حب النور

الجزء الثامن وثلاثون

نور بتعب/تعبانه اوي بجد وحاسه ان انا عايزه احضن السرير مش انام بس
مراد ضاحكا/مبروك
نور بإستغراب /علي ايه
مراد/زياد هيتجوز اختك قريب
يعني هنبقي قرايب اقصد يعني بعد اما نطلق
نور/وبابا وافق
مراد/قال عايز وقت أفكر وهيرد على زياد
نور/اللي ربنا عايزه هيكون
مراد بإبتسامه /احلى جمله سمعتها من اول اليوم
نور بأحراج/هو على كده احنا هنعمل ايه في حوار الطلاق ده
مراد /اللي انتي تشوفيه يعني لو عايزه نطلق دلوقتي معنديش مانع عايزه بعد فتره معنديش مانع بردو بصي شوفي اللي يريحك ايه واعمليه
نور بحزن/وانت رائيك ايه
مراد/انا شايف أننا نستني فتره عشان ابوكي لسه زعلان عشان ليلي واللي حصل معاها يعني مش هيستحمل خبطتين
نور بحزن/بس انا مش عايزه اظلمك معايا في الفتره دي يعني دي مشاكلي وانا اللي المفروض احلها
مراد/مش مشكله دي فتره يعني وهتعدي
اكيد يعني مش هنكمل في الحوار ده طول عمرنا
مراد في نفسه/ايه الغباء اللي بقوله ده
نور بحزن/عندك حق
دي فتره فعلا اكيد مش هنفضل متجوزين كده كتير
مراد بإستفزاز /شايف عنيكي مليانه دموع يعني
انتي مش عايزه تطلقي ولا ايه
نور وعيونها قد امتلأت بالدموع/ده في حاجه دخلت في عيني
مراد/والحاجه دي دخلت في عنيكي الاتنين
ثم توقفت نور وحاولت ان تذهب ولكن مسكها مراد
مراد/هتجري علي الحمام زي كل مره وتقعدي تعيطي فيه صح
نور وقد فرت الدموع من عيونها/سيب أيدي
ثم لفها مراد إليه
مراد بحنيه /قولي الحقيقه يا نور انتي بتحبيني ومش عايزه تطلقي انا واخد بالي ومتأكد من ده بس انتي بتكابري
نور في نفسها/غبيه عشان شافك بتعيطي هيجبي عليكي ويقضي معاكي يومين ويرميكي
نور وهي تمسح دموعها/لا مش بحبك
مراد وقد مسكها من وشها/بصي في عيني وقولي انك مش بتحبيني
ثم نظرت نور في عيونه بصعوبه
نور/ايوه مش بحبك
مراد بإستفزاز وابتسامة /يعني قصتنا هتخلص علي كده
ماشي انا موافق
نور وقد مسحت دموعها/هو مكنش فيه قصه اصلا عشان تخلص
ثم سحبت يدها من يده وذهبت إلى الحمام وعندما خرجت لم تجده فقد ذهب الي عمله ثم نامت نور وفاقت في المساء علي صوت هاتفها لتنظر إلى الهاتف وتجد نهال صديقتها
نهال/انتي فين يابنتي ومش بتسألي ليه من ساعه آخر مره كنا فيها في الكافيه
نور بنعس/انتي عامله ايه
ما عشان اتجوزت 😂ومش فاضيه اتكلم في الموبيل
نهال/لا ثواني كده
انتي اتجوزتي من غير ما تعزميني على الفرح
نور ضاحكه/يابنتي كل حاجه جات بسرعه والله
انا اصلا معملتش فرح
بصي الحوار معقد جدا اما اشوفك ابقي احكيلك
نهال/انا اصلا متصله بيكي عشان اقولك هتنزلي بكره الكليه ولا لا
نور/اه صح ده انا نسيت ان في بكره كليه
لا هنزل يابنتي انا عايزه التزم اصلا من اول الترم
نهال/خلاص اسيبك تكملي نومك واقبلك بكره وتحكيلي علي كل حاجه حصلت معاكي
ثم أغلقت الهاتف وفاقت تجهز ملابسها وحاجتها للكليه بكره وجاء مراد وهي تجهز ملابسها
مراد/ايه ده انتي راحه فين
نور مبتسمه/لا ده انا بجهز لبسي للكليه بكره
مراد ضاحكا /متجوز طالبه 😂
جهزتي الاكل
نور وهي تعض على شفايفها/تصدق نسيت من لهوجتي
مراد ضاحكا/خلاص سيبي شفافيك قطعتيها 😂
خلاص هطلب اكل من بره بقي وخلاص بس بردو هاعقبك على حوار النسيان ده
نور ضاحكه/يااااااا حوار العقاب ده من زمان معملتهوش
بس والنبي بلاش في الوش عشان عندي كليه الصبح
مراد ضاحكا /هو ايه ده اللي بلاش في الوش
نور /الضرب
مراد/مجنونه دي ولا ايه
ثم ذهب يطلب طعام ثم رن هاتف مراد
مراد/ايوه يا زياد
زياد ضاحكا /ايوه يا ابو نسب
مراد /ياعم روح ده عاصم لو طال يولع فيك هيعملها
زياد ضاحكا /لا ما وافق خلاص
مراد/ايه ده ازاي ده
زياد/مفيش يا سيدي روحتله البيت ومعايا ملف كامل عن حياتي الشخصيه وقدمتهوله هو وليلي وقولتله يختبرني و يشوفني في فتره الخطوبه هو وليلي
مراد/اه وبعدين
زياد/بس كده وافق علي ان الخطوبه تبقي آخر الاسبوع
مراد/يا ابن المحظوظه
مبروك
زياد/الله يبارك فيك
ثم رن هاتف نور أيضا وفهم مراد ان عاصم بيتصل بيها يقولها ثم أغلق مراد ونور الهواتف
مراد/اكيد ابوكي كان بيبلغك ان خطوبه ليلي آخر الاسبوع اصل زياد لسه متصل بيا ومبلغني
نور بفرح/انا فرحانه اوي يا مراد عشان عرفت من بابا ان ليلي بتحبه بجد وهو بيحبها
مراد /فعلا شئ يفرح لما نلاقي حد يحبنا بجد في الزمن ده
نور /ان شاء الله تلاقي اللي يحبك
مراد/وانتي بردو
ثم رن جرس الباب وكان الديلفيري ثم تناولوا الطعام ودخل مراد يأخذ شاور وخرج و لم يجد نور في الغرفه ثم لف سريعا في الشقه ولكن لم يجدها
مراد بأعلى صوته/نور
نور/ايوه
ثم وجد صوتها صادر من تحت السرير ثم نظر تحت السرير
مراد/اطلعي من هنا
وبعدين بتعملي ايه عندك
نور من تحت السرير/بدور علي الحلق
ثم مسك مراد يدها من تحت السرير واخرجها
مراد/عقابك بقي عقابين
نور /ليه ان شاء الله هو واحد بس
مراد/عشان خلتيني ادور عليكي في الشقه كلها وفي الآخر الاقيكي تحت السرير
عقابك بقي هيكون ....
ثم قبلها جامد