رواية جديدة🍁(#رواية_اهانني_القدر_فأنتقمت) .الرواية #16_بارت🍒🌸

بارت٤

بارت ٤
صفاء"  اكلج لولو شبيها امي وياج بشنو جنتو تسولفون انتي  سمعت بس مفهمت انتي بلغتي ؟
ولاء" حبابه لاتكولين لاحد والله اخجل
صفاء "ولج المن اكول قابل شنو اشايفتني امشي واهرج

لاحبابه مو امي كلتلي لاتجيبين سيره لأحد لان تخاف عليه من العين 
صفاء "😒 لا اطمأني ما اكول لاحد

هنا حسيت احساس بالإهانة من أقرب الناس إلي
وره فترة حسيت بآلام بضهري وبطني حتى رجليه كلش تاذيني صار كل رأس شهر لازم تجيني هاي الأعراض بس مجنت أفهم هاي شنو ولا أسأل لحد ما مره اني بالحمام جوه الدوش شفت الدم ينزل بغزارة من رجليه متت بمكاني طلعت أركض بس مرحت لأمي مع الأسف ركضت لاختي  سولفتلها  واستغربت انو اني هسه ياله صار عندي هالشي واني أكبر منها ب 5 سنوات كالت لازم تكولين لأمي حتى تاخذج  للدكتوره  مهتميت جنت ادري اني آخر اهتمامات الوالده وفعلا وصلتلها ولاء الخبر  بس مهتمت مثل ما اهتمت لولاء من جانت بنفس الموقف 😓  القدر لعب لعبته وياي لاكثر من مره  ولاء صارت كل معالم الأنوثة تتفجر عدها واني كلشي ماكو لاشعر مثل البنات ولا خلقه مثل البنات بشره محروكه من الشمس والشغل والتعب من بعد ما ابويه سلمني قسم التصميم بالمعمل صارت مسؤليتي كلش جبيره  ولاء كامت الخطابة ناس تروح وناس تجي كل كم يوم اسمع ناس جايه

ولاء"صفاء صفاء اكعدي حبيبتي صار دنيا المغرب مو زين عليج
صفاء"اي هسه
ولاء"راح اسويلج اكل انتي مامتغديه خو ما بعدج ضايجه 😙
صفاء"اي اي اي  ماشي راح اسوي دوش وأنزل😙
نزلت ولكيت بابا بالصاله ويحجي بالتلفون ويه عمي ومبين عليه مزعوج
بابا شبيك ليش متضايق
بابا عمج باجر عنده عمليه قسطره وماكلي لو ما مصطفى يكولي جان مفتهمت باجر طالع من الصبح بلكت الحك عليه ادعيله يكوم منها بسلامة 
بابا اجي وياك
لا بابا خليج عدنه التزام بيت الدكتور لازم تخلصيلي النقشات بأسرع وقت صفاوي باباتي لاتفشليني ويه العالم
اي بابا بعيني لاتوصيني هذا شغلي تروح وترجع بالسلامة وان شاءالله عمو يكوم بالسلامة
ثاني يوم بديت اسوي الرسمات الاوليه للتصميم وهمه يردون نقشات نباتيه بديت ارسم واعدل وارجع ارسم لحد ما صفيت على رسمه معينه واقتنعت بيها بلغت الشباب  يشتغلون عليها ومن كد ما ظغط علينه المهندس يوميه يستعجل كمنه نشتغل لليل بدون كلل أو ملل علاقتي بعمالي كلش حلوه علاقه أخوه وصداقة قويه لسنين اكلنه سوا وشربنا سوا وحزنه سوا وضحكنه سوا ابد ماعندي شك بأحد بيهم كلهم  اولاد عوائل محترمين  احسهم اهلي
&
&
&
#رواية_اهانني_القدر_فأنتقمت😻🦋