حب النور

الجزء الخامس وأربعون

ثم جاء آخر يوم امتحانات لنور وذهب مراد لنور ولكن وقفه حمزه
حمزه/انت رايح تجيب نور ولا ايه
مراد /مش هنلف وندور علي بعض ياحمزه
من الاخر انهي واحده عجبتك من صحاب نور
وخليتك جاي تقولي انك هتروح معايا الجامعه
حمزه ضاحكا/هو انا مقفوش اوي كده ولا انت عشان ظابط شاطر عرفت
مراد ضاحكا/الاتنين
بس قول بس انهي واحده فيهم
حمزه/نهال
بس مش معجب بيها ولا حاجه انا بس عايز اروح عشان اضايقه شويه عشان استفزتني المره اللي فاتت
مراد/اركب
ثم ذهبوا معا الي الكليه و وجدوا نور واقفه بمفردها مع نهال
نور/ ازيك يا استاذ حمزه
حمزه مبتسما/الحمد لله يا مدام نور
امال فين باقي صحابك اللي بيبقوا معاكي
نور/مشيوا كلهم
كل ده يامراد
انا مخلصه الامتحان من بدري
مراد /كان عندي شغل
يالا نر.....
حمزه مقاطعا /هي كافتيريا الجامعه لسه بتعمل قهوه حلوه زي زمان أيام اما كنت فيها
اصل انا كنت في هندسه هنا وبعد كده حولت وبقيت طيار
نور بإبتسامه /اه واحلى كمان
تحب تجرب
حمزه بإبتسامه /ياريت جدا
فهم مراد ما يدور في دماغ حمزه
نهال/طب انا همشي انا
بعد اذنكوا
حمزه وقد مسك يد نهال/استني بس
اقعدي معانا وبعد كده نبقي نوصلك احنا علي بيتك
نهال بغضب وهي تسحب يدها /ايدك اذا لمستني تاني هقطعهالك
ثانيا انا معايا عربيتي مش مستنيه حد زيك يوصلني
حمزه بغضب/اتكلمي معايا عدل احسن ما انا اللي أقطع لسانك
مراد بعصبيه/خلاص يا حمزه 
نور /ايه يا جماعه اهدوا شويه مش كده
نهال /انا همشي عشان مرتكبش جريمه
حمزه وهو يلمس خصله من شعرها /نفسي تتجرأي وترتكبي جريمه
ثم فجأه مسكت نهال يد حمزه ولوحتها جامد
حمزه بغضب/انتي اتجننتي
انا مش عايز امد أيدي عليكي عشان انتي بنت بس
مراد /خلاص يا حمزه
ثم مسكت وجهه بيدها جامد وقربت منه
نهال/خليك حافظ شكلي عشان لما اقتلك تعرف انا مين
نور بغضب/خلاص بقى يانهال
معلش يا استاذ حمزه أصلها بتلعب كراتيه وليها في فنون القتال وكده بس هي طيبه والله
نهال/انا همشي بقي
سلام
ثم ذهبت
مراد /صحبتك دي مجنونه رسمي
نور/بس طيبه والله
مراد في ودن حمزه/خلاص كفايه تمثيل أنها وجعتك
حمزه في ودن مراد/البت دي بتضرب زي الرجاله بالظبط انا شاكك أنها شغاله في حاجه
مراد في ودن حمزه /ابقي اتحقق عنها
ثم ذهبوا وفي المساء اتصل زياد علي مراد
زياد/ايوه يامراد انت فين
مراد/في البيت
زياد/انا في بيت عاصم وفي واحد من الكليه عند نور جه ومعاه ورد شوكولاته وجاي بيقول عايز يخطب نور
انا بكلمك من البلكونه
مراد بغضب /نعم! !!!!!
هو لسه موجود عندك
زياد/اه
مراد/طب حاول تخليه قاعد لحد اما اجيلكوا
ثم أغلق
نور/بتلبس كده و رايح فين
انت مش قولتلي هنقضي النهارده سوا
مراد بأستعجال/معلش يا حبيبتي عندي مشوار في السريع وجاي
ثم تركها وذهب عند عاصم
عاصم بغضب/مراد انا مش عايز مشاكل
الشاب ده كان جي يتقدم لبنتي بس انا قولتله أنها متجوزه وهو هيمشي على طول
محمد/يا عمي أفهم هو جابرها على الجواز
نور بتحبني انا وهي قالتلي كده
وقالتلي كمان انا مش طايقه تعيش معاه ومستنيه الخطر اللي علي حياتها يروح عشان تطلق منه و....
لم يكمل محمد جملته ثم وجد لكمه قويه جدا من مراد في أنفه
عاصم وهو يحجز بينهم /بس يامراد
وحضرتك يا استاذ محمد مش عارف ان عيب تتقدم لواحده متجوزه
محمد بغضب/نور هي قالتلي اتقدملي عشان انا كده كده هطلق من مراد
ثم وجد محمد لكمه أخرى قويه من مراد ثم حاول محمد ان يرد هذه اللكمه ولكن وجد يد مراد ماسكه يده جامد
زياد بغضب/خلاص بقى يامراد
مراد بغضب وهو يترك يد محمد/انت مش سامع هو بيقول ايه
عاصم بغضب/أخرج بره يابني
معنديش بنات للجواز
مراد بغضب /لو شوفتك مره تاني هقتلك