✭✭ وقلت: تبي تساعدني؟ تعال معي الحين !
مشيت ومشى بدر معي وخرجنا وركبت السيارة وهنا قلت له: ودني المخزن اللي كان ابوي يمارس السحر فيه !بدأ بدر يسوق وطبعا سألني واستفسر كثي
ر لكني مو مستعده أقول له لين اتأكد بنفسي.. وصلنا بعد وقت طويل، نزلت من السيارة وكان المخزن أمامي والمنطقة ترابيه والشمس كانت حارقة، بديت امشي بصعوبة من الحجر المحيط بالمخزن، وصلت للباب وهنا بديت احاول افتحه وبدر يساعدني .. كان الصدأ على حديد الباب يصعب علينا فتحه لكن اخيرا فتحناه .. ومن هنا بديت واتمنى انتهي من هنا ..بعدت يدي عن الباب ومسكت بدر اللي كان بيدخل للمخزن وقلت:تقدر الحين تروح !
✭✭ لف علي وقال: أنا من أول حاس وراك مصيبة من وقت صديتيني عنك للوقت اللي رفضتيني فيه،منتي طبيعية وش صاير؟قربت له وقلت:أنا مو طبيعية لأني رفضتك؟ تحسب الزواج لعبة؟ هه أنت اصلا تدري مين أنا؟ لو تشوف ارتباطك فيني شيء عادي لانك قبل كنت مع شروق ف هذا غلط أنا أمي لحالها مكانتها وقبيلتها اعلى من ابوي وبسبب هذا ماانسجمت معه وتزوجت شخص بمستواها بس بالحقيقة لمن يتقدم لي شخص يذكروني إني البنت اللي رباها زوج امها وأخت عياله واللي مستواهم ومكانتهم وقبيلتهم معروفة وغير هذا أنا دكتورة ولي أحترامي ومكانتي واظن الحين اقدر أسألك مين فينا اللي مو طبيعي؟؟ لاتفكر تطمع فيني حتى أنا كثيرة عليك !
✭✭ جاء بيتكلم وهنا بدأ يتشنج من انتشار المخدر اللي ادخلته بعرقه،سحبت الابره وصرت اناظره وقلت: عرفت أنك راح تزعجني ف اخذت هذا المخدر احتياط.كان مخدر استخدمه لتنويم المرضى لكني وضعت كمية قليلة لأجل يتجنب اعراضه الجانبية وماينام وحاليا بسببه ب تنشل حركة اعضائه وتتوقف مناطق بعقله عن عملها ويبدأ يهلوس وكأنه ثمل ومفعوله لوقت بسيط..طاح بدر وهنا جيت بمسكه لكنه مسكني قبل ونزلني لمستواه وصار يضحك ويتكلم بطريقة ملخبطة من تأثير المخدر لكن وضح عليه الإنكسار وقال: شكراً لأنك وضحتيلي إي نوع من الناس أنتِ ومااظن إني مستعد اعيش مع شخص يكرر علي إنه اعلى مني مكانة وقوة !
وقفت والندم ملكني،الا كبرياء الرجل..آه واجب علي سحق قلبي،مسكت بدر من يدينه وبديت اسحبه للسيارة وبعد مشقة ادخلته بالمقعد الخلفي،رحت لدرج السيارة واخرجت منه المناديل وبديت انظف فيها الابرة اللي افرغت داخلها ببدر، بعد ماانتهيت انتبهت لحذاء الكعب اللي كنت لابسته..آه مزعج في هذا المكان الوعر،نزعته ووضعته بالسيارة وبديت ادور ع حذائي الرياضي وهنا انتبهت لبدر واللي كان مغمض عيونه .. شكلي اكثرت من المخدر، قفلت السيارة بعد مايأست من ايجاد الحذاء وصرت امشي حافية للمخزن ..
✭✭ دخلت ورديت الباب بهدوء وبديت اتقدم لطاولة كانت على يميني،أخذت احد الاوراق اللي كانت على الأرض ووضعتها على الطاولة..مسكت الابرة وحطيتها بيدي وبديت اسحب دم..ماهي الا لحظات واسمع صوت..صرت اتلفت يمين ويسار لكن مافيه أحد !كان صوت نقش على شيء..وهنا تذكرت كلام بدر زمان لمن قال لي إن الخوف يجذبهم، تماسكِ يا عبير تماسكِ هذي فرصتك الأخيرة..ابعدت الابرة عني بعد ماسحبت الدم الكافي والتفت على الطاولة أبي الورقة وهنا شفت شيء مرعب !!
✭✭ كان شيء يكتب على الطاولة، توقف عند حرف الياء وكان كل حرف على حدة وفي جمعهم تتكون جملة: (هذا الكم من الدم لن يكفي) !!تمسكت بالابرة وصرت اتلفت حولي، قربت للطاولة بسرعة وبديت اكتب على الورقة بابرة الدم .. هذا دمي اللي يقدرون يستعبدون فيه الجن ،طيب .. ليه أنا مااتحكم فيهم بنفسي ؟! شروق كانت لها القدرة توقف ضدهم مع إنهم ممكن يكونون قبائل لا تعد ولا تحصى لكن وقفت ضدهم أكيد وطبعا لأن لها صلة بابوي تجبرهم يخضعون لها ! طيب ممكن أنا أقدر أوقف ضدهم ك بشرية بدمي مثل شروق ! هذا اللي فكرت فيه ..
انتهيت من الكتابة وجيت بتراجع لكني حسيت بثقل بجسمي !! شكلي ماافرغت الابرة من المخدر بشكل كامل،يا الله .. تمسكت بالطاولة والتفت بهدوء وهنا شفت ظلال تتحرك بسرعة !! معقولة بديت اهلوس من المخدر ؟
✭✭ بديت امشي بشويش ويديني على ركبي .. وهنا مسكني شخص من رجلي بقوة واسقطني على الأرض !!
بقيت ساكنة بمكاني والخوف متملكني تماما، سمعت نفس الصوت البنت المزعج وهي تقول: تتذاكين علينا الحين؟
قمت وصرت جالسة وبدون ماالتفت خلفي قلت بخوف: مو قلتِ لي استخدم تفكيري باتقاكم؟
✭✭ صرخت البنت هنا وأنا نزلت راسي بسرعة وغطيت اذني وأنا ارجف .. فتحت عيوني وصرت اناظر الأرض اللي كانت تتحطم والجمادات فوقها تطيح !! كان يقرب لي هذا الصدع وهنا صرخت باعلى صوتي باسم بدر !!
✭✭ نزلت راسي وسكرت عيوني وصرت اشهق واقول ببكاء: بدر تعال أنا محتاجتك أنا خايفة يا بدر تعال أبي حمايتك ابيها !
رفعت راسي على أمل القى بدر قدامي لكن .. لاشيء .. كانت الأرض على طبيعتها والباب كان مفتوح على اوسعه .. قمت بسرعة وخرجت وصرت اركض خلف المخزن على الرغم من التخدير اللي كنت حاسة فيه الا أني حاولت اتجاهله .. وفجأة شفت دب ضخم اسود متجه لي !!
