في المطعم ،،،
المدير : انا آسف يا دكتور زين ،، بس الانسه ملك مش موجوده في المطعم كله ...
زين :(بعصبيه شديده) انت مجنون هو ايه اللي ملك مش موجوده ( بنبره صوت عاليه) قسما عظما لو ملقتش ملك لاقفل المطعم بتاعكوا ده واحبسكوا ،، انت فااااهم
المدير :(بنبره هادئه ليمتص غضبه) يا دكتور زين ارجوك اهدي علشان نعرف نتصرف
بداخل زين في هذه اللحظه : لا يا ملك مش بعد ما لاقيتك افقدك انا ممكن اموت فيها،، انا مش هقدر اعيس من غيرك يا ملك ،، حرام عليك ليه عملتي فيا كده ليييييه ،، انا حاسس اني هموت ،، يارب دي روحي رجعها ليا ،، ياااااارب ،، يااااارب ،، هتكوني فين بس يا ملاكي....
في نفس التوقيت رن تليفون زين عده مرات ،،،
زين : ( بتأفف) الو مين
زياد : ايه يا عم الطريقه دي
زياد هو صاديق عمر زين ،، هما اصدقاء منذ الطفوله ،، يتميز زياد بالبشره البيضاء ،، والعيون البني الغامق ،، والجسد الرياضي ،، وهو طويل القامه ،، ووسيم جدا ،، ويتميز بالصرامه الشديده وفي نفس الوقت بخفه الظل ،، وهو قد التحق بكليه الشرطه واثبت كفأته فيها ،، فأخذ رتبه نقيب ،، وهو متميز جدا في عمله ،، فأي مهمه يأخذها ينجح فيها ،، ولكن منذ دخول زياد الي كليه الشرطه انقطعت المقابلات بينه وبين زين لظروف عملهم ولكن لم تنقطع الاتصالات.....
زين : معلش يا زياد انا بس في مشكله ومش هعرف اكلمك دلوقتي
زياد : وانا اللي كنت عايز افرحك واقولك اني نازل اجازه وبعد الغيبه الطويله دي اخيرا هنتقابل
زين : معلش يا زياد ،، مش عارف اقولك إيه
زياد : طب انت فين دلوقتي
زين : انا في مطعم ****
زياد : طب انا جنبه ،، دقائق وهبقي عندك
وبعد عده دقائق ،،،،
زياد :(منادي علي زين بفرحه واشتياق ) زين
زين : زياد ،،،
وجري علي صديقه وهما الاثنين حضنوا بعضهم البعض ،، ( بداخل زين) يا الله يا صديقي كل هذه غيبه ،، لقد زاد اشتياقي الي ابعد الحدود ،،
زين : كل ده يا زياد كل ده
زياد : اعمل ايه والله غصب عني يا صاحبي
زين : واحشتني اوووي يا صحبي
زياد : وانت والله ،، والبت الاوزعه واحشتني اوي برده وعمي ( والد زين) و اكل امك واحشني اوووي ههههههه
زين : يعني اكل امي اللي واحشك وامي ذات نفسها موحشتكش ،، وبعدين منه لحد دلوقتي بتزعل من اوزعه دي وتتقمص ههههههه
زياد : ههههههه لسه طفله زي ما هي انا قولت كبرت وعقلت ههههه ،، طب وصحيح لسه اوزعه زي ما هي ولا طولت شويه ههههه ،، وحشتوني كلكوا والله يا زين ،، انا أخيراً نزلت اجازه شهر ،، يعني هفضل لازق فيكوا لحد ما تزهقوا مني
زين : لا لسه طفله واوزعه ،،
زياد : مالك يا صحبي ،، صوتك حزين ومش بتضحك من قلبك ،، مشكله ايه اللي انت فيها دي
زين : اقولك ايه ولا ايه بس يا زياد وبعدين انت لسه واخد الاجازه انهارده ،، روح ارتاح وانا هحلها..
زياد : عليا الطلاق ابدا ،، اينعم انا لو اعرف ان فيها مشاكل وحوارات كنت مانزلتش اجازه بس مش مشكله بقي نصيبي كده هههههه
زين : انت متجوز اصلا يا زياد
زياد : لا
زين : اومال بتحلف بالطلاق كده وخلاص
زياد : ههههههه ،، طلقتها قبل ما اتجوزها ،، ها احكيلي فيه ايه بقي...
زين : قص عليه ما حدث
زياد : انا شاكك انها تكون اتخطفت
زين ( بالهفه) : ايييه اتخطفت ،، ازاااي
زياد (بنبره مكر) : ايه يا عم اتفزعت كده ليه ،، انت متأكد انا مريضه بس
زين : زياد متعملش عليا ظابط
زياد : زين قولي كل حاجة علشان اعرف اساعدك وبعدين انا صاحبك ،، هتخبي علي صاحبك
زين ( بنبره حزن وكسره) : انا بحبها اووووي يا زياد اوووووي ،، هي نصي التاني اللي كنت بدور عليه بقالي اكتر من 26 سنه ،، هي الوحيده اللي ملكت قلبي ونزعت روحي واستكانت هي مكانها وبقت هي روحي ،، بقت روحي يا زياد ،، ( وتجمعت الدموع في عينه) انا من غيرها هموت يا زياد هموووت ،، انا مش مجرد واحد بيحب واحده حب عادي لا يا زياد ،، انا بعشقها ،، بعشق كل تفاصيلها ،، بعشق روحها ،، هي بنتي وحبيبتي وروحي وقلبي وملاكي ،، ( ومسك زياد من الجاكت بتاعه) رجعلي ملك يا زياد رجعلي ملك ،، انا هدخل مستشفي المجانين واقعد ف سريرها ووغرفتها لو مرجعتش ،، مش هقدر اعيش لحظه واحده وهي بعيد عني
أنت تقرأ
الجنون بدايه العشق
Romanceمع كل حكايه بتنتهي في حياتنا بنفتكر ان خلاص دي نهايه المطاف بس اللي منعرفوش واللي بنكتشفه بعد كده ان اخر سطر في حكايتنا القديمه بيبقي عباره عن اول سطر في حكايه جديده الذ واحلي مليون مره ❤
