الجنون بدايه العشق

chapter 1

زين مالك دكتور نفسي حديث التخرج عنده26  سنه
يتميز بجسمه الرياضي والبشره القمحيه والعيون العسلي والهدوء والحكمه ومتميز جدا في دراسته وكان دائما بيكون من اوائل الدفعه ،،لديه اخت اسمها منه سوف نتعرف عليها لاحقا،،
التحق بوظيفه دكتور نفسي في مستشفى (***) للامراض النفسيه والعقليه
مع بدايه شروق الشمس التي تبعث امل جديد وتطلق انذار انه سوف يبدء يوم جديد باحداث جديده وطموحات جديده ويمكن ان يتغير القدر عن طريق صدفه بحته ولكن سوف نظلم الصدمه اذا اطلقنا عليها صدفه فقط يمكن ان نعطيها حقها اذا اطلقنا عليها *صدفه مقدره*
في غرفه السفره..
زين : صباح الخير يا ماما ،،صباح الخير يا بابا
ابراهيم (والد زين) :صباح الخير يا بني
اماني (والده زين) : صباح الخير يا حبيبي
منه (اخت زين) : ومفيش صباح الخير يا منون
زين :ههههههه صباح الورد علي اجمل ورده في البيت
منه : هههههههه حبيبي يا زين يااللي بتدخلي من ثغراتي
ابراهيم : انت هتبدء الشغل انهارده يا بني
زين : بأمر الله يا والدي
ابراهيم : ربنا يوفقك يا حبيبي ويبعد عنك ولاد الحرام
زين : امين يا حج

وبعد تناول الفطار الاسري ذهب زين الي مقر عمله ،،كان يشعر بحماس غريب وكبير ،،زين الذي يستطيع ان يفسر اي شعور لدي اي شخص ولكن يشاء القدر ان يعجز عن تفسير مشاعره ،،ولكن في نهايه كل هذه الافكار ادرك ان هذا الحماس ما هو الا حماس الالهي ،،يشعر ان حياته سوف تتغير 180 درجه مع اول خطوه له في المستشفي

زين : السلام عليكم
حارس المستشفي : وعليكم السلام.. اومر ي بيه
زين : انا الدكتور الجديد اللي هكون ف المستشفي هنا ان شاء الله
حارس المستشفي : اهلا يا دكتور نورت المستشفي
زين : شكرا يا راجل يا طيب
حارس المستشفي : والله مفيش اطيب منك يا دكتور
زين : ربنا يخليك ،،هو مكتب المدير فين
حارس المستشفي : هتلاقيه في ***
زين : شكرا جدا
...
طرقات خفيفه ومنظمه علي باب مدير المستشفي
مدير المستشفي ( مدحت ) : اتفضل
^^ مدحت هو مدير المستشفي رجل في اواخر الخمسينات يعشق الروتين وصارم جدا في قرارته ويكره اي تغير في قواعد المستشفي او في طريقه علاج المرضي ملتزم بطريقه العلاج التقليديه التي يطبقها علي جميع الحالات غير مبالي بدرجه حاله المريض ^^
،،،دخل زين غرفه المدير واستطاع من النظره الاولي معرفه كل هذا وانه رجل روتيني ويعشق النظام و كما ذكر فوق
زين : السلام عليكم
مدحت : وعليكم السلام ،، اكيد حضرتك دكتور زين الدكتور الجديد
زين : صح يا دكتور
مدحت : جاي في معادك بالظبط شكل حضرتك بتحب النظام ودي حاجه هتريحنا مع بعض جدا
زين : فعلا يا دكتور انا بحب النظام جدا
مدحت : انا طبعا عينتك هنا وخليتك من ضمن فريقي علشان الc.v بتاعك واللي كان بيدل اد ايه انت مجتهد في عملك والدليل علي كده انك بتطلع دائما الاول علي دفعتك ومش بس كده ،،لا ده كمان الجامعه شهدت بحسن سلوكك طوال فتره دراستك
زين : شكرا يا دكتور علي كل كلام حضرتك الجميل ده ،،، وان شاء الله هبذل كل طاقتي علشان اطلع افضل ما عندي وان شاء الله ربنا يقدرني واكون السبب اللي يخلي ناس كتير تخف علي ايدي
مدحت : ههههههههه دكتور زين.. اهم حاجة عندي الالتزام بالقواعد والنظام وغير مسموح بأي تغير حتي في ادق التفاصيل ،،، وبالنسبه بقي بأن المرضي تخف او تفضل زي ما هي دي حاجة في ايد ربنا وعلشان متضيعش مجهود علي الارض مفيش مجنون بيبقي عاقل
زين : احب بس اوضح لحضرتك يا دكتور بعض النقاط.. اولا انا جاي هنا ومعايا كل الصلحيات مادام في مصلحه المريض وفي مصلحه علاجه وده قرار من وزاره الصحه مش مني انا ،،وبالنسبه بقي بأن ده مجنون ومش هيخف يبقي ده بسببنا احنا مش بسببه وده مريض نفسي بسبب ضغوط نفسيه شديده اتعرض ليها وهو مقدرش يستحملها وربنا جعلنا اسباب علشان نخفف كل المرضي اللي هنا والا كده يبقي ملهاش لازمه الكليه اللي ضيعنا عمرنا فيها علشان نستفيد منها ونقدر نعالج بيها اي حد محتاجنا...
مدحت (بتريقه) : هههههههه ،، تعرف يا دكتور زين انت بتفكرني بنفسي زمان وانا لسه عيل صغير ادك كده مكنتش ساعتها فاهم حاجة وحافظ كلمتين في الكليه وماشي اقولهم علي اي حد يقابلني بس اكتشفت ان كل ده ملوش لازمه في الاخر وصدقني انت هتكتشف ده في الآخر برده انت بس الحماس واخدك زي ما كان واخدني وواخد كل اللي في سنك،،،بس صدقني وجهه نظري انا اللي هتنجح وانت بنفسك اللي هتيجي تقولي ده
زين : انا مش كلام حافظه وخلاص ده كلام انا مصدقه وهو عباره عن مبدء من مبادئ وانا مستعد يا دكتور ان بعد 365 يوم نقعد مع بعض نفس القعده دي ونشوف مين اللي وجهه نظره هتنجح في الاخر
مدحت : إحنا مش هنقضيها رهان ،،حضرتك جاي هنا علشان تشتغل وبس مش علشان تثبت وجهه نظرك اللي ملهاش اساس من الوجود علي ارض الواقع
...زين شعر بارتباك مدحت وخوفه من نبره زين القويه الي حد ما وبها ثقه كبيره جدا وحماس وشعر بخوف مدحت من ان يغير النظام الذي كرس حياته ووقته وسنوات عمره التي قضاها لكي يبني هذا النظام القوي في وجهه نظر مدحت
زين : احم يا دكتور انا عمري ما هراهن حضرتك او اعمل حاجة تضر بالنظام اللي موجود او اضر اي حد هنا اذا كان مريض او دكتور انا جاي هنا علشان اساعد المرضي وآدي واجبي تجاهم
‘‘شعر زين ان بهذه الكلمات بثت بعض الطمأنينه في مدحت وشعر زين بأن مدحت قد شعر بأنه انتصر علي زين من لهجته الصارمه التي اعتقد انه هكذا قد بث الخوف والهيبه بداخل زين
مدحت : يبقي كده اتفقانا يا دكتور زين وحضرتك تقدر تتفضل دلوقتي والدكتره الزملاء هيشرحوا ليك طبيعه العمل دكتور سامي في انتظارك وهيفهمك كل حاجة
وبالفعل ذهب زين ولسه هيخرج...
مدحت : زين
التفت زين له
زين : ايوه يا دكتور
مدحت :(بنبره استهزاء) : انا موافق علي الرهان
زين ( بابتسامه نصر) : تمام يا دكتور وان شاء الله هقدر اثبت وجهه نظري لحضرتك
مدحت : تقدر تتفضل دلوقتي
وخرج زين من غرفه مدحت والحماس قد اشتعل اكثر واكثر...
زين : لو سمحت
ممرض : ايوه
زين : دكتور سامي فين من فضلك
الممرض : امشي اخر الممر هتلاقي غرفته علي الشمال
زين : شكرا
وبعد لحظات... صوت طرقات علي باب مكتب سامي
سامي : اتفضل
زين : السلام عليكم
سامي : وعليكم السلام
زين : انا دكتور زين اللي لسه متعين هنا جديد
سامي : اهلا اهلا دكتور زين اتفضل
زين : متشكر جدا يا دكتور سامي
سامي : بوص بقي يا سيدي انا مبحبش الألقاب يعني قولي يا سامي وانا اقولك يا زين ده طبعا اذا سمحت
زين : هههه اكيد طبعا يا سامي ،،، كنت عايز افهم طبيعه الشغل هنا
سامي : شكلك داخل سخن اوي
زين : ههه لا متحمس بس شويه وعندي طاقه كبيره عايز افيد بيها كل اللي حواليا
سامي : اتصدق بقالي كتير مقبلتش حد عنده طاقه كبيره كده ،،انا مش هقولك كلام سلبي يضعف طاقتك الكبيره دي اللي انا شايفها دي ،،، بوص يا سيدي انت علشان لسه جديد مش هضغط عليك اوي في الشغل انا هعرض عليك خمس حالات وانت تختار حاله واحده منهم وتشوف هتعمل معاها ايه
زين : وليه مأخدش الخمس حالات يا سامي
سامي : ده الصح اللي انا شايفوه يا زين ،، بوص يا زين انا مش بدخل في شغل حد لان كل واحد شايف ايه هو الصح بالنسبه لشغله وبيعمله وعلشان كده محدش بيدخل في شغلي
زين : خلاص تمام اللي تشوفه يا سامي
وبالفعل عرض عليه سامي الخمس حالات
سامي : ودي الملفات بتاعتهم قدامك 48 ساعه تقرئهم وتدرسهم كويس وبعدها تيجي تقولي اختارت انهي حاله فيهم
زين : تمام
واثناء حديثهم سمعوا صريخ انثي يهز ارجاء المبني
زين : هو فيه ايه مين اللي بتصرخ كده
سامي : دي اكيد ملك
وفي نفس التوقيت وجد ممرض وممرضه يمسكون بنت بشده ويسحبوها بعنف شديد ،، ملك هي فتاه في عقدها الثاني تتميز بالجسد الرفيع والبشره البيضاء والملامح الرقيقه والهادئه والشعر الاسود الناعم الطويل الذي يصل الي اخر ظهرها والعيون الخضراء الواسعه وطولها متوسط.. 
نظر اليها زين كأنها ملاك متجسد في جسد انثي ،،نعم هي ملاك وليست ملك ،، يا الله كل هذا الجمال والرقه بداخل هذا العنبر ،،كيف!!  هي تستحق ان تعيش ملكه في قصور وليس في هذا المكان السئ ،،تستحق ان تنام علي بساط من ريش النعام وليس هذا السرير المؤلم للعظام ،،من انتي من اين خرجتي لي!!

ملك : لااااااا لاااااااا ابعدوا عني خلاص انا اسفه لااااااا كهربا لااااااا ابعدوا عني ابعدووووووا اااااااااااااه
زين : وسع يا جدع انت وهي وسعوا
ومسك ذراع ملك وهي كانت متمسكه بذراعه كأنها طفله تاهه تمسك ذراع ابيها
زين : اهدي اهدي متخفيش.. محدش هيقرب منك ولا حد هيقدر يعملك حاجه
ملك بدموع : مش عايزه اتكهرب منبي احميني منهم هيهيهيهيهيهيهيهيهيهيهيهيهيهيهيي
زين : اطمني
سامي : مينفعش اللي بتعمله ده يا زين خليهم يشوفوا شغولهم
زين : شغل ايه دول متوحشين انت مش شايف حالتها عمله ازاي
في هذا التوقيت...
مدحت : انت هتبدء تحن للمجانين من اولها يا دكتور زين
زين : يا دكتور انا مش بحن بس..
قاطعه مدحت قائلا : خدوها علي جلسه الكهربا حالا
ملك : لاااااااااااا سبوني لااااااااااااا يا زين الحقني
زين اتفأجي من ملك ،،يا الله هل بهذه السرعه حفظت اسمه
بداخل غرفه الكهربا.......
لو عايزين تعرفوا ايه اللي هيحصل جوا غرفه الكهربا انتظروا الفصل الثاني
تاااابعوااااا ،،،،،،
................................