بعد دقايق جات أمي وقالت: هذا جزاه يوم إنه يسأل عنك ويهتم فيك؟
✭✭قلت بتعب: أمي مافيني طاقة اتناقش معاك والله.
قالت امي: ابوك اللي مختفي على قولتك ترك بنته وراح كمل حياته، حت
ى لو إني خنته اقل شيء يجي عشانك مو صح؟
مانطقت بكلمة لكن امي مازالت تسب في ابوي، قمت بعد ماتعبت من كلامها المتكرر وخرجت وركبت تاكسي وقلت له يوديني لابعد مكان ممكن..
✭✭قبل اكثر من عشرين سنة ابوي شاف أمي وهي تخونه وطلقها طبعا وراح بعدها ولا سمعنا عنه اي شيء، اما امي ف تزوجت وكل اخواني من امي يعني انا وحيدة ابوي..وانا غارقة بافكاري وصلتني رسالة بجوالي، فتحت الرسالة وكان مظمونها (تعالي بيتي بسرعة، انا بدر).
✭✭طلبت من صاحب التاكسي يغير طريقه ويتجه لبيت بدر بسرعة!بمجرد ماوصلت نزلت بسرعه ودخلت وكان الباب مفتوح كالعادة، صرت انادي بدر وانادي لكن ما رد علي، بقيت اتمشى بالبيت وافتح كل الغرف وادور فيها، فينك يا بدر!
✭✭بعد دقايق سمعت صوت شروق!.. ياربي فين اروح! صرت اتلفت هنا وهناك وفجأة قررت ادخل غرفة النوم، دخلت وسكرت الباب بهدوء والخوف بدأ ينزل علي ونبضات قلبي تتسارع.
صرت احرك رجولي بهدوء واحاول استخرج جواب منطقي لكل هذا، بالنهاية انا دكتورة كيف اصدق خرافات مثل هذه! هنا بديت اسمع صوت خطواتها يتجه للغرفة، ياربي استر!.. صرت اقلب عيوني بالغرفة، قربت للدولاب بسرعة وفجأة انفتح الدولاب وسحبني ودخلني وسكر!
✭✭قرب لي بقوة وقال: لاتصرخين!.. كان بدر.. التزمت الصمت باللحظه اللي دخلت فيها شروق وصارت تصدر اصوات، ماادري ايش تسوي!بعد ثواني سمعنا صوت باب ينفتح ويتسكر يعني خرجت شروق، جيت بخرج من الدولاب لكنه مسكني بقوة وقال: خليك هنا مكان آمن!حاولت ابعد يده وقلت: تراك راجع معاي للمستشفى وانا مااختبيت الا عشان ماتقول زوجتك إني اقتحمت بيتكم ووخر يدك عني!جيت بقوم وللمرة الثانيه مسكني وقال: بكل البيت هم، يبون يقتلوني هم واولهم شروق والله!طلعت الدواء اللي عطاني اياه الدكتور سالم من جيبي، اخذت حبه وعطيت بدر حبه وهنا قام وتفلها وقال: ايش تبين تشوفين بعد عشان تقتنعين إني مو مريض؟؟؟دفيته بقوة بعيد عني وطلعت وتوجهت للباب وقبل افتح الباب صرت اسمع صوت شروق وشخص يتكلم مع شروق، قالت شروق: شكلهم فهموا..شكلهم فهموا؟؟ وش تقصد؟ فجأة وباللحظة اللي سمعت فيها رد الشخص اللي معها، اقشعر بدني!.. قال الشخص بضحك: فهموا مين نكون احنا ومتخبين بدولاب؟!لفيت على بدر وصرت اناظره منتظره منه تفسير لكنه قرب مني وقال: كنتي الوحيدة بين كل الاطباء اللي قدرت تشوفهم مثلي!
✭✭قلت بضحكة خوف: اشوف مين؟!
قال بدر: الجن! محنا مريضين احنا نشوف جن!
صرت ابعد عنه! وفجأة صار مقبض الباب يتحرك بهدوء!
اسرع بدر وفتح احد الادراج وطلع مسدس!!.. اتجه لي وقال: خليك وراي.بمجرد ماانفتح الباب صار يضرب بشكل عشوائي، اما انا جلست بالارض ومسكت راسي والخوف متملكني تماما !
بعد ثواني رفعت راسي ولقيت بدر مختفي!.. ركضت وخرجت من الغرفة وهنا شفته يتوجه للباب وما زال يضرب بشكل عشوائي، الصالة كانت فاضيه،لا شروق ولا الشخص اللي معاها، مجرد الاثاث اللي كان متكسر ومتحطم من طلقات المسدس، تبعت بدر لين خرجنا من البيت وابتعدنا وهنا قام وحط المسدس بجيبه وجلس على الارض وصار يتنفس بقوة بعدها رفع راسه وصار يناظر فيني وانا واقفه جنبه، قام بسرعة ومسكني وصار يسحبني على غير إرادتي الين صرنا وراء احد البيوت وهنا قام وطلع المسدس ووجهه على راسي!!
✭✭صرت اناظره بصدمة، كان موجه المسدس على راسي ومثبتني بقوة، قال وهو يناظر المسدس: شفتي هذا؟ طول حياتي استخدمه عشان اخوفهم، النوع هذا من الكائنات يخوفهم صوت المسدس ولا يأذيهم اما أنتِ اظن يخوفك ويأذيك مو؟
نزل عيونه وصار يناظر عيوني اللي كانت مليانه دموع وحزن، بعد عني ورجع المسدس لجيبه وقال: امس ضربتك براسك عشان صراخك المتواصل كان ممكن يخرج كل اللي كانوا هناك.. سكت ثواني بعدها كمل وهو يقول: عشر سنوات اعيش مع شروق واشوفهم عشر سنوات كانت تطلب مني اروح اتعالج وانا كنت اسوي نفسي ماادري مين تكون هي، كنت اروح من دكتور لدكتور اشكي له وبعدها انتقل لدكتور ثاني بس باليوم اللي جيتك فيه وكانوا معي شروق وطارق كالعادة كانت الصدمة يوم كنتي قادرة تشوفيهم مثلي وعشان هذا استمريت وصرت اجيك بانتظام لعل وعسى تكوني وسيلتي لكن بعد كل اللي صار اظن أنتِ وسيلتي للنجاة فعلا!
✭✭بقيت اناظر بالارض والخوف يقتلني، مو من شخص غير بدر!تقدم لي بدر وهو يقول:كنتي من بين مليارات من الناس بالعالم قادرة تشوفيهم مثلي وكنت انا المجنون اللي حبيتيه!
ناظرته بسرعة وكلي خوف وقهر وقبل اتكلم قال بضحك: لاتخافين سيارتك كانت عبارة عن صور لي يعني واضح انك مهووسه فيني، بعد كل هذا تعتقدين إن القدر جمعنا بهالطريقة عبث؟ يمكن تكون مصالحنا ووسائلنا للنجاة عند بعض! ممكن انا احتاجك وانتي تحتاجيني، مافكرتي
