رواية جديدة🍁(#رواية_اهانني_القدر_فأنتقمت) .الرواية #16_بارت🍒🌸

بارت١٢

بارت ١٢
اعرفكم بنفسي اني أمير رجل أعمال عراقي وعايش نص  عمري بهولندا  عمري 34 سنه  عندي سلسله معارض للسيارات بغداد والمحافظات  ناجح بعملي أما بالحب والحياة الشخصيه فاشل فاشل فاشل علاقاتي كلها تفشل قبل لا تبدي شخصيتي رومنسيه زياده عن الزوم واندمج بسرعه وماكدر اسيطر على عواطفي خطبت اكثر من مره وجنت مطمع لبنات هواي لان بسرعه اوكع آخر شي حبيت بنيه هولنديه حلوه كلش انجذبت الها بصوره مو طبيعيه سيطرت عليه تزوجتها زواج شيخ من بعد ما أسلمت وسميتها مريم  دللتها دلال مصاير عيشتها ملكه سفرتها لكل دول أوربا بكل أنواع الرفاهية من بعد 5 أشهر زواج حملت مريم وبدت حياة العذاب وياهه طبعا القانون الهولندي كلش مساند لحقوق المرأة والطفل شويه شويه حسيت بدت تطلب طلبات أكثر من المعقول حسيت بدت تذلني بالطفل الي ابطنها كلش تعبت نفسيتي ماعرف شلون أتعامل وياها اهلي عايشين بكندا بس اني فضلت هولندا لان أسست شغلي بهالبلد ومستفاد منه  ومرتاح بلد كلش حلو واجوائه رومنسيه مثل شخصيتي بس ورطة نفسي بورطه لازم أكون كد المسؤليه لاكن كتلكم  القانون هنا صعب
مره جنت مسافر للعراق وراجع لهولندا دخلت لبيتي لكيت رجال كاعد بالبيت وزوجتي دتشرب مشروب وياه تخبلت انجنيت منو هذا وشيسوي ابيتي كالت صديقي تخبلت طردت الرجال وبلحظه ضربتها راشدي وصعدت لغرفتي بين ما اخذت دوش لكيت الشرطه بالباب الحبابه مبلغ عليه وهيه حامل اني هنا انتهيت رحت بأبو حديد من بعد التحقيق اتهمتني بالعنف الأسري وصار ملفي اسود انحكمت سنه و 6  اشهر  طبعا الحلوه ولدت ورفعت قضيه بعدم التعرض الها و للطفل وحتى اهلي مقبلت يشوفوه واني اصلا ميحقلي اتقرب من شارع بيتهم من بعد مخلصت محكوميتي طلعت انسان ثاني كلش تعبان كرهت الحب وكرهت النسوان  وحنيني لابني الي محرم عليه قررت ارجع للعراق واشوف مصالحي رحت لدبي شهرين فترة نقاهه  كعدت بفندق 5 نجوم جنت أحب اطلع باليل اتمشى على البحر بالهدوء ومره واني راجع للفندق لمحت بنيه شنو من بنيه يابه عليها سحر عيون مو طبيعي كلت سبحان الله أبو طبع ميجوز من طبعه😁 بثواني اختفت مدري وين راحت بس ملامحها ضلت أبالي شعرها الأسود ليل لخصرها طولها لو عيونها وملامح وجها كلش حلوه ما شاء الله الله يحميها هسه لو بس شويه منتبه وين راحت جان ارتاحيت ياله الله كريم بعد أسبوع حجزت حتى ارجع وبرجعتي بالمطار تلاكيت ويه ابن عمي جان عنده اطرانزيت بدبي رب صدفه خير من ألف ميعاد جان يدري بسالفتي  بس حجيتله بالتفاصيل وأصر أن ياخذني وياه للبيت حتى اشوف بناته وما اروح للفندق ومن وصلنه للبيت
&
&
&
#رواية_اهانني_القدر_فأنتقمت😻🦋