في الفندق...
ساره : مفيش غير طريقه واحده بس
عاصم : إيه هي
ساره : نقتلها...
عاصم : هههههههههه ،، قولي تاني كده ،، هههههههه
بقولك إيه يا شاطره روحي حلي مشاكلك دي مع نفسك ( ونظر في ساعته الغاليه) انا اتأخرت ولازم امشي ( ثم نهض )
فنهضت ساره سريعا ووقفت امامه...
ساره : عاصم بيه ،، انا مش جايه العب ولا جايه اضيع وقتك
عاصم : لو عايزنا فعلا نتحد مع بعض تتكلمي معايا بكل صراحه وتقولي كل حاجة ،، ليه عايزه زين وازاي عرفتي توصليلي وتوصلي للمعلومات دي ،، وقدامك ربع ساعه بس ،، الكلام دخل دماغي ساعتها انا اللي هفكر وانتي تنفذي ،، مدخلش!! يبقي المقابله دي ولا كأنها حصلت
صافحته ساره وقالت : وانا موافقه ( وبنظره ثقه) ومتأكده اننا هنتحد
عاصم جلس مره اخري واخرج سيجار من علبه ذهبيه واشعلها ونفخ الدخان في وجهه ساره..
عاصم : تعرفي ايه اللي جذبني فيكي
جلست ساره بكل ثقه وغرور ووضعت رجل علي رجل فتوقعت انه سوف يقول جمالها الصارخ هو الذي جذب عاصم وبذلك ترجع لها الثقه في نفسها مره اخري ،، لان ثقتها قد اهتزت بعدما قال لها زين انها قبيحه ومشوهه ،، نعم هو كان يقصد ان داخلها مشوهه وليس شكلها ولكن هي لم تحسبها كذالك هي شعرت انها مشوهه من الخارج ،،،
ساره ( بنبره ثقه) : امممم طبعا جمالي
عاصم : هاهاهاها ،، لا يا قطه ،، ثقه بنفسك ولمعه التحدي اللي في عيونك ،، قليل لما بلاقي بنت وثقه في كلامها كده لا وكمان عيونها كلها تحدي ،، ( واكمل كلامه بكلمات عذبه لكي يتملك منها) ،، بس ده طبعا ميمنعش انك جميله وجميله اوووي كمان
ساره : ههههههه ميرسي يا عاصم بيه
عاصم (بغرور) : الربع ساعه بدئت
ساره : انا روحت لملك المستشفي وبعدين...... (ثم قصت عليه ما حدث بالمستشفي وما دار بينها وبين سعاد وما قصته سعاد لساره) وبعدين بقي قدرت اني اعرف عنك شويه تفاصيل زياده ودي كانت اصعب مهمه عملتها
عاصم : وعرفتي ازاي
ساره : وحده صحبتي كانت شغاله عندك في الشركه من سنه وبعدها استقالت وسافرت مع جوزها
عاصم :( بقرف وغرور) امممم ،، طبعا مش هسألك هي عرفت ازاي لان انا متوقع اي حاجه من جنسكوا ده ،، واشمعنه انا اللي روحتيله ،، ما كنتي كملتي لوحدك
ساره : للاسف مينفعش ،، زين هددني اني لو عملت حاجة تاني هو ممكن يحبسني في مستشفي المجانين طول عمري
عاصم : هاهاهاها ،، شكله واخد مقلب في نفسه
ساره : علي فكره زين ذكي اوي واي حاجه بيبقي عامل حسابها ده غير انه دكتور شاطر وفعلا ممكن يثبت اني مجنونه بسهوله
عاصم : هههههه ،، طب والله حرام يسجن كل الجمال ده
ساره : ميرسي يا عاصم بيه
عاصم : بوصي بقي ،، احنا مينفعش نقتلها دلوقتي لانك اللي هتلبسيها ،، فااحنا هنجننها شويه يعني نتفق مع ممرضه انها تديها دوا غلط ،، وبعدها بقي نقتلها ويبقي كأنها هي اللي انتحرت
ساره :(بلمعه شر في عيونها ) موافقه
بعد مرور شهر ،،،،،
بداخل المستشفي ،، امام غرفه ملك
طق طق طق
ملك : ادخل يا زين
زين : ههههه ،، بقيتي تعرفيني بسرعه.
ملك : انا خلاص حفظت دقاتك علي الباب
زين : اممم ،، وريني بقي الرسمه اللي عماله ترسميها بقالك شهر
واعطته ملك الرسمه بفرحه...
والرسمه كانت عباره عن ملك وهي بملابس المستشفي ويديها محبوسه بكلبش ( مثل كلبشات البوليس) وزين امامها وفي يده المفتاح ويفتح هذا الكلبش ليحررها ،،،
زين انهدش من هذه الرسمه ،،
زين : الله الرسمه حلووووه اوووي يا ملك انا متخيلتش انك بتعرفي ترسمي بالجمال ده ،، بس ايه معني الرسمه
ملك : دي انا ،، ودي انت ،، انا محبوسه في سجن زعل وسجن ذل وسجن مجانين وانت الوحيد اللي هتحررني من السجن ده
زين : اطمني يا ملك وثقي فيا
ملك : انا مطمنه
زين : قوليلي بقي ايه اخبار الدوا
ملك : زي ما اتفقنا بعين الدوا اللي انت جبتهولي وبأخدوه من غير ما حد يحس واي دوا تاني اي ممرضه بتجيبه ليا برميه
زين : برافوا عليكي يا ملك ،، اوعي تكوني قولتي لحد
ملك : لا يا زين ،، ده سر بينا
زين : انتي خفيتي بنسبه 70% يا ملك يعني خلاص هانت خالص
ملك ( بفرحه) : بجد يا زين ،، طب ممكن اطلب منك طلب
زين : اممم ،، علشان انتي شاطره وبتسمعي الكلام ،، موافق علي اي طلب تطلبيه يا ستي
ملك : انا نفسي اخرج من المستشفي يا زين ،، يعني حتي لو لمده يوم واحد بس ،، اشم هوا غير هوا المستشفي ،، اشوف ناس عاديه غير الدكاتره والمرضي والممرضين ،، أكل حاجه غير الاكل اللي في المستشفي ده ،، نفسي اشوف الدنيا حتي لو ساعه واحده بس
زين : انتي عارفه انه طلب صعب اوي يا ملك ،، اني اخرجك ،، وانتي لسه بتتعالجي
ملك ( وقد تجمعت الدموع في عينها) : عارفه ،، خلاص انا هستحمل ،، وانسي طلبي
زين : انا مش عايزك تزعلي
ملك : لا خلاص مش زعلانه ( وابتسمت ابتسامه خفيفه) ،، ممكن انام شويه
زين : بس احنا لسه مش دردشنا دردشه كل يوم
ملك : انا مش قادره ادردش انهارده يا زين ،،
زين : خلاص وانا مش هضغط عليكي ،، تصبحي علي خير
وخرج زين من الغرفه وبعدها انفجرت ملك في البكاء ،، فأول مره تطلب من زين شئ ويرفضه ،، فهي كانت تعتقد ان زين سوف يفعل اي شئ لها مهما كان هذا الشئ صعب
في صباح اليوم التالي ،،
أنت تقرأ
الجنون بدايه العشق
Romanceمع كل حكايه بتنتهي في حياتنا بنفتكر ان خلاص دي نهايه المطاف بس اللي منعرفوش واللي بنكتشفه بعد كده ان اخر سطر في حكايتنا القديمه بيبقي عباره عن اول سطر في حكايه جديده الذ واحلي مليون مره ❤
