✭✭ بعد ٦ شهور ..دخلت البيت بعد يوم شاق، وانا ماره من جنب غرفة امي قلت بصوت عالي: بجهز الحين و بروح ملكة اخوي وليد.خرجت امي من غرفتها بسرعة وقالت بغضب: يا سلام ! من يوم لقيت
ي اخوك من ابوك وانتي رايحة وجاية من بيتهم وعيالي زوجت نصهم ولا فكرتي تحضرين الا الزواج !ناظرتها بتعب من هواشها المتكرر لي وجيت بمشي وهنا قالت: الا اقول ما تحسين بشيء يوم انك تشوفين اخوانك الصغار متزوجين وانتي يالعانس للحين قاعدة على قلبي؟
✭✭قلت ببكاء: ياأمي انا مريضه مريضه راعيني الله اعلم كم بعيش وانتي كل اللي تبينه اتزوج !ناظرتني أمي باستغراب وهنا مشيت بسرعة والعبرة خانقتني، بديت اتجهز وبعد ماخلصت وقبل اخرج من غرفتي حسيت بذاك الصداع المميت ! تراجعت لسريري وبديت اتمسك بفراشي من شدة الالم .. ضليت على هالحال لين بدأ النوم يغلبني ونمت .....مرت هالستة اشهر كستون عاما بالنسبة لي، ضليت اعاني من الجن لفترة ولكن بلحظة وبطريقة غريبة اختفوا من حياتي ! اختفى اذاهم وتجولهم حولي ! وهنا بديت احاول انسى اللي مريت فيه ولكن الحظ ماابتسم لي وماهي الا أيام واكتشف إني مريضة بسرطان الدماغ ! وبدأت معاناة جديدة .. اما بالنسبة لبدر فهو ناسيني بشكل كامل وهذا اللي دمرني اكثر، كنت اراقبه بالبداية وازور حيه واتأمل بيته واتأمله في كل مره يخرج فيها ويدخل لبيته و بشكل شبه يومي لكن تفأجات بيوم انه نقل من بيته ومااعرف حاليا عنه اي شيء .. بختصر.. استسلمت من حياتي تماما، كل شيء احتاجه يفلت من يدي حتى صحتي !
✭✭صحيت على صوت جوالي وهو يرن، رديت وكان اخوي وليد يسأل ليه ماجيت وطبعا قلت له إني تعبت واعتذرت له.. قال وليد: خليك صادقة وانا اخوك بكل مره تغيبي تطلعي تعبانه ودايم اروح لمكان شغلك ويقولون انك ماخذه اجازه مرضيه لاتكذبين علي وقولي وش فيك ؟!!بديت اصرف كالعادة وقفلت.. للأسف محد من اهلي ولا حتى امي تعرف بمرضي، مااحب ابين ضعفي لأحد واعترف إن حالتي هذة تعتبر حالة نفسيه ولازم تتعالج ..
جاء صباح اليوم الثاني واستعديت واخذت اغراضي ورحت لشغلي، دخلت مكتبي ولقيت مساعدي الممرض يرتب بمكتبي .. ابتسمت وقلت: اذكر انك كنت قادر تشوف شروق مثلي؟ ممكن لانك اكثر شخص اشوفه ف شاركتني باحزاني لكن ليه ماتذكر شيء عن بدر وشروق الحين مع اني اذكر ؟ناظرني وهو مبتسم وقال: بروح اتطمن على المرضى، ومشى .. كان مساعدي اكثر شخص اردد عليه هذه التفاهات لدرجة انه بدأ يتعود .. توقف مساعدي وقال: قلتي بدر؟ لحظة كني نسيت اقول لك شيء
سكت ثوانِ مساعدي واللي كان اسمه -عبدالعزيز- بعدها قال: فيه شخص جاء تقريبا ثلاث مرات يسألني عنك ودائما يجي بعد انتهى دوامك واخر مرة كانت قبل اسبوعين على مااعتقد وكنت اسأله عن اسمه ومين هو بس يرفض يقول لي لكن بيوم سمعته وهو طالع من المستشفى يتكلم بجواله وكان يقول معاك بدر !
تجمدت بمكاني بمجرد مااكمل كلامه، معقوله بدر اللي اعرفه ! بس بدر ناسيني كيف !!مستحيل !!
