رواية جديدة🍁(#رواية_اهانني_القدر_فأنتقمت) .الرواية #16_بارت🍒🌸

بارت١٠

بارت ١٠
وصلت للبيت ودخلت وشفت بابا مصدكت من شفته شلون صاير كبران وشعره ابيض صح جنت اشوفه بالصور والكامرا بس الحقيقه تختلف امي متغيره شبكتني وكعت بجي وحضن وبوس انصدمت باهلي أكثر من صدمتهم بيه  امي وابويه معرفوني من التغير بابا يكول هاي منو وين صفاوي ههههه كتله هذيج المزنجرة ذبيتها بالزبل اني هسه صفاء ثانيه تختلف عن قبل امي ضلت تبوس بيه ومهدتني لكيتها محضرتلي الاكلات الي احبها جان يوم يجنن بس جنت أريد اشوف اختي كالو غياث  مسافر   اني من ذكرو اسمه كلبي نبض وجهي تغير كلش ضجت من نفسي ياربي ساعدني ماريد ارجع مثل قبل ساعدني أريد اقاوم واوكف على حيلي تعبت هواي ساعدني ياربي  عرفت حمل اختي كلش صعب هواي متاذايه لأنه عمرها صغير وهذا ثالث حمل الها بفترة قليله كلش ضجت علمودها ردت بس اشوفها متحملت بدلت واخذت هداياهم ورحت لبيتها اول ما فتحت الباب انصدمت  من شافتني ولا صدكت هاي اني اختها لان جنت ما اقبل افتح كامرا من احجي وياها بس اني جنت اشوفهم
*ولج صفاوي هاي شنو شلون صايره تجننين ولج شمسويه بنفسج حبي والله متغيره
**انتي هم متغيره كبرانه وحليانه أكثر وين البنات عفيه أريد اشوفهم كلبي كلش مرفرف عليهن
*نايمات بالغرفه اصعدي شوفيهن بين ما اسوي عصير ونكعد بالحديقة عندي هواي حجي وياج ميخلص منا لباجر
من بعد ما كعدنه بالحديقة ضحك وشقه وسوالف كلش تونست يم لولو وبناتها مثل العسل جنت كلش متونسه وماخذه راحتي على الأخير طلبت مني ابات يمهم بما انو زوجها مسافر بقيت وصار اليل وتعشينه  بالحديقه   وكمت اتذكر شلون جان هذا البيت واسولف لولاء كتلها الي بهذا البيت كومة ذكريات سبحان الله شوفي هاي الشبابيك والأبواب والمحجرات كلها نقشات ايدي بصمتى هنا جانت تضحك لولو وتكولي انتي سبب سعادتي انتي الج الفضل بحياتي السعاده الي اني بيها جنتي انتي سببها كلش خجلت من اختي بكلبي اكول والله لو تدرين بشنو جنت افكر بزوجج  سبحان الله ماكو شي يبقى على حاله  نمت يمها بالغرفة وضلينه وحده تذكر الثانيه بمواقف الطفوله وبما انو اني جنت غير عن كل البنات جانت مواقفي أكثر  مضحكه ههههه وسولفنه وتذكرنه أشياء تبجي وبجينه وجعنة مره ثانيه نزلنا للمطبخ جواعة نريد ناكل وأحنه بالمطبخ نسولف ونضحك وما حسينه اله بغياث بالمطبخ  وأحنه بجايم النوم وجنت كلش  خجلانه منه من بعد كل هاي السنين هوه ابد ما عرفني عباله صديقة  ولاء واصلاً ضل شابك ولاء ويبوس بيها وطاير من الفرحه واني ميته من الخجل بس أريد اطلع الموقف ابد محلو اني بنصهم بس بعد لحضات ولاء كالت غياث وخر عني وسلم على صفاء فشله من البنيه
&
&
&
#رواية_اهانني_القدر_فأنتقمت😻🦋