رواية جديدة🍁(#رواية_اهانني_القدر_فأنتقمت) .الرواية #16_بارت🍒🌸

بارت٣

بارت ٣
جنت أحب اكافئها على تفوقها واحب اشجعها كل ما تتفوق اكثر اجيبلها هديه على طريقتي مره لحد ما كامت هيه تطلب أشياء معينه مثل بايسكل أو سيارات حالها حال الولد لان كل أصدقائها أولاد أصدقائي ماعدها صديقه بنت لحد ما فد يوم اجتي تبجي من المدرسه كايلتلها المعلمه خلي اهلج ينظفون شعرج لان بيه كمل اني تخبلت اخذتها ورحت للحلاق كص شعرها ولادي صح بالبداية ضاجت وبجت بس من شافتني فرحان واضحك هيه هم ضحكت وحبت شكلها
صفاء كبرت بحظن أبوها وشويه شويه صار تعلقها بيه كلش قوي وتعود أبوها يأخذها وياه لمكان عمله بالعطل الأم شالت ايدها من تربية صفاء وركزت كل اهتمامها وطاقتها ل ولاء خصوصا من بعد ما أكدت الدكتوره لايناس انو الحمل للمرة الثالثه كلش صعب عليها واحتمال ميصير نهائياً جانت ردة فعل أحمد والد صفاء كلش عاديه حتى ميجرح مشاعر حبيبته وأم بناته هالشي خلاه يركز على صفاء لا شعورياً وصارت تصرفاتها مثل تصرفات الولد بكل شي حتى بالبس وبقصة الشعر والمشاكسه والعناد بس بقت تتفوق بكل مرحله لان تعرف هذا الشي يفرح أبوها لحد ما وصلت مرحلة الخامس ابتدائي دخلت ولاء للمدرسه طبعا ولاء شي عجيب من الجمال حلوه لدرجه متنوصف هالشي خلا صفاء تصير الها الدرع والحمايه سنه وره سنه ولحد ما وصلت للاول متوسط وكالعادة صفاء تعودت تطلع بالعطله للشغل وشويه شويه اخذت كل مهارات أبوها وأكثر لحد ما صارت هيه تنطي افكار وجانت تصمم لوحدها حبت الشغل هذا الشي جان كلش مفرح ابو صفاء وكامت تداوم صفاء ويه أبوها للمعمل كأي عامل واخذت شغل حالها حال الصناع هنا صفاء صارت ب ثالث متوسط لاكن مابينت على صفاء اي ملامح للأنوثه عكس اختها ولاء بالخامس ابتدائي بده جسمها يخشن صدرها يبرز بدت علامات البلوغ تضهر هالشي ابد مجان أبال صفاء لان هيه عايشه حياة الأولاد حتى بطريقه الكلام والضحك والتصرفات والشقة وحتى الأم ما جانت مهتمه بالموضوع لانها بعيده عنها عكس ولاء بكل شي

صفاء " فعلا امي مشاركة " بتربيتي" ابد عكس اختي جنت اغار من اشوف امي تشتري فساتين لولاء واحد احلا من الثاني واشوفها شلون تعتني بشعرها وبنظافة أسنانها واضافيرها كلش جنت انقهر ما أنكر جانت مشبعتني حنان وعاطفه كلشي ماعدا الإهتمام بيه باي شي يخصني جنت اذا أريد اي شي تكلي روحي كولي لابوج لان اني ما اعرف اشتري ذوقج صعب دائما تكلي انتي صعبه بالمشترى واضوج وانقهر ومرات انام والدموع بعيني وجنت متأكده امي تفرق بيني وبين اختي جانت مشكلتي ويه امي بس أبد ماحسيت بالغيره من ولاء جنت اغار على امي لحد ما مره دخلت للبيت سمعت امي تحجي ويه ولاء وتعلمها شلون البنيه اذا اجتها الدوره الشهريه شنو تسوي وشلون تحافظ على نظافتها اني استغربت من كلام امي شنو يعني ولاء بلغت 🤔 واني أكبر منها لحد الآن مصار عندي هالشي بس اخجل أسأل امي بهيج شي لان هيه بعيده عليه كلت خلي أسأل ولاء
&
&
&
#رواية_اهانني_القدر_فأنتقمت😻🦋