بداخل غرفه زين ،،،
منه : إيه بتحب!! مين ،، وفين ،، وأزاي!!!!!
زين : طب أهدي عليا شويه علشان أعرف أحكي
منه : أهو هديت ها أحكي بقي
زين : حبيت ملاك ماشي علي الارض مستحيل تكون أنسانه عاديه ،، عيونها دي مش عيون عاديه لا ده سجن اتسجنت جواه ،، وكلامها البسيط القليل مش مجرد كلام عادي لا ده سحر بينزل علي أذني بيخليني أتعلق بيها أكتر وأكتر كلامها سحرني يا منه من اول نظره شوفتها فيها حسيت انها بقت ملاكي ،، مش عايزها تغيب عن عيني لحظه واحده بس ،، حسيت ان دي اللي قلبي فضل يدور عليها كل السنين اللي فاتت دي ،، قلبي عمره ما انفتح لاي بنت ثانيه عارفه ليه،، لان ملاكي هي اللي كانت معاها مفتاحه ،، مبقتش أتمنى حاجه في حياتي غير أنها تبقي جنبي ومعايا،، عايز أحميها من أي حد ممكن يفكر بس يأذيها ،، تعرفي أنا مستعد أبقى مجنون لو ده الحل اللي هيخليني أبقى معاها طول العمر ،،
منه : أووووووه ،، إيه الكلام الجامد ده يا عم فلانتينو
زين : فلاتينو مره واحده هههههههه
منه : طبعا ده فلانتينو ونص وتلت تربع كمان ،، بس اوصفهالي بقي
زين : امممم اوصفلك إيه ولا إيه
منه : هبدء أغير منها خلي بالك
زين : أنتي الاصل يا منونتي
منه : ايوه كده أظبط هههههه ،، أوصفلي شكلها وكده يعني
زين : هي طولها متوسط ورفيعه ،، وشعرها أسود زي سواد الليل ،،طويل في طول شعر أشد فرس عربي أصيل ،، ناعم أووي زي نعومه نسمات هوا تلمس خدك في شروق الشمس ،، ضحكتها كأن الشمس طلعت خلاص وتقدري تبدئي يوم جديد بأمل جديد وحلم جديد ،، لما بتخجل خدودها بتحمر اوي كأنها حبات كرز ،، أوصف إيه ولا أيه بس يا منه
منه : يا لهوي كل ده حصلك في يوم وليله ،، حقيقي انا مش مصدقه أومال لو قعدت معاها أسبوع كمان هتعمل أيه ،، هتتجوزها!!
أنت تقرأ
الجنون بدايه العشق
Romanceمع كل حكايه بتنتهي في حياتنا بنفتكر ان خلاص دي نهايه المطاف بس اللي منعرفوش واللي بنكتشفه بعد كده ان اخر سطر في حكايتنا القديمه بيبقي عباره عن اول سطر في حكايه جديده الذ واحلي مليون مره ❤
