Lahat Bagay

Nakatagong PAGTINGIN.

Kay sarap pagmasdan ng iyong imahe

Kay sayang makita araw-araw

Ang mga ngiti mula sa iyong mga labi

Lagi kong pinagmamasdan 

Sa iyong mga mata

Aking nakikita ang nilalaman ng iyong puso

Mabuti at busilak.

Pero dumating ang isang araw

Ako'y nabigla sapagkat pilit mong sinisisi ang iyong sarili

Sa isang bagay na dulot ng isang taong di ka pinahalagahan

Ngayon, tila di ko makayang luha ang lumalabas mula sa’yong mga mata

Habang nakikita, ako'y nasasaktan

Pero ang maaari ko lamang gawin ika'y pagmasdan

Isang salamin na hindi mabago ang nakikita

Isang salamin na repleksyon ng taong nasasaktan

(Tagalog 101 ni Jamie)

Salamin. Ipinapakita lamang nito ang kanyang nakikita. Hindi maaring baguhin. Kapag ika'y naka ngiti, nakasimangot, nagagalit o kahit nalulungkot… iyon ang makikita mo mula sa salamin.

Tumakbo na naman ang imahinasyon ko. Madalas bigla na lang akong napapasulat ng istorya hango sa mga bagay na aking nakikita. Ngayon may mga katanungan ako para sa inyo. Paano mababago ng salamin ang kalungkutan mula sayo? May magagawa kaya ito upang ika'y mapasaya? O kaya naman sayo rin nakasalalay ang iyong kaligayahan?