حب النور

الجزء الرابع وعشرون

زياد بعصبيه /براحتك يا ليلي
ثم إتصل مراد علي زياد
مراد/انت فين يابني
زياد/في الطريق
مراد/خلاص ماشي خلص وروح زي ما اتفقنا
زياد/ماشي
انت لسه في المكتب
مراد/اه هقعد النهارده للفجر في المكتب
في كذا خيط في دماغي بحاول اوصلهم ببعض
اما تيجي بكره ابقي افهمك
زياد/خلاص ماشي
ثم أغلق زياد الهاتف ووصل الي امام عماره مراد
زياد/هتطلعي في الأسانسير للدور 12 الشقه اليمين
ليلي/انت مش هتطلع معايا
زياد بإستهزاء/ليه انتي خايفه يا دكتوره
ليلي/طبعا لا
انا قولت تطلع معايا نشربك حاجه عشان عيب يعني وصلتني لحد هنا ومتشربش حاجه
زياد بجديه/مراد مش فوق مش هينفع أطلع
ليلي بتريقه/ما انت كنت عايز تدخل شقتي هناك وكنت قاعده لوحدي علي الأقل دلوقتي انا مش لوحدي في نور كمان
زياد بجديه وهو ينظر في عينيها /انا اقعد معاكي لوحدينا في اي حته حتي لو كانت على السرير عشان انتي مش غريبه عني انما مقعدش وفي حد قاعد معانا
فاهمه يا دكتوره
ليلي /لا الصراحه
زياد/أحسن
ثم نزلت ليلي وطلعت الي نور اللي فرحت جدا اول ما شافتها وقعدوا يتكلموا وقت كتير ثم إنضم إليهم عاصم وقعدوا وقت كبير اوي مع بعض
عاصم/هو مراد هيتأخر في الشغل ولا ايه الساعه بقيت9
نور/هتصل بيه أشوفه
عاصم/استني قبل اما تكلميه
قوليلي انتوا عاملين ايه مع بعض
نور/الحمدلله يا بابا
عاصم/يعني انتوا عايشين مع بعض زوجين فعلا ولا هو ناوي بعد اما ميبقاش في خطر علي حياتك يطلق
يعني انا اقصد يابنتي انه بيحبك ولا لا
شردت نور لفتره مش عارفه تقول ايه لوالدها وفي نفس الوقت مش عايزه انه يقلق عليها ثم جاوبت
نور/بيحبني جدا يا بابا
يطلقني ايه بس
وانا بردو بحترمه وبحبه جدا
عاصم/طب الحمدلله
نور/طب اروح اكلمه انا بقي
ثم ذهبت نور الي الغرفه وأغلقت الباب واتصلت بمراد
مراد/عايزه ايه انجزي
نور/انت هتيجي انتي
مراد بإستهزاء/ليه وحشتك ولا ايه
نور/بابا بيسأل عليك وانا قولتله انك هتيجي تسلم عليه
وعلي فكره هو فاكر أننا متجوزين فعلا
مراد بإستعباط/طب ما احنا متجوزين
نور/اقصد انه فاكر أننا متجوزين زي باقي الناس يعني
مراد ومازال يستعبط/يابنتي ما احنا متجوزين
نور/غبي اقسم بالله
اقصد انه هو فاكر أننا بنحب بعض وعايشين متجوزين
مراد ضاحكا/قصدك فاكر أن انا دخلت عليكي
قولي كده متتكسفيش انا زي جوزك بردو
نور بعصبيه/هتيجي يعني ولا لا
مراد/لا عشان ورايا شغل
نور/مينفعش تأجله
مراد /لا
نور/انا اول مره اطلب منك حاجه يا مراد بطل برود بقي وتعالي
مراد/خلاص ماشي هاجي بس مش عشانك عشان عامل احترام لأبوكي
نور بفرحه/خلاص ماشي
بقولك صح متنساش أننا متجوزين في نظره يعني اتعامل معايا قدامه علي الأساس ده
مراد/ماشي
ثم أغلق مراد الهاتف
مراد ضاحكا في دماغه/ده انتي جيتي في ملعبي يا نور
ثم ذهب مراد الي شقته وسلم على عاصم وليلي
عاصم/فينك يا ابني من الصبح
مراد/والله يا عمي الشغل بقي وكده
عاصم/ربنا يعينك يا ابني
مراد/الله يخليك
هي فين نور كده
عاصم /في المطبخ باين
مراد ينادي /يا نور يا نور
ثم جاءت نور من المطبخ
نور/ايه يا مراد بتنادي ليه
مراد/وحشتيني جدا يا حبيبتي
ثم حضنها وقبلها من خدها وعاصم وليلي قاعدين محرجين
عاصم/احم احم
مراد/اسف يا عمي بس نور بتوحشني جدا
عاصم/ربنا يهدي سركوا يا ابني
نور في دماغها/اه يا مراد الكلب يا اللي بتستغل الفرصه
ثم ذهبوا جميعا الي طاوله الطعام تناولوا الطعام ثم جلسوا جميعا في الصالون
نور/هروح اجيبلكوا الشاي وجايه
مراد/استني يا حبيبتي هاجي اساعدك
في المطبخ
مراد مبتسما/ايه رائيك في تمثيلي يا حبيبتي
نور/يارب عدي الليله  دي علي خير عشان مش ماموتش اللي في بالي
مراد بإستفزاز/تسمحيلي استغل الفرصه دي بقي وا.........
ثم فجأه قبلها وبعدها بفتره تركها لكي تأخذ أنفاسها
نور بعصبيه/انت مستغل فرصه ان بابا قاعد ومش هعرف ا......
مراد مقاطعا وهو يبتسم/مش هتعرفي تعملي حاجه عشان انا همشي دلوقتي
ثم مشي بسرعه الي الصالون ثم أخذت نور الشاي إليهم ثم شربوا الشاي وذهبوا إلى بيتهم و وصلهم مراد بعربيته
عاصم/شكرا على التوصيله دي يابني
مراد/العفو يا عمي علي ايه
هي عربيتك كل شويه بتتصلح في التوكيل ليه؟
عاصم ضاحكا/ليلي كل اما تخرج بيها بتكسرها
مراد/هههههه طيب يا عمي تصبح على خير بقي
عاصم /وانت من اهله يا ابني
ثم رجع مراد الي نور