في غرفة الكهرباء ،،،
ملك : لاااااااااااا سيبوني لااااااااااااا يا زين الحقني
زين جري عليها ومسكها من ذراعها واختبأت ملك ورائه
زين : اهدي متخافيش محدش هيقدر يعملك حاجه
مدحت : لا والله هو مين المدير فينا يا دكتور
زين : يا دكتور حضرتك شايف حالتها عامله ازاي
مدحت : انتو لسه واقفين يا بهوات.. خدوها حالا علي السرير
ملك : لاااااااا طب انا اسفه مش هعمل كده تاني سيبوووووووني لااااااااا
امسكها الممرضين بكل وحشيه وبكل قوه وهي ظلت بين ايديهم تعافر وتعافر وقد اصابها تشنجات عنيفه.. وحاول الممرضين تثبيتها علي السرير بكل عنف ولم تهتز شعره واحده منهم ،،، يا الله هل قلبهم قد نزع وحل محله حجر لا يشعر ،، ولكن قلبي انا يتقطع علي هذا المنظر كفاكي يا ملاكي صريخ ، صريخك ينزل علي قلبي مثل الصاعقة
الممرض : نعمل الكهربا علي اد ايه يا دكتور مدحت
مدحت : علي *** علشان تتربي
زين : يا دكتور ...
الممرض لم يمهل زين الوقت لكي يكمل كلامه فقد اشعل الكهرباء
ملك : اااااااااااه،،،،اااااااااااااه،،،،اااااااااااااه،،،ا ا ااا ااا ااه
وبعدها أطفأ الكهرباء ،، وغابت ملك عن الوعي ،،وقلب زين ظل ينزف وينزف كأن خناجر اصابت قلبه ،،
حملها الممرضين وذهبوا بها الي غرفتها ووضعوها علي السرير ،،وأثناء كل هذا يوجد قلب ينزف يراقبها وعيون تترقب كل شئ يخصها
بعد قليل ،، ذهب زين الي مكتب مدحت
طق طق طق ،،،،
مدحت : ادخل
زين : احم دكتور انا ...
قاطعه مدحت قائلا ،،
مدحت : بص يا دكتور زين مش هيجي دكتور علي اخر الزمن يعدل علي شغلي وهو اللي يصدر الأوامر انا هنا مدير المستشفي ومحدش قدر يصدر اوامر لحد دلوقتي غيري ولا حد هيقدر يصدر ولو انت فاكر انك هتيجي هنا وتصدر أوامر وتعمل نفسك مدير تبقي غلطان أنت هنا لسه دكتور متعين جديد وأقدر أمشيك في ثانيه بس انا مش عايز أتخذ اي إجراء عنيف ناحيتك علشان انت تعتبر الأول علي دفعتك ومش عايز ادمر مستقبلك وانت لسه أول يوم ليك هنا
زين : ممكن تسمعني يا دكتور
مدحت : اتفضل
زين : انا محترم اي قرار حضرتك هتاخده هنا يا فندم وانا معنديش اي أعتراض نهائي.. بس انا عندي طلب واحد عند حضرتك
مدحت : طلب ايه
زين : اني أكون المسؤول عن حالة ملك ويبقي معايا كل الصلاحيات في علاجها ومحدش يدخل في اي حاجه تخص علاجها غيري
مدحت : انت جاي تهزر بقي
زين : انا مبهزرش وده مش وقت للهزار
مدحت : وانت يا دكتور زين تفتكر ايه اللي ممكن يخليني اوافق علي طلبك المستحيل ده
زين : اممممم،، حضرتك طبعا عارف اني مترشح هنا بقرار من الوزاره والمفروض اقدم ليهم تقرير بعد سنه بكل حاجه هنا سلبيه وايجابيه
مدحت : انت بتهددني يا زين
زين : لا يا دكتور انا مش بهدد حضرتك انا بطلب منك طلب وأتمنى إنك توافق عليه
مدحت : امممم ،،، انا حاسس ان البنت زغللت عينك يا...ههه يا دكتور
زين : انا البنت صعبت عليا وعايز اعلجها بنفسي ولو سمحت يا دكتور انا مش هتقبل منك اي كلام خارج عن سياق كلامنا
مدحت : انا بس حبيت افكرك انها مجنونه وخلي بالك لتلحس عقلك ،، يعني من أول مره تشوفها عملت كده الله أعلم بعدين هتعمل ايه
زين : ها يا دكتور موافق علي طلبي ولا
مدحت : ماشي يا زين موافق بس اي حاجه تانيه ملكش دعوه بيها ولا ليك اي صله او تتدخل بأي حاجه تحصل هنا غير ملك بتاعتك دي وطبعا مش محتاج أقولك إن اي حاجه تحصل غير ملك متتكتبش في التقرير
زين : وانا موافق
مدحت : انا هكتب القرار وابعته لسامي ،،، تقدر تتفضل تشوف ملك قصدي المجنونه بتاعتك
زين قرب منه ونظر له نظرات شرسه وكأنه يخرج منها نار يمكن أن تحرق مدحت وهو واقف مكانه
زين : لآخر مره بحذرك بالذوق انا ماسك نفسي وماسك اعصابي بالعافيه اسمها حاله وانا الدكتور بتاعها
ارتجل مدحت من نظرات زين ونبرة صوته الشديده والعاليه إلى حد ما
مدحت : احم ،، خلاص تمام انا بهزر معاك يا دكتور
زين : واحنا مش صحاب علشان نهزر مع بعض
مدحت : بقي كده
زين : اه ومفيش غير كده
مدحت : طب اتفضل روح شوف شغلك يا دكتور مع الحاله اللي انت بقيت مسؤول عنها
زين : أيوه كده خلينا حبايب احسن
وخرج زين من المكتب
بداخل مدحت : وانت كنت طلعتلي منين يا زين الزفت انت ،،، الحكايه مكنتش نقصاك اصلا ،، ربنا يسترها ويعدي اليومين دول علي خير ،، احسن حاجه اعملها اليومين دول اني ابعد عنه وأقصر الشر لحسن هو شكله مش هيجبها لبر واحسن حاجه مبقاش عدو ليه ونفضل صحاب احسن لحد ما السنه دي تعدي ع خير وبعد كده اطلب نقله ،،، مش معقول حتة واد لسه طري ولا راح ولا جه يخسرني اللي وصلتله ،،
أنت تقرأ
الجنون بدايه العشق
Romansaمع كل حكايه بتنتهي في حياتنا بنفتكر ان خلاص دي نهايه المطاف بس اللي منعرفوش واللي بنكتشفه بعد كده ان اخر سطر في حكايتنا القديمه بيبقي عباره عن اول سطر في حكايه جديده الذ واحلي مليون مره ❤
