Aku Tomboy & Dia Sutung
BY : TESCY DESCY
Base On True Story
Part 3
📲✉️ WhatsApp Me (Tescy) -> Mulut Murai
“Hoii.. Tontoluan.. Apa kabar dikau di sana😌.” - Send
“Silaka.. Bila masa sia pandai mogontolu ni 😤.” Marah bah si mulut murai 😂.
“Apa kabar sorita surang😌. Kau punya sorita, sia yang kana tagi 😒.” - Send
“😂😂 relax bah 😁😁. Anu bah babe. Heran sia tu 1 urang. Musim mangawan kah ni bulan 5 ni 🤔.”
“🤣🤣🤣🤣 buduh. Mana sia tau. Kanapa juga kau tanya ni sot?” - Send
“Heran sia ni 1 urang bah. Lamas saja badan sia ni.”
“😂😂🤣 mulau oh kau babe. Jangan kau bilang, kau kana kasi bunting lagi ah 😂.” - Send
“Doiiii.. Palis sodu-sodu. Kisi lagi kama tonduyutung sia.”
“Jadi? Apa di maksud kau lamas badan?” - Send
“Tu 1 urang. Bantaton saja karaja dia😒.”
“😂😂🤣🤣🤣🤣. Astagaaa.. Kanapa kunun kau kasi tau sia ni sot!! Sia tanya kabar tu sorita kau saja ni. Ramai tagi-tagi sudah. Jangan bah kau kasi lama-lama mau sambung bah. Sian urang mau menunggu.” - Send
“Ishh!! Ya lah. Sabar bilang. Sakit badan sia kana gasak saja😂😂.”
“Tu lah kau. Dulu bansi-bansi. Sikarang kotoh. Kana gasak saja kau 🤣🤣.” - Send
“Kitai! Diam kau!”
“Bah, sapat kau sambung sorita kau. Jangan kau minta puji mau kasi ampit-ampit sia lagi kama.” - Send
“Kau tatap ada ni babe. Semua sebab kau juga ni. Kotoh😝😝.”
“Sia edit kama. Sia padam tu kalau ada lagi sia kana ampit-ampit.” - Send
“Cuba lah. Sia kasi gantung ni. Poduli kau kana marah sama reader kau.”
“Kitai!! Pandai sudah kau ugut-ugut ah😏.” - Send
“🤣🤣 bah, karang lah sia taip sambung. Tunggu tu tonduyutung tidur dulu.”
“Bahh.” - Send
Iklan dulu sia kio. Tu chat sia sama si mulut murai. Sia pun tagi-tagi dia ni, suruh sambung cerita dia😂. Sakit kunun badan dia. Maka jari yang mau manaip kan 😒. Alasan saja dia tu.
Bahh.. Makasi sebab sabar menunggu sambungan cerita si mulut muria ni. Jum, kita baca sambungan cerita si mulut murai ni kunun 😂. Sia banci butul ada nama sia kana ampit bah dia, karang sia ubah, meroyan pula tu 1urang😂.
Lapas saja sia terbang pigi Semanangjung. Sia stay dulu di rumah sewa sumandak abang sia. Sumandak abang tua sia kerja Nurse. Dia sewa rumah sama kawan-kawan kerja dia juga.
Lapas 1 minggu sia membosoukan diri dalam rumah sewa mandak abang sia. Sia pigi sudah urus pendaftaran sia sana U yang sia dapat. Abang sia yang kawan sia pigi urus apa yang patut. Sudah daftar semua, sia pigi urus lagi Hostel.
Paling sia tidak suka ni kalau bab-bab Hostel. Memandangkan sia dapat juga Hostel. Terpaksa juga lah sia masuk sana. Sia plan mau tinggal di luar bah, tapi abang sia tidak mau. Nasib lagi jauh tampat tinggal tu mandak abang sia. Kalau dakat, sia mau juga tinggal sana.
Okey, masuk saja sia dalam tu Hostel kan. Aduiii.. Sudah tarang-tarang bah sia masuk Hostel perempuan. Kana tingu lagi ic sia aarr😒. Tidak kana pacaya bah sia ni perempuan. Ta'lampau hensom kali bah sia ni kana nampak 😂🤣. Ishh.. Parasan lah bah.
YOU ARE READING
Aku Tomboy & Dia Sutung (Completed)
RomantikBase on true story Saja mahu share cerita sinta2 munyit surang dulu2. Saya seorang gadis yang berperwatakan tomboy. Biarpun saya seorang tomboy, saya tetap mempunyai perasaan pada lelaki. Tapi, ada kah yang mahu perempuan macam saya? 100% Sabahan sl...
