله مقصدي والله
زيد (بتمثيل): اه حاره تحرك شنو هاي
شمس ارتبكت وكامت بسرعه جابت علبه الاسعافات وتقربت لزمت ايده ودتحط الدهن
زيد: احو تحرگتي
نفخت عليها شمس وتحط الدهن على كيفها وتنفخ عليه
زيد مااجذب واكول ماارتاح بقربها لا بالعكس تجذبني واشوفها شلون لمت شفايفها وتنفخ ع الحرگة كلت اسوي الخطه الي ببالي وبنفس الوكت جذبتني بصراحه رفعت راسها وكالت ها شلونها هسة؟
زيد بقى صافن بعيونها حط ايده على راسها من وره والايد الخ لف بي خصرها هي كلشي ماسوت بقت بس صافنه

شمس.. شبيه مداكدر ادفعه اكو شي ديجذبني بي عيونه مجره احسها من لف ايده على خصري احسها جوتني من الحراره حط ايدها على راسي من وره وفجأة دفع راسي... وباسني😳 اني متصنمه ماااعرف حتى شسوي هو بقه يبوس بشفتي ونزل ايدها وكعد يلعب بشعري وخر عني وحط گصته على گصتي وهو مغمض عيونه
زيد بهمس واستهزاء: لتظنين تعنيلي شي بس رغبه لا اكثر هههه
حسيت روحي رخيصه دفعته كل قوتي وهو وهو يضحك طلعت من الغرفه... بس اني ليش هيج.بينت ضعيفه.. لا شمس ميصير رجعتله بسرعه كام وكلي
زيد: هههه ها شو رجعتي
تقربت عليه حيل هو بقه يياوعلي لفيت ايدي على رگبته وتقربت بست خده
ونزلت بست رگبته رفعت عيني شفته خدران بيه هههه
شمس بنفس ااهمس بأذنه: اني هم متعنيلي شي لان لو تعنيلي مجان كدرت اتقرب عليك واني مقهوره منك بس انت ولا شي شمتسوي افتهمت هههه وعافته وطلعت.. حسيت كراماتي رجعتلي

زيد... يحس روحه عرگان.. اني شبيه هيجي فهيت عليها شلون ماوخرتها شلون هيجي واريدها تكمل الي تسوي من حسيت بشفتها على  خدي ورگبتي لو مو طالعه جان هسة اني مگطعها مو بايسها ... لك زيد شدتحجي انت استغفرالله ياربي اصحى زيد.. اصحى ميصير تبقى هيج تتغلب عليك اوووف بس غير تخبل صدقه لالله طعمها عسل شكد بايس لينا بس مو هيج .. يجوز لان حلالي؟ بس اني احس بيها شي غريب.... لينا من تتقربلي مجنت اخدر هيج صحيح احبها واحب قربها بس مو لدرجة مااكدر ادفعها او شي.. وجنت مااخليها تبوس رگبتي ابد مااحب واحس بتقزز... ݕس شمس ليش مكدرت ادفعها بلعكس ردتها تستمر وتبوس بيه بعد حبيت هالشعور .. ياربي گلت اخليها تحبني مو احبها اني🤦🏻‍♂️

شمس...
مر اسبوع علينا وماكو اي تطورات الا بيوم الي اجوي بي بيت عمه..