Mapayapa ang paligid buong araw
Walang inaalala Walang iniintindi
Inakala mong ayos lang ang lahat
Walang bakas ng kalungkutan
Hindi mo naisip na may mali
Hindi rin naramdamang may nasasaktan
Ngunit dumating ang kadiliman
Biglang may lumapit at ika’y niyakap ng mahigpit
Isang nilalang na patuloy na lumuluha
Gusto mong itanong kung ano ang nangyari
Dahil ramdam mo ang sakit sa bawat yakap at luha mula sa kanya
Pero hindi mo magawa kasi isa ka lang unan
Unan na mayayakap kapag ang puso ay sobrang nasaktan
Unan na tanging kasama sa mga panahong walang pweding makarinig ng kanyang hinaing
(Tagalog 101 ni Jamie)
Hindi ko alam pero bigla ko na lang nasundan ang ideyang nagsimula sa isang puno. Isang puno na umasa at ngayon naman isang unan na niyayakap kapag nasaktan ng sobra ang isang nilalang. Hindi ba kapag ayaw mong malaman ng mga tao na ika’y lumuluha …ang ilan ay kukuha ng unan at yayakapin itong mahigpit? Yayakapin na tila wala ng bukas, luluha hanggang matuyo ang kanilang mga mata at makatulog. Sabi ng matalik kong kaibigan ano kaya ang susunod sa istorya nung puno? Sa pagkakataong ito hindi na puno kundi isang unan. Isang unan na handang dumamay kapag ika’y nalulumbay. Ngunit sa mga panahong iyon wala ba tayong pweding gawin kung hindi umiyak na lang?
BINABASA MO ANG
Lahat Bagay
RomanceIsang koleksyon ng maiikling kwentong makapupukaw ng iyong imahinasyon. Basahin upang maintindihan "Bakit nga ba LAHAT BAGAY" ? -Jamie Rubio
