بارت٩

403 26 1

بواسطة user38346483

بقلم user38346483

بارت ٩
بعدها تمرضت ودخلت بحالة اكتاب وبابا خطيه كلش انقهر عليه وصرت اراجع عند طبيب نفسي وجنت اسولفله كل شي صار بحياتي وتفرقة امي بيني وبين اختي ومعامله ابويه الي معاملة الولد واقترح انو اسافر واغير جو واغير شغلي وابدي بمشروع مختلف بابا احترم رغبتي وسلم كل شي بيد مصطفى اني جنت اثق بيه ثقة عمياء وهوه هم ثبت للكل انو هوه كد المسؤليه
وسافرنه لعمان اني وبابا لحد ما دبر اموري ورجع وبعدها قررت أسافر لدبي وضليت على اتصال ويه اهلي درست إدارة اعمال بس محبيت وتركت تعرفت على بنيه عراقيه بنفس العمارة الساكنه بيها هيه وزوجها تعارفنه وصرنه أصدقاء البنيه زوجها حالته الماديه توب فاتحه مركز تجميل كلش حبابه وطيبه تعلمت منها هواي أشياء كلش سبور واجتماعية بشكل وعدها معارف هواي حجيتلها عن هواي اشياء عن ماضيي بس مو بالتفاصيل وقررت تساعدني وتغير بيه هواي اشياء نسيت نفسي وكلشي صار من الماضي قررت اغير من حياتي قررت ادرس تصميم ازياء كلش عجبني هالمجال بهاي الخمس سنوات كلش اختلفت عليه الحياة تغيرت 180 درجه شكلا وموضوعا الأنثى الي بداخلي صارلها 21 سنه تصرخ بداخلي انفجرت للحياة طولت شعري عدلت خلقتي كلها روحي الميته رجعت للحياة دراستي جانت كلش الها دور والأصدقاء الي حواليه كلهم ساندوني ورجعولي حياتي جنت اطلع وياهم واتونس واضحك وانسه كل همومي بس ولا مرة انطيت مجال وفتحت كلبي رغم هواي شباب صارحوني باعجابهم جنت كل فترة اتصل باهلي واعرف أخبارهم بالخمس سنوات اختي صار عدها بنات 2 غزل ورفل وهسه حامل مرة ثالثه جانت تراسلني وتدزلي صورهم سبحان الخالق بناتها يشبهوني ولا كانما بنات ولاء وغياث العيون والشعر كلشي بيهن يشبهني جنت افرح من كل كلبي حسيت هذا تعويض الي من الدنيا
وصلت للمطار وانتضر مصطفى يجي عليه كلش متغير معرفني خطيه خلي انصب عليه
صفاء "مرحبا يحلو ممكن تساعدني
*اي اختي تفضلي بشنو اكدر اساعدج
*أريد شاب حلو مرتب يساعد بنت عمه ويشيل جنطها للسياره 😍😍😍 ممكن ااااااااه
*صفاوي حبيبتي والله معرفتج لج هاي شمسويه بنفسج معرفتج والله
*مو هيج احلا من صفاء إلى صوفي
*متغيره كلش ولج شلون هيج راح تمشين وياي غير هسه اموت روحي اني بجينز وتيشيرت وشعر ولادي ومجنت خلصان انوب فستان حصر للركبه وشعر للخصر وحذاء كعب لا هواي عليه
** هههههههههه مو لهاي الدرجه شنو قابل فضائيه حالي حال العالم بس لان انت ممتعود تشوفني هيج 😙😙ابوس روحك شكد طيب انت وعلى نياتك والله جنت مشتاقتلك مووووت ياله عفيه وديني للبيت مشتاقه لأمي وابويه كلش كلش
مشتاقه اشوف لولو وبناتها
*اكيد راح ينصدمون بيج ماراح يتوقعون هاي انتي صفاء
مصطفى الدنيا تعلم واني تعلمت واخذت درسي
&
&
&
#رواية_اهانني_القدر_فأنتقمت😻🦋