حب النور

الجزء الثاني وعشرون

مراد في دماغه/من لهوجتي نسيت اقفل الموبايل
ثم فتحت نور الباب فجأه ووجهت كشاف الموبيل على وجه
مراد ضاحكا/ايه اللي قطع النور كده
نور وهي تحاول ان تخفي خوفها/انت وروح افتحه زي ما قفلته
وبالفعل ذهب مراد يفتح النور ثم دخل إلى الشقه
نور/علي فكره مخوفتش خالص
مراد ضاحكا/بأماره ما كنتي هتعيطي لما ملقتيش الشمعه
نور/It's not funnyعلي فكره (مش مضحك خالص علي فكره )
مراد ضاحكا/بس انا ضحكت أوي
عشان بعد كده تعرفي تحطيلي شطه كويس في اللبس
انا رايح اخد شاور وعايز أخرج الاقي الأكل جاهز
ثم ذهب مراد الي الحمام ونور كانت هتنفجر من الغيظ منه ثم فجأه خطرت لها فكره وهي أنها تقفل محبس مياه الحمام من الخارج وتقطع عنه المياه وبالفعل عملت كده
مراد من داخل الحمام /يا نور يا نور
نور/نعم
مراد بغضب/افتحي المحبس بتاع المياه وبطلي الحركات دي عشان وشي كله مليان صابون وجسمي كمان
نور بإستعباط/فين المحبس ده و انا افتحهولك
مراد بغضب/متستعبطيش
نور/مش فاهمه انت بتتكلم عن ايه بس ثواني كده اشوف مياه المطبخ شغاله ولا قاطعه هي كمان
ثم انتظرت خمس ثواني وقالت له/ده مياه المطبخ كمان مقطوعه يا مراد
مراد بدأ انه يصدقها /طب اعمل ايه انا دلوقتي
نور/البس الروب وانا هجيبلك مياه تغسل وشك وباقي جسمك
ثم لبس مراد بورنوس الحمام
نور ومعاها قزايز مياه سقعه من التلاجه/أدخل
لبست ولا لسه
مراد/خشي
ثم نظر مراد الي القزايز
مراد/ايه ده دي مياه سقعه
مجبتيش ليه الخزان الصغير اللي في المطبخ
نور/ما للأسف مسحت بيه المطبخ النهارده الصبح
مراد بأستسلام /طب صبي صبي
ثم صبت نور علي رأس مراد المياه السقعه وهي تكتم ضحكتها بصعوبه وهو بيحاول أنه ميبينش انه سقعان من المياه
نور/وكده خلاص رأسك مفيش صابون عليها تاني
خد انت باقي القزايز واغسل بيها جسمك وانا هخرج بقي
مراد بأبتسامه استفزاز/طب ما تكملي جميلك وتغسلي انتي الباقي
نور/تصدق ان انا غلطانه اني ساعدتك
ثم خرجت نور من الحمام وغسل مراد باقي جسمه بالمياه السقعه ثم خرج من الحمام وجلس علي طاوله الطعام ثم تناول مراد الطعام وقام يغسل ايده بالمياه السقعه بردو وبعد ان انتهي فكر في أنه يروح يشوف المحبس ثم نظر الي نور ووجدها في الغرفه ثم جرى يشوفه وبالفعل وجده مقفول ثم فتحه وذهب الي نور في الغرفه
مراد/بقي المياه قاطعه صح
نور بخوف غير ظاهر عليها/اه قاطعه
هي جات ولا ايه
مراد/تخيلي روحت بصيت علي المحبس لقيته مقفول يعني المياه مش قاطعه ولا حاجه وتخيلي كمان بصيت علي الخزان لقيته مليان
نور بأبتسامه/يا رااااااااجل
تصدق مأخدتش بالي خالص
ثم فجأه جري وراها مراد وهي جريت بره الاوضه
مراد بغضب/اعمل فيكي ايه المره دي
نور بأبتسامه /سامحني المسامح كريم
وبعدين ما انت قفلت عليا النور من شويه ومعملتلكش حاجه
مراد بمكر/خلاص اقفي عشان اسامحك ونروح ننام
نور /بتضحك عليه
مراد /لا طبعا
حتي اقولك انا هروح انام واسيبك أجري بقي ورا نفسك
ثم تركها وذهب الي السرير ثم ذهبت بعده نور بعد ان صدقته وما ان تمدت علي السرير حتي حاوطها بأيديه ثم نام فوقيها وهي تحتيه
نور بإنفعال/ قوم من فوقيه يا كذاب
مراد/لا مش هقوم هتعملي ايه يعني
فجأه عضته نور في أيده جعلته قام وقف فجأه
مراد/ اه يا بنت العضاضه
ثم جري وراها مره أخري وهي تجري لحد اما وقعت نور علي الارض وهو وقع فوقيها مره أخري ومسك يدها بيده ثم قبلها جامد حتي استسلمت له نور
وبعد ثلاث دقايق بعد عنها مراد لكي تلتقط أنفاسها
مراد/اضطريت اني اكتم بؤقك عشان متعضنيش تاني
ثم ذهب الي السرير و تركها مستغربه من اللي حصل ثم قامت فجأه من علي الأرض وذهبت عنده
نور بغضب/انا عايزه أمشي دلوقتي
مراد بإستهزاء/وهتروحي فين ان شاء الله
نور /انت مالك هروح فين
هروح اي حته حتي لو جهنم عايز حاجه
مراد ببرود/لا مش موافق
فجأه فتحت نور الدولاب واخرجت منه هدومها الخروج
مراد بعدم اهتمام/حطي اللبس مكانه عشان يستحيل تخرجي من هنا
نور بغضب/ليه انت حابسني ولا ايه
مراد/اه صدقيني مش هخرجك عشان بس متتعبيش نفسك وتلبسي على الفاضي
ثم جلست نور بجانبه علي السرير وبدأت تبكي
نور ببكاء/ليلي وبابا وحشوني أوي
مراد بنبره صوت هادئه /لو بطلتي تعيطي هجبهملك بكره لحد عندك يقعدوا معاكي اليوم كله
نور بإستسلام/هتطلع في الآخر بتكدب عليا عشان اسكت وتنام