اسر عت ورحت لغرفته وكانوا الممرضين يحاولون يهدونه واول ما شافني ركض اتجاهي وصار يأشرلي على يدينه -يبيني افك القيود-، قلت للممرضين: كلكم اطلعوا واقفلوا الباب وراكم.
طلعوا
كلهم وهنا بديت افك قيوده، اول مافكيت قيوده مسك يدي بكلا يدينه وقال: أنتِ شفتي شيء امس انا عارف ومتأكد، اذا شفتي لاتكذبين علي الله يخليك!
✭✭ قلت له: واذا شفت؟
قال بسرعة: اخذيني لمكان (وقال العنوان) وابقولك اللي ماقلته لك من قبل!سكت وصرت اناظر عيونه اللي كانت كلها حزن وكأن مصيره بين يديني..قمت وقلت له: يلا نروح!
✭✭ رحت استناه بالسيارة على مايخلص يلبس، وبعد دقايق جاء مساعدي الممرض ومعه بدر وقال: دكتورة عبير اذا صار شيء للمريض رح تتحملين المسوؤليه كامله!
قلت له: ماعليك.
طلع بدر بالسيارة وبديت امشي على وصفه، اخذنا ساعة ونص على مانوصل يعني على الساعة ٨ مساء وصلنا.. كان مكان اشبه بالغابة واشجار بكل مكان لدرجة سيارتي تخدشت من هالاشجار، خرج بدر وخرجت معاه وبدأ يمشي وانا وراه الين اختفت السيارة عن انظارنا تماما.
✭✭ توقف بمكان وبدأ يأشرلي على الارض ويقول بإنفعال: هنا هنا!صرت اناظره باستغراب وقلت: وش هنا؟
قال بدر: من هنا بدت معاناتي!
المرضى النفسيين غالبا يألفون قصص ويعيشونها بالكامل ف تجاهلته وهو مازال يردد ويقول هنا بدت معاناتي قبل عشر سنوات وهنا كان منبع جحيمي وإلى آخره، دق جوالي وطلعته من جيبي وكانت شروق، مارديت ورجعت جوالي لجيبي وقلت لبدر: شكل شروق تبغاك خلينا نرجع.وجيت بمشي لكن وقفني بدر لمن قال: هنا شروق هنا جثتها هنا مدفونة مع جثة ابوها!
✭✭ التفت عليه بسرعة وقلت بعصبية: بدر خلينا نرجع بسرعة !
تجاهلني ومسك يدي وصار يمشي لين وصلنا لشيء كان اشبه بحمام متنقل، وقبل لا يفتحه قال: الحين بتلاقين جواتها مجرفة وملابس عليها دم انا حطيتها بنفسي هنا قبل عشر سنوات!!. بدأ يحاول يفتح الباب اللي كان شبه مدمر الين انفتح والصدمة!
كانت المجرفة والملابس الملطخة بالدم موجودة وكانت الملابس شبة مأكوله وكانها فعلا كانت هنا لسنوات!
التفت عليه وقلت: ايش هذا؟
✭✭ وقبل يرد علي سمعت صوت اسود وذئاب، صرت التفت وقلت لبدر بخوف: هالمكان فيه حيوانات؟!!اجاب ب لا وصار يقلب عيونه بالمكان وفجأة صرخ ومسك المجرفة ومسكني وصار يركض ركض جنوني!صرت اركض معاه واسأل ليه نركض واجابني بقوله: هم ورانا!مين ورانا؟!! بعد مشقة قدرت التفت وراء لكن؟ لكن ماكان ورانا شيء!.. مع هذا كملت ركض معاه من باب مقولة الاطباء:(انظر بوجهة نظر المريض).. صرنا نركض الين وصلنا لهضبة كانت صغيرة وهنا طلع بدر بسرعة ومد لي يده وطلعت معاه، اخيرا اقدر ارتاح!
✭✭ قال بدر وهو يتنهد بقوة: يحاولون يوصلون لنا!
صرت اناظر تحت وطبعا مافي احد!!.. هنا قال بدر بخوف: قربوا لنا قربوا لنا!.. وقام رمى المجرفة اللي بيده وهنا كانت الصدمة!!!! المجرفة صارت تطير بالهواء وكان شخص مسكها وبعدها ارتمت على الارض بقوة، بهاللحظة تسارعت نبضات قلبي فعلا وحسيت إني بديت افهم بدر!
