رواية جديدة🍁(#رواية_اهانني_القدر_فأنتقمت) .الرواية #16_بارت🍒🌸

بارت١٥

بارت ١٥
صار موعد ولادة ولاء وجنه كلش  خايفين عليها  ولدة بخير وسلامة وجابت ولد وسموه يزن كلش حلو يشبه أبوه بكل شي بس ولاء حذرتها الدكتوره من الحمل لأن راح يكون خطر على حياتها  واجه أمير وطلب من ولاء انو تدبرله لقاء وياي حتى يفاتحني بموضوع والتقينه واعترفلي باعجابه وعرض عليه الزواج  وسولفلي ليش اختفى علمود يتاكد من مشاعره وسولفلي عن حياته بالتفصيل وكل علاقاته الفاشله وعن زواجه وشلون انتهى حبيت صراحته وياي وجنت مرتاحتله وهوه فعلا انسان ينحب من غير شكله الي يموووت كله على بعضه حلو خلقه وأخلاق  طبعا اني بالبداية طلبت فترة افكر بيها بس هوه أسرع مني اخذ موعد من بابا وطلبني واجو اهله من السفر علمود التعارف وفعلا وافقت وانخطبنه كلش جنت فرحانه بفترة الخطوبه بس جنت مطلعة روحه مخليته يلمسني لمسات غير بريئة  وصارت بيناتنه هواي مواقف حلوه مرات نتزاعل ومرات نتصالح تعلقت بيه وحبيته  وهوه هم الحب مبين بعيونه بس هوه طلع داهية جان دائما يتقرب لبابا لحد ما اتفقو نستعجل بموضوع العرس  صح جنت فرحانه بس جنت خايفه من المسؤليه
واليوم الحنه مالتي وامي كلش فرحانه بيه والمفروض هسه اكوم من الفراش حتى ادوش واحضر نفسي لان بعد شويه اروح للصالون دقيقه
حبيبي يتصل * * *
هلو حبيبي
*هلو يا احلا عروس شلونج
زينه بس متوتره
*اكدر اشوفج اليوم لو الوالده مسويه عليه  حصار
اي اني كلتلها ماريد اشوفك اليوم كل ما اشوفك اتوتر
*توتري اليوم مثل متريدين بس باجر انتي الي وين تروحين من أيدي
*باجر الله كريم حبي ياله باي

*حضرت نفسي ومصطفى وداني للصالون ورجعني ما اكللكم شنو شعوري واني احس الكاع  مشايلتني من الفرحه احس نفسي أميرة شفت الفرحة بعيون اهلي وامي جانت كلش فرحانه بيه جهزتني احلا جهاز ومحضرتلي احلا حنة كلش تونست
خلصت الحنة وراحو المعازيم وبقت اختى ومرة مصطفى ضلينه نسولف ونضحك وكل وحده تذكرت يوم عرسها وكل وحده تسولفلي شكل واني كلبي كام يوجعني واخذتني الرجفه ولزمتني البارده من الخوف آخر شي امي طردتهن من غرفتي وحضنتني وكعدت تمسد بشعري وسولفتلي شلون جان اول يوم عرسها وشلون عاشت ويه بابا سعيده بس اني متحملت وسالتها . . . .
*ماما انتي ليش ما جنتي تهتمين بيه ليش جنتي بعيده عني ليش هسه ياله حسيت بحنانج
&
&
&
#رواية_اهانني_القدر_فأنتقمت😻🦋

سوي اعاده توجيه للي تحب يقرا معاك🐣