الجنون بدايه العشق

chapter 3

بداخل غرفه ملك ،،،
ملك : زين !!
انصدم زين من رد فعل ملك ،، هل حقا هي نطقت بأسمه ،، هل حقاً هو سمع اسمه منها ،، يا الله هل اسمي بهذه اللذه ،، شعر وكأنه سمع اسمه للمره الأولى في حياته..
لف لها وجهه ،،
زين : نديتي عليا يا ملك
ملك : .....
زين اقترب من السرير مره اخري وجلس علي طرف السرير......
زين : تسمحيلي اشاركك سريرك واقعد جمبك
لم يتلقي زين ردود من ملك ولكن تلقي نظراتها التي كانت معلقه عليه في اي حركه هو يفعلها
زين : بيقولوا ان السكوت علامه الرضا ،، حيث كده بقي اشاركك واقعد هنا معاكي في نفس غرفتك ونفس سريرك
ملك : ........
زين : علي فكره انا مش مضايق منك علشان انتي مش عايزه تردي عليا وانا قاعد بكلم نفسي كده ،، تعرفي انك بتردي عليا بس بطريقه غير مباشره
ملك : مش برد ،، واطلع بره
بداخل زين :كلمات في شكلها السطحي جافه وبارده ولكن من ملاكي هي ادفء كلمات نزلت علي اذني
زين : ههههههههه ،،، لا عينك بترد عليا في كل كلمة بقولها ،، وحتي دلوقتي لسانك قالي اطلع بره بس عيونك بتقولي خليك متمشيش
اتكسفت ملك جدا ، فهي لم تتحدث مع احد ولم تسمع كلام طيب مثل ذلك منذ زمن ،، اخفضت عيونها لاسفل وجنتها تلونت باللون الاحمر القاتم فأصبحت مثل حبات الكرز ،،
زين : يا خبر ابيض انتي اتكسفتي وخدودك احمرت كمان ،، اتصدقي ان بقالي زمن مشوفتش بنت بتتكسف كده زيك ،، لحد ما بدئت احس ان خلاص مبقاش فيه بنات بتتكسف
ملك ظلت كمان هي وجنتها اشتعلت اكثر باللون الاحمر
زين : انتي عارفه انا مين يا ملك
ملك رفعت عيونها وقالت : لا ،، اعرف انك زين وبس
زين : طب عايزه تعرفيني
ابتسمت ملك وفجأه عبست ولفت وجهها عنه
ملك : ابعد عني ،، انا بكرهك وبكرهكوا كلكوا ،، كلكوا قاسين ،، اهئ اهئ اهئ اهئ
اخرج زين منديل من جيبه واعطاه لملك
زين : امسحي دموعك يا ملك ،، تيجي نتفق علي حاجه
ملك اخذت المنديل ومسحت دموعها
ملك : نتفق علي ايه
زين : من هنا ورايح متعيطيش ابدا ومش عايز دموعك دي تنزل تاني
ملك : بس انا مش هقدر اعمل كده ،، دموعي بتنزل لوحدها
زين : طب ممكن علي الاقل تحاولي انك متعيطيش
ملك : هحاول
زين : انا نفسي اتكلم اوي واحكي شويه عن نفسي.. موافقه اصدعك حبه واحكيلك عني شويه
ملك : هههه موافقه
زين : ماانتي بتعرفي تضحكي اهو اومال ليه حاطه الوش الخشب علطول هههههه
ملك : انت بتتريق عليا ( وعيونها اتجمعت فيهم الدموع) 
زين : لا خلاص انا آسف انا بهزر معاكي يا ملك
ملك ابتسمت وقالت : علي فكرة انا حاولت معيطش وفعلا معيطش
زين : برافوا عليكي يا ملك انا مبسوط منك اوي
ملك : بس انا زعلانه منك
زين : انا ،، ليه
ملك : علشان سبتني ليهم ،، اكملت بدموع ،، سبتوهم يكهربوني مخلتهمش يبعدوا عني اهئ اهئ اهئ انا بتألم اووي اووووي من الكهربا دي اهئ اهئ
زين شعر بالذنب هل ملاكي ذاقت الم الكهربا بدلا من مذاق الفرح والسعاده
زين : عندك حق تزعلي مني بس انا هصالحك
ملك : مش هتعرف
زين : امممم ( وقد لمح اباجوره موضوعه علي كومود بجوار سريرها،، خلع السلك من الابأجوره وامسك طرف وكان الطرف الاخر موصول بالكهرباء )
زين : انا هكهرب نفسي علشان تبقي بصره
ملك : لااا استني....
ولكن زين لم يعطيها الفرصه لكي تكمل حديثها فقد وضع يده علي السلك العريان
زين : اااااه ،،( ورمي السلك مره واحده) 
جريت ملك عليه
ملك : زين ،، انت كويس ،، ليه عملت كده
زين : علشان ابقي حسيت بنفس اللي انتي حسيتي بيه ،، ها صالحتيني
ملك : اه صالحتك
ورجعوا تاني علي السرير
زين : انا زين دكتور نفسي ،، وانتي
ملك : انا ملك بعرف ارسم واغني واعزف علي الكمان
زين : ده انا جمبك غلبان خالص ههههه ،، انا بحب البحر وانتي
ملك : ظلت تفكر قليلا
وزين يراقب ردود افعالها الجسديه ويدونها في نوت لديه
ملك : انا بحب ماما
زين : اممم انا اكتر حاجة بحبها من ماما الاكل بتاعها وانتي
ملك : انا اكتر حاجة كنت بحبها من ماما حضنها
كنت بحس بالامان وهي بتحضني
زين : انا اكتر حاجة بكرها البلايستيشن وانتي
ملك عيطت بهستريا وكأنها تذكرت شئ مرعب...
زين : طب اهدي اهدي ،، خلاص كفايه كده ونكمل بكره
ملك هزت رأسها بطريقه تعني موافقه
زين : علي فكره عندي خبر حلو ليكي
ملك : خبر ايه
زين : من اول انهارده أنا هكون الدكتور المسؤل عنك  انا وبس ومحدش غيري يقدر يعملك اي حاجه
ملك : يعني مفيش كهربا صح
زين : صح
ابتسمت ملك ابتسامه عريضه ووقفت علي السرير وظلت تصفق وتلوح بيديها في الهوا دليل علي فرحتها من هذا الخبر السار
زين فرح بشده علي منظرها ،، نعم هي طفله لا هي ليست طفله هي طفلتي انا هي ملاكي ،، اقسم لكي يا ملاكي بأنني سأبذل قصاري جهدي لاري هذه الفرحه العارمه علي وجهك كل يوم وانقذك من هنا
زين : هههههه لو اعرف انك هتتبسطي كده كنت قولتلك الخبر ده من زمان
ملك :(ببراءه شديده مثل براءه الاطفال)  ياريتك جيت من زمان يا زين
هذه الجمله الجمت لسان زين ،،
بداخل زين : كفاكي يا ملاكي انا الذي سوف يجن
زين : ربنا سبحانه وتعالى قال " لو علمتم الغيب لاخترتم الواقع " ،، يعني كل ده في ايد ربنا وربنا عارف ان ده المعاد المناسب اللي اجي فيه ليكي
ملك : انا حاسه ان ربنا ابتدي يحبني
زين : ملك اوعي تقولي كده تاني ،، ربنا بيحبك اوووي علشان كده حطك في اختبار صعب شويه
ملك ابتسمت ابتسامه عذبه له علي هذا الكلام الجميل
زين : بوصي بقي انا عايزك تأخدي الدوا بتاعك كله من غير اي اعتراض
ملك : انا مش محتاجه دوا انا مش عيانه
زين : هتزعليني منك بقي
ملك : لا خلاص متزعلش ،، خلاص هأخد الدوا كله
واعطاها زين الدواء واخدته كله
زين : تصبحي علي خير يا ملك مع السلامه
ملك : وانت من اهله مع السلامه يا زين
واخذ زين الابأجوره التي في غرفتها وخرج وقفل الباب وراءه ،،
زين : لو سمحتي
الممرضه : ايوه يا دكتور
زين : اتفضلي خدي الابأجوره دي ،، واي حاجه في غرفه ملك غير السرير والكمود مش عايزها ،، انتي فاهمه اي حاجه في الغرفه غير السرير والكمود تشليها ،،
الممرضه : حاضر يا دكتور
وخرج زين من المستشفي وركب سيارته واتجه الي منزله
طق طق طق
منه فتحت الباب  قائله : ما لسه بدري يا دكتور
زين : يا بنتي دخليني انا جاي تعبان من بره
منه : اتفضل يا خويا
زين : اخوايا !!!  انتي اخدتي عليا اوي يا بت انتي
منه : ههههههه حبيبي يا زيزو
زين : اومال ماما وبابا فين
منه : دول ناموا من بدري ،، ده حصل يا زيزو حاجات انهارده هتشقلب حياتك خالص يا زيزو
زين : انتي بتقولي فيها فعلا اللي حصلي انهارده هيشقلب حياتي خالص
منه : ايه اللي حصل
زين : بوصي انا ميت من الجوع هاتيلي الاكل علي غرفتي علي ما اخد شاور ونحكي للصبح
منه : لا وهعملك كمان نسكافيه علشان تسهر معايا وتبقي مفوق
زين :ههههههه طب يالا يا اوزعه
منه : بس متقولش يا اوزعه
زين : ههههه ماشي يالا يا حاجه
منه : بعصبيه أكثر متقولش يا حاجه
زين : ههههه طب انجزي يا منه علشان جعان ومش قادر
وصعد زين الي غرفته وأخذ الشاور وارتدي بنطلون اسود وتيشرت رمادي اللون قد ابرز عضلاته وجسده الرياضي ،،، وبعد قليل
طق طق طق
زين : ادخل
منه : احلي اكل في الدنيا لاحلي زيزو
زين : ريحه الاكل جوعتني اكتر هههههه
واخذ منها صنيه الاكل وجلس يلتهم الاكل
منه : ايه ي بني ،، انت مفجوع ،، براحه شويه
زين : منه لمي نفسك انا اخوكي الكبير
منه : احم ،، سوري ،، بس اصل انت بتأكل كأنك مكلتش بقالك سنه
زين : انا يعتبر طول اليوم فعلا مكلتش حاجه
منه : هو مفيش اكل هناك ولا ايه
زين : لا فيه بس انا نسيت ،، ها قوليلي بقي ايه اللي حصل
منه : خالتك جات من السفر ،، ومعاها بنتها الصفره دي
زين : هههههه ي بنتي عيب دي بنت خالتك برده
منه : يا عم انا مبحبهاش ،، المهم خالتك وبنتها فضلوا يزنوا علي مشروع جوازكوا وخالتك قالت انها بقت خايفه علي بنتها من الدنيا بعد ما ابوها مات وخايفه لبنتها تبقي من غير راجل وانها تموت من غير ما تطمن عليها ،، مش فاهمه انا يعني المفروض تخاف علي الدنيا من بنتها مش العكس
زين : اممم وهو ده الموضوع اللي انتي عامله عليه قلبان ،، يا ستي ده كلام ستات سيبك منه
منه : احم اصل اصل
زين : اصل ايه قولي
منه : اصلهم حددوا معاد قراءه الفاتحه الخميس الجاي طبعا انا رفضت بس ماما زعقتلي واضطريت اني اسكت واتصلت عليك كتير علشان تيجي توقف اللي حصل ده بس انت مردتش عليا
زين : قراءه فاتحه مين ،، ايه المهزله دي هو انا لسه عيل علشان يحددوا كل حاجة من غير حتي ما يأخدوا رائي
ملك : طب انت هتعمل ايه يا زين
زين : هرفض طبعا
ملك : احم وفيه حاجه كمان.
زين : كماااان ،، فيه ايه تاني
ملك : خالتك عيانه اوي يا زين ده اللي هما قالوه وماما شكلها كده هتمم الجوازه دي علشان خايفه ان خالتك تودع بدري بدري قبل ما بنتها تتجوز وطبعا مفيش عريس لقطه غيرك
زين : كمان ،، هو فعلا مكنش ناقص غير كده
منه : طب وبعدين يا زين ايه العمل
زين : هرفض طبعا وبشده ،، ربنا يعدي بكره علي خير بقي
منه : يااااارب ،، ها قولي بقي ايه اللي هيشقلب حياتك انت كمان
زين : بعد ايه بقي ،، ماانتي فصلتيني
منه : لا قول وحياتي وحياتي وحياتي
زين : خلاص هقولك يا زنانه ،، بس الكلام ده ميطلعش لبره
منه : اطمن يا باشا ،،  سرك في بير
زين : احم ،، منه انا بحب
منه بصدمه وذهول : ايه!!!  بتحب!!!!  مين وفين وازاي..
زين : ..........
لو عايزين تعرفوا ايه اللي زين هيقولوا لمنه استنوا الفصل الرابع اللي هيحصل فيه مفاجأت كتيرر اوووي غير متوقعه  🔥🔥...
تااااابعوووووواا
............... ......................................................