Aku Tomboy & Dia Sutung (Completed)

Part 1

Aku Tomboy & Dia Sutung
BY : TESCY DESCY
Base On True Story
Part 1

Zzttzz.. Zzttzz..

✉️ WhatsApp Si Mulut Murai -> Me

“Oii!! Babe!! Kau ni ahh! Punya pombuyuk!” - Chat si mulut murai

“Astagaaa.. Nagara ku.. Mau cari gaduh nampak 🤨.” - Send / Sia balas chat c mulut murai. Bikin panas ni urang.

“😂😜 Gila. Mana ada oh. Kau yang macam mau cari pasal ni sama sia.” - Aikkkk.. Ta’kazutttt si anty.

“🤔🤨 apa? Bagi salam tidak. Tiba-tiba mau oii.. Oii.” - Send

“😂😂 paduli kau sana. Sia banci kau ni.” - Aikkk.. Kanapa bah ni urang ni. Macam mau bawa ba’gaduh oh kan.

“Apa?” - Send

“Babe 😟. Kanapa kau kejam oh.”

“Apa?” - Send

“Banyakkkkkk butul kau cut-cut cerita friendship kau kan.” - Astagaaa 😱😱 dia baca kah tu🙈.

“🙈 Kau ada baca kah tu hantu🤭🤣?” - Send / panjahat sia ni mau panggil urang nama yang tiada-tiada.

“😏 kau pikir. Tapi sia tidak puas hati ni.”

“Eeee.. Bila kau baca? Di mana kau baca, buduh? 🙈.” - Send.

“Gila, di group fb kau lah bah. Kanapa tu banyak kau skip-skip? Banyak ohhh kau tidak kasi cerita. Banci nya sia kau.” - Odoiiii.. Ni anak ahhh.. Kanapa ni munyit buli pigi sibuk baca ahh.

“Part mana juga kau rasa sia cut ni?” - Send

“Pasal c kara pun banyak tu kau sikp. Ada kan dia kasar-kasar lagi sama kau, tapi napa kau tidak kasi cerita? Tu lagi, yang kau kanal 1 lelaki lagi urang tu, yang barabis kikis kau, dia pukul lagi kau, tu pun kau tidak cerita. Pasal c Nikki pigi cari kau sampai di Tamparuli tu pun kau tidak tulis. Yang pasal c Nikki merayu sama kau tu, sampai yang dia buang tu cincin, yang kau kasi balik dia tu pun kau tidak kasi cerita. Lapasssss tu.. Banyak butul kau tipu sia kan 😠😠.” - Ayaaaaa.. Napa sia lupa pigi block ni manusia ahh 🤣🤣. Silaka butul, dia buli ingat ohh, mana-mana sia tidak kasi cerita.

“Siou, sengaja bah tu sia tidak mau kasi panjang-panjang tu cerita. Kau tau juga kan sia tidak kuat. Tapi, apa yang sia tipu kau ni🤔🤨??” - Send.

“Sampai hati kau tidak kasi cerita sia pasal kau berenti kerja tu. Kau tau kah sia sakit hati bila tau semua dalam tu cerita. Kau susah butul masa tu, tapi masa sia call kau. Kau cakap kau okey saja. Kau bilang masa tu, kau kerja juga, pada hal tidak. Kau ni kan, kanapa juga kau tidak kasi tau sia, yang kau ada masalah masa tu. Ishh!!! Sakit hati sia oh.” - 😟😥 Sia tidak tau mau jawab apa sudah.

“Sorry babe. Sia tidak mau kasi risau kau bah masa tu. Sorry.”- Send

“Sakit hati sia! Sampai hati kau!”

“Doii.. Lama sudah bah tu babe. Apa lagi kau mau sakit hati? Sia tidak juga mati kan.” - Send

“Buduh!! Tu part mati sia banci!! Kau ahhh!! Napa juga kau tidak perna kasi cerita sia, pasal kau sakit dulu ohh! Buduh punya kawan! Semua yang happy-happy saja selalu kau cerita. Tapi, 1 pun masalah kau kan, kau kasi tapuk. Napa kau ni babe! Sakit tau hati kami, bila tau cerita kau dulu 😭😭. Kau butul-butul buduh bah😭.”

Hai..Hai.. Siou.. Awal-awal cerita, kamu baca sudah chat meroyan 🤣. K, tu chat di atas tu. Tu kawan baik sia. Sia panggil dia ni mulut murai, pasal banyak butul cakap dia ni, sampai sia panggil dia banyak mulut🤣. Lapas tu, cakap tidak pandai tapis. Tapi kan, biar pun mulut dia ni jahat, hati dia baik. Bagus dia ni.