حب النور

الجزء السادس وأربعون

مراد بغضب لمحمد /لو شوفتك مره تاني هقتلك
محمد بإستفزاز /لا هتشوفني كتير عشان هبقي جوز طليقتك
زياد وهو يدفع محمد للخارج /امشي وروح احسنلك
ثم خرج محمد من المنزل
ليلي سامعه ما يجري في الخارج وحاولت ان تتصل بنور لكي تخبرها ولكن نور لم تجيب علي الهاتف
ثم ذهب مراد سريعا الي عند نور
ودخل شقته ولكن لم يحسس نور بشئ
مراد/هو موبايلك فين (مراد بيشوف اذا كانت ليلي بلغت نور بشئ ام لا )
نور بإبتسامه /جوه في الاوضه تقريبا
بس انت جيت بسرعه يا مرادي
ايه وحشتك
مراد /روحي هتيلي موبايلك هشوف في حاجه
نور بإبتسامه /موبيل ايه بس
بقولك وحشتك
ثم دخل مراد ونظر الي هاتفها ولم يجد اي اتصالات بينها وبين ليلي ثم رمي الموبيل علي السرير
مراد مبتسما/اه وحشتيني اوي
بقولك ايه
عايز اسألك سؤال
نور /ايه
وبعدين كنت بتشوف ايه على موبيلي
مراد/كنت برن علي نفسي
تقريبا نسيت موبيلي في العربيه تحت
نور/اوكي ماشي
كنت عايز تسألني عن ايه
مراد/انتي تعرفي حد اسمه محمد معاكي في الكليه
نور بخوف /ليه بتسأل
مراد /لا مفيش بسأل بس
نور في دماغه/لو قولتله انه بيطاردني بقاله سنين وانا مش مدياله وش اكيد هيعملوا حاجه وانا مش عايزه يعمله حاجه ويودي نفسه في داهيه خصوصا اني خلاص مش هشوفوا تاني
مراد/سرحانه في ايه كل ده
نور /ها ولا حاجه
لا معرفش حد اسمه محمد
مراد /امممممم
نور /انت بتسأل ليه
مراد/لا عادي بسأل عادي
هو صحيح انتي تعرفي نهال من امتي
نور /من اول ما دخلت الكليه
مراد/بس هي اكبر منك بكتير
نور/اه ما انا عارفه اصلها بتسقط بقالها سنين كتير ده حتي شالت مواد كتير الترم الأول واحتمال تسقط بردو السنه دي
مراد/وانتي كنتي طول السنين دي بتشوفيها كتير ولا كل فين وفين
نور/لا كل فين وفين لما كانت تيجي الجامعه بس كنت بنتكلم علي الموبيل ونتواصل وكده
بس ليه الاسأله الكتي. ............
ثم رن هاتف نور ونظرت إلى الهاتف و وجدت ليلي
مراد وهو يجلس على السرير/ردي ردي
ثم فتحت نور الهاتف وقصت ليلي علي نور ما حدث ثم أغلقت نور الهاتف
نور ببكاء امام مراد/والله العظيم كذاب انا معرفهوش اصلا
مراد مقاطعا /انا سألتك تعرفيه ولا لا وقولتيلي لا
كذبتي عليا ليه يا نور
نور ببكاء /خوفت لتودي نفسك في داهيه وتعمله حاجه واصلا كل اللي بيقوله ده كذب والله
انا أعرف اسمه بس معرفش حاجه عنه ولا كلمته اصلا في حياتي هو اللي كان بيجري ورايا وانا مكنتش بعبره والله
مراد بحزن /لو الكلام اللي بتقوليه ده صدق مكنتيش كدبتي عليا وقولتيلي معرفهوش
نور /خوفت...
مراد مقاطعا/لمي شنطه هدومك و ورقتك هتوصلك عند بيت اهلك
ثم قال جملته هذه وخرج إلى البلكونه
ذهبت وراه نور
نور ببكاء/يا مراد والله مكنش قصدي اكذب عليك انا خوفت عليك
مراد/انا ظابط ويستحيل اتهور واعمل حاجه تضرني وانتي عارفه كده كويس
ولو سمحتي انجزي ولمي هدومك عشان انا مبقتش قادر اعيش معاكي بعد اللي سمعته ده
نور ببكاء/لا يا مراد حرام عليك انا بحبك
مراد بغضب/قولتلك اخرجي بره بيتي
خافت نور مم نظره مراد ثم خرجت من البلكونه ولمت هدومها ولبست
مراد/عشان الوقت متأخر بس هنزل اروحك
ثم وصل مراد ونور امام منزل عاصم
نور ببكاء/مراد
اديني فرصه تانيه وانا والله هشرحلك كل حاجه
مراد/مالوش لازمه الكلام ده
اتفضلي انزلي
ثم نزلت نور وذهب مراد
مر يومين كاملين ونور لم تأكل شئ تماما
ليلي/يابنتي هتموتي نفسك كده
قولتلك هحل الحوار انا وزياد
بس كلي بقي
نور بحزن/شايفاه في كل حته يا ليلي
سامعه صوته وشمه ريحته في كل مكان
إمبارح قعدت اتكلم معاه ربع ساعه وفجأه اتبخر من قدامى
هو مسألش عليا خالص ؟
ليلي/لا
بيتهيألك يابنتي عشان انتي منمتيش بقالك يومين بردو
انتي مش شايفه شكلك بقي عامل ازاي
نور بحزن /طب سيبيني يا ليلي دلوقتي انا عايزه اقعد لوحدي
ليلي/لا مش هسي. .....
ثم رن هاتف ليلي وكان زياد المتصل
ليلي /كلي بقى
هرد وارجعلك تاني
ثم خرجت ليلي ورجعت نور تنظر من النافذه وتفتكر جميع ذكرياتها مع مراد

عند مراد في المركز