حب النور

الجزء الثامن وأربعون

نور /موجوده
نهال/مالك حاسه انك زعلانه
نور/هحكيلك
ثم قصت نور ما حدث معها الي نهال
نهال/ياااااااااا
كل ده حصل وانتي متقوليش بقالك شهر
نور/مكنتش عايزه اتكلم في الموضوع ده مع حد
نهال ضاحكه /والله انتي بنت حلال
انا كنت جايه افرحك وأقولك انك نجحتي وبتقدير عالي كمان
نور ضاحكه/بجد
نهال ضاحكه/اه والله يابنتي
نور/وانتي عملتي ايه
نهال ضاحكه/سقط كالعادة
هعيد رابعه للمره التالته
نور ضاحكه /نفسي افهم بتسقطي ازاي كده
نهال ضاحكه/نصيب بقى
ثم تحدثوا وقت طويل وبعد ذلك أغلقوا الهواتف
وفي صباح اليوم التالي ذهبت نهال الي المركز عند مراد ودخلت مكتبه
مراد/ازيك يانهال
بس انتي داخلتي هنا ازاي
نهال/الحمد لله كويسه
دخلت عادي العساكر اللي علي الباب شافوا بطقتي ودخلوني عادي المهم بس مش ده موضوعنا
انا جايلك في حوار تاني
مراد /ازاي دخلوكي بردو مفيش حد بيدخل هنا
ايه خير نور حصلها حاجه ولا ايه
نهال/لا متخفش نور كويسه
مراد انا كنت معاها لما كان محمد ده بيحاول يضايقها وبيحاول يكلمها بالعافيه ونور دايما كانت بتصده وعندي دليل كمان علي كلامي ده
(نهال في دماغها/يارب يكون نسي حوار دخلت ازاي ده )
مراد/فين الدليل ده
نهال/انا كنت بصور فيديو انا و واحده صحبتي بنهزر فيه وفجأه جه علينا محمد ده ونور كانت بتصده وتهزقه كالعاده
في الفيديو ده بقي مبين كلام محمد وكلام نور كمان عشان لما جه محمد انا اتشغلت بيه ونسيت اقفله
وهو سجل كل حاجه
مراد بأستعجال /بسرعه هاتي أشوفه
ثم سمع مراد الفيديو وتأكد بأن نور مظلومه فعلا
مراد فارحا/شكرا يا نهال علي كل حاجه
نهال/لا العفو علي ايه
ثم ذهبت نهال من مكتب مراد وفجأه قابلت في وشها حمزه
حمزه/ايه ده انتي دخلتي هنا ازاي
نهال بتريقه/من الشباك
يعني هكون دخلت ازاي اكيد يعني من الباب
وبعد اذنك بقي عشان ماشيه ومش عايزه اتخانق واعكر مزاجي
حمزه وهو يمسك يدها/ هتنطقي يعني هتنطقي
دخلتي هنا ازاي
نهال وهي تضغط جامد علي يد حمزه/انا مش قولتلك ايدك دي تخليها جنبك
ولا انت مستغني عنها
حمزه وهو يلف يدها جامد حول ضهرها/انتي مين يابت
ثم جاء فجأه اللواء فتحي
اللواء فتحي بغضب /بتعمل ايه ياحمزه سيب البنت تروح
انا اللي قولت للعساكر يدخلوها لما حكتلي هي جايه ليه
نهال/شكرا يا فندم
ثم ذهبت وهي تنظر لحمزه نظره انتقام
انهي مراد عمله سريعا وذهب الي بيت عاصم وطرق الباب وفتح له عاصم
عاصم /تعالى يابني ادخل
ثم دخل مراد
مراد/عمي انا كنت جاى عشان اخد نور تروح معايا هي فين
عاصم/اه ما انا عارف انك جي تاخدها
مراد/عرفت منين
عاصم/اصل نور قالتلنا انك سايبها عندنا شويه عشان مشغول ومش عايزها تقعد لوحدها في الشقه
مراد مبتسما/اه فعلا وانا خلصت شغلي وجيت عشان اخدها وارجعها بيتها
عاصم/هي جوه في اوضتها
مراد /طب بعد اذنك ياعمي هدخلها
عاصم/اه طبعا
اتفضل
ثم دخل مراد الغرفه عند نور وأغلق الباب من خلفه
نور بدهشه/مراد
مراد لم ينطق حرف واحد وإنما قبلها جامد قبلها بشوق ثم فجأه دفعته نور جامد بعيد عنها
نور/طالما هنطلق يبقي مينفعش كده
مراد ضاحكا /هاحسبك على الزقه دي بس في بيتنا
مين جاب سيره الطلاق
انا مش هطلقك ابدا
نور /مراد متهزرش....
ثم قاطعها مراد بقبله مره أخري ولكن هذه المره استسلمت له نور وبعد شويه تركها مراد تلتقط أنفاسها
مراد/يالا نكمل في بيتنا
نور/لا انا مش هتحرك من هنا غير لما اعرف ايه غير رائيك كده
مراد/نهال
ثم قص عليها ما حدث
نور بحزن/يعني انت مش راجع عشان وحشتك
مراد بإبتسامه /طبعا وحشتيني
وعلى فكره انا مطلقتكيش لحد دلوقتي عشان كنت عارف اني هرجعلك ومش هقدر استغني عنك حتي لو مجتش نهال من اصله
نور بإبتسامه /حبيبي وحشتني اوي يامراد