هكذا تغيرت أقدارنا ( روايات ليبية )

حلقة 2🔥

رواية #هكذا_تغيرت_أقدارنا حلقة 2🔥
للكاتب : أحمد عبدالله
.
اكرام : اهلين اني اكرام
ليلي : اهلين
سناء : واني سناء
ليلي : اهلين
براءة : واني براءة
ليلي : ☺️🥺
وعد : واني وعد
ندى : واني ندي
ليلي : اهلين بيكم
نوال : بتقعدي معايا
ليلي : ( هزيت راسي بمعني ايه ) 🥺
نوال : و اللهي فرحانة انك حتقعدي معاي ، خيرك ليلي فيه شي
ليلي :، نوال تعرفي بنتي وين
البنات : 👁👁
نوال : 😳 ، بعدين نهدرزوا فيه الموضوع هذا ، تعالي كولي معانا
ليلي : اني نبي نرتاح
نوال : خلاص تعالي ارتاحي
( ذخلتني الدار و كنت تعبانة هلبا و عيوني من الدموع معش قادرة نشوف بيهم ، اتكيت علي المخدة و رقدت )
.
( في دار وعد و سناء )
سناء : باين عليها تقرب لنوال
وعد : تي مش قلتلها خالتي
سناء : ايه صح هي بتقعد معانا
وعد : الواضح
سناء : باين عليها طيبة هلبا
وعد : ايه و الله و الدنيا جاية عليها
.
( دار اكرام و ندى و براءة )
براءة : كيوت البنت يلي جت امبكري
اكرام : هلبا هلبا هلبا
براءة : واضح عليها الحزن علي بنتها هيا بنتها ماتت
اكرام : الله اعلم
( تلفتت شافت ندى تبكي )
اكرام : انتي خيرك تبكي من لما جيتي
ندى : ( قعدت تمسح في دموعها ) لالا ما فيه شي
اكرام : فرفشي و عيشي
براءة : اكرام شن رايك نعطوا للبنت دبش بما انها جاية من غير دبش
اكرام :و اللهي فكرة
ندى : ايه و الله فكرة
( لقطوا حاجات لليلي )
براءة : خلي نمشي نقول للبنات التانيات مرات بيعطو
( مشت لدار وعد وسناء و اعطوها حتي هما )
🔥 فات الوقت 🔥
نوال : هيا يا بنات العشي جاهز
( طلعوا من الدار )
اكرام : هيا البنت لتوا قاعدة راقدة
نوال : معرفتش انوضها
براءة : انوضوها احني
وعد : ايه فكرة
نوال : هي
،،،،،،............
( خشو الدار )
( و بدو ينوضوا في ليلي )
ليلي : ( بصوت تعبان ) صباح الخير
اكرام : صباح الخير شني توا مساء الخير الساعة 8 فليل
براءة : صحصحي و تعالي تعشي معانا و نهدرزو شوي مع بعض
ليلي : و اللهي
وعد : من غير حلفان بتنوضي بتنوضي
ندى : هيا هيا
سناء : هيا العشي بيبرد
.
( ناضت ليلي صحصحت و غيرت و فتحت باب الدار يلي راقدة فيها و قعمزت علي السفرة )
( و بدو ياكلوا و يضحكوا )
سناء : براءة ترا شوي مخلل
براءة : ايه حاضر
وعد : ليلي الملح
ليلي : ايه ايه حاضر
( و يهدرزوا و يضحكوا و جوهم مليح و بعد العشي )
( بدو يقيموا في السفرة و يغسلوا في الماعيين )
( وكيف بتنوض معاهم )
ليلي : نوال خليك انتي
نوال : 😳
ليلي : شن فيه يا نوال احكي 🥺 بنتي وين
نوال : بنتك مع بوها يا ليلي
ليلي : عارفة مع بوها بس وين نبي نشوفها يا نوال نحرمت منها طول المدة هادي معش نتحمل
نوال : اني مشيتله اكتر من مرة بس كانت المعاملة متعه مش كويسة و اللهي لو اني مش مستاحشة البنت ما كنت مشيت و لا عتبتها
ليلي : هو صح معاملته تغيرت تعرفي ما زارنيش سنة بحالها
نوال : اعذريه ومرات خايف علي البنت
ليلي : 🥺 بس بنتي
نوال : و بعدين انت غالطة تكتبتي كل شي بأسمه لا شقة و لا ارض خلاك هكي
ليلي : لازم ندور عليه
.
( في الكوجينة )
براءة : تعالوا يا بنات البنت تبكي
اكرام : اكيد تذكرت بنتها
وعد : تعالوا نقعمزوا معاهم
سناء : نسخن الشاهي و نحلق
.
براءة : خيرك يا ليلول
( قعدة ليلي تمسح في دموعها )
وعد : فرفشي ما فيش حاجة تستاهل كلنا في الهواء سواء
ليلي : ☺️
سناء : و هذا الشاهي
اكرام : و هذه الحلويات جيتها و اني مروحة من الصالون
ندى : و هذا الكاكاو اني منحبش الشاهي
( بدو يصبو في القهوة و الكاكاو و الحلويات و يهدرزو )
ليلي : حقا انتم كيف جيتو اهني
الكل : 👁👁
براءة : احني قصتنا قصة
ندى : حدوتة طويلة عريضة
نوال : ما عندنا شي احكو
ليلي : من يبدا
نوال : ابدي وعد
وعد : 😳 ( شن تبو تعرفوا اني وحدة عايشة طول عمرها ما حستش بطعم الام لدرجة نسيت اخر مرة قلتها ، عشت مع بوي و امي يلي عايشة مراهقة مبكرة و لما مات بوي قررت امي تاخد راجل و تكون حياتها يلي في نضرها ان حياتها مزال ما تكونتش ، تزوجت و كتبت كل تعب بوي و شقاه للعريس الجديد و كنت نتعامل اسوء معاملة من الطرفين و لما كلمت عمامي ما داروليش حل فا قررت ان نشوف مكان افضل من الذل يلي عايشة فيه و هذه حياتي
( و بدت تبكي )
ليلي : و انتي
سناء : اني
ليلي : ايه
سناء : اني حياتي عكس وعد انا عشت مع اب ما فيش اجمل منه و ام ما فيش احن منها ، و في يوم و ليلة فقدتهم في غمضة عين ، بوي راجل فقير و كان عايش في حوش بوه و لما مات قرروا يبيعوا الحوش و نقعد عند عمتي طبعا نقعد كاني شغلة نسهر نقري الصغار نسهر نغسل و نمسح و إهانة و ضرب و ذل ، تعرفوا احساس لما يكون جناحك مكسور تعرف احساس لما يضربك و يتأمر عليك شخص ما ليشي علاقة بيك و تقولي في قلبك لو بوي عايش كان كسر ايده ،
الكل : 🥺
سناء : هذا يلي صار معاي و قررت اني ندير مشكلة و نطلع و معش نرجع ليهم بكل و بلفعل طلعت و توكلت علي الله و يلي متوكل علي الله ما يخافش و الحمد الله ربي عوضني بي حسين شخص يحبني و نحبه و رح يخطبني قريبا و عارف كل حياتي و راضي بيا و بس
ليلي : و انتي
اكرام : انا قصتي تشبه شوي وعد انا كذلك كنت عايشة مع زوج امي بس انا تمادة معاي هلبا و كان كابوس في حياتي انا ما عشتش مع بوي هلبا و امي كانت ضعيفة و كان هو يلي خانقني في حياتي و قررت حتي انا اني نتوكل علي الله و نطلع من المكان يلي عايشة فيه و بلفعل طلعت و لقيت شغل و مكان قاعدة فيه
ليلي : و انتي
براءة : انا وحدة نضحك عليها من شخص مستحيل يكون انسان انا تزوجت في عمر صغير من شخص كان واخدني علي اني جارية و مش زوجة ، مش رح نكذب عليكم ما كنتش نعرفه بس حبيته و بعدين تغير كل شي معاملة كل يوم اسوء عنف في كل شي ، تعرفوا شعوري في لحظة لما سمعت انه متزوج و لا حاطلي حبوب منع حمل ، ليش ليش ، و اتضح انه واخدني لان زوجته التانية في قبيلتهم و واخد وحدة تونسه في مكان شغله و خلاص . زي المزهرية هكي ، صعب هذا الشعور ، بس ما عندي ما نقول الله لا يسامحه ، و بعد ما تحملت كل هذا طفح الكيل و تطلقت منه بعد وفاة بوي ب 3 ايام بس
الكل : 🥺
ليلي : وانتي يلي تبكي من غير ما تحكي القصة
ندى : 🥺 كلكم مضلومين الا انا ضالمة
انا يلي كانت عايشة ملكة ، كان همي علمي و قرايتي و احلامي ، اني يلي كنت عند بوي اغلي حاجة و عند امي هدية من ربي و في لحظة هدمت كل شي كسرت ضهر بوي و سمعة امي و طحت من عينهم ، وكل هذا بسبب شخص وهمني بكلام الروايات و الحب و زن عليا و حط فكرة الهروب في راسي و بلفعل هربت معاه و ندمت بعدها ، تزوجت اني و ياه زواج شرعي بلحلال و حملت و جاته خدمة للكويت و سافر و كل فترة يبعتلي هو صح ما خلانيش بس ما كنتش نبي حياتي بشكل هذا ابدا كل يوم خايفة ناكل خايفة نرقد خايفة و كل شي نديره و اني خايفة و مش عليا بس لا حتي علي بنتي
ليلي : منين خايفة
ندى : من خوتي يلي حالفين ان يقلبوا طرابلس كلها عليا و يقتلوني و هذه حياتي و بس
ليلي : الله يعينك
الكل : توا دورك
نوال : هيا احكي
ليلي : لالا انا حكايتي أسهل بهلبا
اكرام : نسمعوا
ليلي : اني ممرضة جراحة عادية عايشة مع بوها يلي ما ليها غيره حياتي بسيطة جدا عايشة ندور في يلي يكملني ، مات بوي و كانت كسرة ليا و قعدت في شقة كبيرة عريضة بروحي لين في يوم تقابلت مع ايوب كان ممرض معاي و حبيته و حبني و تزوجنا و عشنا احلي ايام و احلي اوقات و جبت بنتي نور و كملت حياتي و طورت شغلي و درت عيادة خاصة للجروح و الحروق لان تخصص ايوب و نشتغلوا لين في يوم وحدة من يلي تشتغل عندي اعطتني باكوا و قتلي هاذي ادوية متع جروح و حوادث و كنت رافعتها بنتبرع بيها لدار الوفاء اهني في المدينة و قبل ما نوصل شدتني الشرطة و طلعت من الباكوا مخدرات و نحكم عليا 6 سنين بس لحسن السيرة و السلوك خديت 3 بس و طلعت و يوم ما طلعت لا لقيت ايوب و لا نور و قاعدة ندور عليهم هاذي قصتي
اكرام : حدوتة
ليلي : نحس قصصكم اقوي ، تعرفوا يا بنات مع اننا كل وحدة فينا قصة مختلفة الا ان جمعتنا حاجة وحدة و هيا نفس مكان الوجع و نفس الوقت يلي تنزل فيه الدمعة ،
نوال : خلاص كلكم وليتوا تبكوا نوضي يا براءة افتحي اغاني خلي نغيروا جو
( فتحنا اغاني و بدو يرقصوا )
اكرام : هيا ليلي
ليلي : لالا و اللهي ما نعرف
اكرام : تي هيا
الكل : ليلي ليلي ليلي
ليلي : 😂
( نضنا و رقصنا و غيرنا جو النكد و الحق ارتحت ليهم البنات و حسيتهم الدنيا جاية عليهم )
🔥 يوم جديد 🔥
يطق الباب بلقوة
نوال : هيا هيا مني يلي علي الباب
ليلي : واني كيف طالعة من داري
( فتحت الباب )
محمد : كيف حالك حاجة نوال
نوال : انست و شرفت
( جت عيني في عينه )
ليلي : مني يا نوال
( رفع راسه )
محمد : 👁👁😍 صباح الخير
ليلي : صباح النور
نوال : استنا محمد اهني خلي نمشي نجيب التوكيل خليك معاه يا ليلي
محمد : انتي جديدة هني
ليلي : اني
محمد : هو في غيرك
ليلي : اسفة ايه جديدة
محمد : تشرفت بيك يا ليلي
ليلي : و تعرف اسمي يا محمد
محمد : 😂 اهو حتي انتي تعرفي اسفة طلعنا عشرة قديمة
ليلي : اني سمعته
محمد : و حتي اني سمعته
نوال : هي تفضل التوكيل
محمد : هي امانا نتلاقوا
نوال : خليك افطر معانا
محمد : مرة تانية
( سكرت الباب )
ليلي : مني هذا
نوال : هذا محمد ضابط شرطة متع الشارع كله
ليلي : اها
نوال : انتي شن نوضك بكري
ليلي : بنمشي لعيادة صاحب ايوب نشوفه نبي وحدة من البنات تمشي معاي
نوال : كلمي براءة
ليلي : نتحشم
نوال : توا نكلمها اني هيا اصلا ما تخدمش
ليلي : تمام
...
ندى : صباح الخير
نوال : وانتي شن نوضك انتي التانية
ندى : الحق كلمني راجلي و بعتلي فلوس بنمشي ناخذهم
نوال : باهي ردي بالك علي روحك
...
وعد و سناء : صباح الخير
نوال : صباح النور
سناء : هيا وعد معطلين ره
وعد : ايه ايه هيا
اكرام : استنوني نمشي معاكم حطوني بحدا الصالون
سناء : هيا به
....
( نزلوا وعد و سناء و اكرام )
سناء : شفتوا المفروض ننزلوا ابكر من هكي ما فيش تاكسيات
سند : صباح الخير
وعد : ☺️ صباح النور
اكرام : مني هذا
سناء : ايه صح مني هذا
سند : تستنوا في تاكسي
اكرام : حاجة ما تخصكش
وعد : اسكتي خيرك ، ايه نستنوا في تاكسي
سند : نوصلكم
سناء : لالا صحيت
وعد :وووه تي خيركم ، ايه ايه عادي
سناء و اكرام : 😳 هادي خيرها
سند : هي تعالوا السيارة مدرسة غادي
وعد : هيا تعالوا
اكرام : شوفي البنت ، خيرها هبلت
( ركبنا السيارة )
وعد : سامحنا سند تعبناك
سند : لالا ما فيش تعب
( و عيونه علي المرش في عيون وعد )
سناء : اكرام هاتي ودنك
اكرام : عارفة و شايفة من غير ما تاخديها ، يا خوي وقفني في شارع جمال الله يبارك فيك
سند : حاضر اختي
وعد : سامحنا
سند : معش تقولي هكي ادللوا
سناء : 😳
اكرام : 🙃
( درس لاكرام بحدا الصالون )
اكرام : صحيت خوي ، بسلامة بنات
سناء و وعد : باي
.
سند : و انتم وين
سناء : شارع خالد بن وليد بدايته فكك من جهة الجزيرة غادي يصينوا
سند : حاضر
( درس بحد البريد )
نزلت سناء
وعد: صحيت سند تعبناك
سند : اي حاجة تبيها كلميني بس
وعد : حاضر
سند : بس رقمي ما عندكش
وعد : سجله
سناء : وعد هيا
وعد : استني شويا
سند : شرينت عليا توا نحفظه عندي
وعد : تمام نتلاقوا
( نزلت )
سناء : تعرفيه
وعد : ايه
سناء : وين
وعد : خشي بس و تو نحكيلك
( ليلي و براءة )
براءة : انتي تعرفي مكان العيادة
ليلي : ايه نعرفه ان شاء الله يكون قاعد نفسه بس
براءة : هادي
ليلي : ايوه
( ركبنا )
ليلي : السلام عليكم ، لو سمحتي دكتور غنية موجود
السكرتيرة : ايه موجود
ليلي : قوليله ليلي علي غفور مرت ايوب محتاجك ضروري
السكرتيرة : حاضر ، تفضلوا قعمزوا
.
( ندى )
( نزلت و خديت تاكسي و مشت للمصرف )
( خشت الشارع )
ندى : لو سمحت مصرف الوفاة الخاص وينه
شخص : في نهايةالشارع اختي
ندى : بارك الله فيك
( كملت الشارع )
و وصلت للمصرف
........
( براءة و ليلي )
براءة : لينا ساعة توا مقعمزين
ليلي : هلبا تاخرت من لما خشت معش طلعت
براءة : بالك مش موجود
ليلي : ( نضت نجري و فتحت الباب )
و شفت 🤭🥺
براءة : 😱
......
( ندى )
خشيت المصرف
ندى : لو سمحتي جاني تحويل لحسابي من الحساب هذا و نبي نسحبه
البنت : تفضلي قعمزي
ندى : تفلتت و شفت صاحب خوي
البنت : تفضلي قعمزي
ندى : ممكن تسقديني بسرعة اوخيتي نحس في روحي بنجيب خلاص
البنت : ايه حاضر حاضر
ندى : درقت وجهي و نشوف فيه طلع تليفون و يتصل
البنت : وقعي اهني
( وقعت بسرعة و خديت الشيك و طلعت و اني طالعة طلع وراي ) ،،،،،........يتبع

( ما تنسوش لو عجبتكم تفاعلوا و رايكم علي الرواية و الاحدات و شكرا )