✭✭ بدون تفكي ر صرت اركض اتجاه الباب وخرجت ومازلت اركض بسرعة وهنا سمعت صوت اطلاق نار!
✭✭ وفجأة وبدون سابق إنذار فقدت توازني وطحت!.. التفت على وراء وشفت بدر موجه المسدس لي
والطلقة متوجهة لي بس فيه شيء غريب؟ كل شيء متوقف عن الحركة، بدر والطلقة وكإنه مقطع فيديو توقف!.. حاولت اقوم وافهم ايش يصير لكني حسيت بصداع وغثيان، رفعت راسي وهنا صرت اشوف شخص جاي من بعيد ويمشي بهدوء وكان لابس اسود باسود ومغطي وجهه.. وصل لين عندي ونزل لمستواي وطلع حبل من شنطته!.. كان حبل تشتعل فيه النيران.. لفه على رقبتي لكن وبشكل غريب ماكنت احس باي ألم!سمعت صوت من وراي وهو يقول: اتبعي اللي اقوله اذا كنتي تبين تعيشين!.كان نفس الصوت اللي سمعته ببيت بدر، التفت له والصدمة هنا!!كان ابوي وجنبه شروق وكانوا يناظروني، صار يتجه لي بالوقت اللي كانت رجولي عجزانه تتحرك، توقف جنبي وهنا قال: ماجمعناكم عبث، اقتلي بدر وبتعيشين!
✭✭ فجأة وكأن بصري اختفى لكن بسرعة رجع لي بس أنا فين؟؟ كنت خلف بدر بالضبط واشوفه يقرب اصبعه للزناد!.. صرت اناظر يدي اللي كانت فيها الابرة!.. بدأ جسمي يفرز هرمون الادرينالين وبدأ التنفس يصعب علي، هل اللي يبونه الحين اقتل بدر؟؟!!
✭✭ صرت افكر كيف بدر كان يحاول يطلق علي ويقتلني، كان هذا سبب كافي يخليني افكر اتجرد من الانسانية واقتله!
قبل ماادخل الابرة بعروقه ضغط بدر على الزناد واطلق النار بس ما كان متوجه للمكان اللي كنت اركض فيه؟ كان متوجه للسماء!
باختصار بدر ما كان ناوي يقتلني!.. رميت الابرة من يدي بسرعة ومسكت يد بدر وصرت اركض باسرع ماعندي وانا اقول: يبوني اقتلك يابدر!
✭✭ صرنا نركض اتجاه الخط السريع، وبمجرد ماوصلنا وقف لنا شخص، من غير ما نقول اي شيء ركبنا..صرت اتنفس من قلبي ومغطيه وجهي بيدي، مسك بدر يدي ووخرها عن وجهي وقال: ليه ماقتلتيني؟!كان وجهه يملئه الخوف وقبل انطق باي كلمة، فقدت وعيي...ظلمة في ظلمة، مااشوف غير هذة النافذة اللي كان يطل عليها القمر، قمت بتثقاقل من على الارض الباردة وصرت اناظر بدر اللي كان متمدد على الارض، صرت ازحف الين وصلت له وصرت احاول اصحيه، اتلفت حولي، كان وعلى الرغم من كون الظلام بكل بقعة الا إني عرفت إنه كان مخزن!.. ايش جابنا هنا وكيف؟ ماادري!قمت متوجهه للباب الحديدي الضخم وصرت احاول افتحه، قفل عليه قفل ومقفول بإحكام!حطيت جبهتي على الباب وصرت ابكي بصمت.. هل لاني ما قتلت بدر رح اموت انا وياه هنا!
✭✭ بديت اسمع صوت خطوات! التفت بسرعة وكان بدر وقرب للباب وصار يحاول يفتحه وهو يقول: شفتي شروق وابوها؟
صرت اناظر يدينه وهو يحاول يفتح الباب بأقوى ماعنده، كمل وهو يقول: اظن دام وصلت لهالحد معك لازم اقولك وش سويت وكيف بدأ كل هذا..
