تائهة بيني وبينك

البارت الاول

# تائهه_بيني_وبينك

#الكاتبة_mema

- في ودائع الله أشيائنا الأحب دائماً 🧡.

^^^^^^^^^^^^^^^^^^^^^^^^^^^^^^^^

كاعده بمكتبة الجامعه اراجع بالمواد الي متراكهة علية مبقى بس شهر على امتحانات الفاينل

جنت ملتهية بتحضيرات حفلة التخرج واختيار الفستان وقبلها صارت معارك على اختيار لون الروب والقاط بحيث ناس تغلط على ناس والي تكول اني زركة ميلوكلي هل لون والي تكول انا بيضة ، وكل شخص يقترح لون لازم شلة تنتقدة و أخر شيء الممثل اختار  الألوان وخلة الكل أمام الأمر الواقع،
يالله كدرنة نبدي نجهز وتنحل كل هاي الازمة.

وكللهم  حتى محد يعترض عود بحفلة القاعة لبسو براحتكم عساكم لابسين بنزركي،  وحسم الأمر وشكد توسلو حتى نرجع نتفق بس رفض رفض قطعي حتى ميصير زعل على أشياء تافهة.

واني قبل فترة بديت اجهز  لحفلة القاعة ولازم بهذا اليوم اكون مختلفة عن الكل لان فرحة عمري وتعب السنين راح احصد ثمارة

كطعت علية صفنتي صديقتي ريم و استلمتني دك رزايل

ريم :- انتِ هنا واني كلبت الكليه عليج ليش متردين على فونج
ربا : - ليش شكو يا ستار، و فوني سايلنت وبالجنطه وما انتبهت علي اصلا

ريم :- سلامتج ست ربا بس اذكري هل موقف عدل اخاف شي يوم  تتصلين علية واحگرج  وما اجاوبج الا اعاملج بنفس الأسلوب حتى تحسين، واكفة اتصفن وحدي وحضرتج كاعده ولا على بالج

ربا:- لج تحجين عبالك متعمده ما اجاوبج، شلون لوما قبل نص ساعه جنت يمج، وبعدين مو على اساس راح تحضرين محاضره شمدريني حضرتج مخلصة

ريم :- لج ضوجه  و فوكاها محاضره دكتور احمد كلش ممله و بقيت انتظر اخاف يجي عندي غيابات هواي يمه تالي عدهم ندوه وما اخذنه، بس بقيت اتصفن لحالي واتصل عليج متجاوبيني

ربا :-  هم زين ما أخذنا، اكلج  المواد كلها متراكمه عليه شلون حنلحك نقرأها ومنين نبدي اصلا  اني كل شيء ماكو لا قاري يومي ولا مفتهمة

ريم : نسيت اكلج مو مصطفى قبل فترة كال  راح يدرسنا وحدد  يوم الاحد بعد ثاني محاضره ندرس كال بما انو ما عدنا شيء حتى براحتنا ندرس

ربا :- خوش بلكي نلحك ونفتهم الماده قبل الامتحانات

بعد يوم عادي رجعت للبيت اجه عليه محمد،
ولازم ينتقد لبسي لو مكياجي وكا العاده يمل ويسكت، اخلي يحجي ايلما يبزع لان من اناقشة راح نتعارك واني الخسرانة فاخلي يحرك دمة لحد ما يمل ويسكت

وصلنا البيت ونزلت  اركض كالعاده  دخلت للبيت  لكيت ماما  بالمطبخ تسوي بالمقبلات
بستها وصعدت لغرفتي
وتركتها تعيط وراية علمود ما اتأخر بالتبديل