هكذا تغيرت أقدارنا ( روايات ليبية )

حلقة 4🔥

رواية #هكذا_تغيرت_أقدارنا حلقة 4 🔥
للكاتب : أحمد الله
( التفاعل اهم شي ) ( و اسف علي التاخير بس للاسف بسبب الكهرباء ) ( قراءة ممتعة ❤️ )
.
( عند البنات )
نوال : يا ليلي جيبي تليفوني خلي نكلم اكرام عطلت هلبا
ليلي : بالك عندها شغل
نوال : ايه اوكي بس مش لدرجة هادي
ليلي : تفضلي
( قعدت تحاول تتصل )
و بعد وقت تلفتت
نوال : يا بنات
الكل : ها
نوال : اكرام تليفونها مقفل
( نضنا نجرو من الطاولة )
ليلي : كيف مقفل
براءة : ترا زيدي حاولي
وعد : يستر ربي
.
( اكرام )
خشيت الشارع و اني دمعتي علي خدي و نشوف لكل الناس و مش عارفة نحس في روحي بنطيح
ركبت الشقة
.
( البنات )
وعد : نكلموا الشرطة
سناء : ايه افضل حل
براءة : صبروا بالكم
ليلي : اكرام
( كلهم تلفتوا )
( و اكرام كانت واقفة قدام الباب )
براءة. اكرام انتي كويسة
ليلي : اكرام خيرك
نوال : وين كنتي يا اكرام
( و فجاء طاحت اكرام )
ليلي : ااااكككرراام
( جيناها نجروا و قعدنا نفيقوا فيها و نضربوا في وجهها )
.........
( في حوش سند )
( مقعمز بوه و امه و هو مقعمز بحداهم )
الهادي : اني البنات هاذم مش مريحيني بكل و حالهم مش عاجبني بكل
مرته : تي فوتهم و اني حاط نقرق من نقرهم
بنته : ايه صح قليلات ادب و وقحات
سند : سكري فمك انتي
بنته : بابا تعال شوف ولدك يدافع عليهم
سند : لا مش ندافع عليهم لكن محترمات الحق
الهادي : مش قتلك سكر فمك اني
بنته : يرجعوا في نص الليل و يطلعوا بكري و لا معروف اصلهم من فصلهم لالا الحق لازم اديروا حل معاهم ،
( ناض و طلع من الشقة و نزل للمحل )
..........
( البنات )
نوال : انزلي وقفي تاكسي يا وعد بسرعة
ليلي : ( تصب في المية علي وجهه اكرام )
( نزلت وعد تجري نزلت من الشقة و وقفت في نص الطريق و ترعش )
سند : 😍 وعد وينك
وعد : خليني توا في حالي
سند : خيرك وعد فيه شي
وعد : اكرام تعبانة هلبا و نبي تاكسي
سند : نزلاها بسرعة ، بسرعة
( ركبت تجري )
نوال : وقفتي تاكسي
وعد : هيا هيا سند يستني لوطة
( لبسنا و طلعنا اني و نوال و اكرام و ليلي )
سناء : طمنونا
براءة : توا نكلمكم لما توصلوا
..( وصلنا المستشفي دخلوها و كانت حالتها كويسة بس دايخة شوي و عندها هبوط في الضغط و دارولها تغذية)
ليلي : يارب يارب
( نوال حاطة ايدها علي راسها )
...
وعد : شكرا تقدر تروح
سند : اني قاعد اهني مش مروح
وعد : شكرا ليك
سند : هذا واجبي حقا انتي تقري
وعد : 🤭😂 هذا وقته
سند : عارف مش وقته بس نبي نعرف عليك حاجات
وعد : لا اني عندي شهادة تانوية و نشتغل في بريد الاتصالات و انت
سند : اني نقرا هندسة اخر سنة
وعد : اها بتوفيق
...
طلع الدكتور
نوال : طمني يا دكتور
ليلي : 😳
الدكتور :وين ام المريضة
نوال : اني
الدكتور : ممكن شوي
نوال : حاضر
.
وعد : شن فيه ليلي
ليلي : الدكتور يبي نوال بس اكرام حالها كويس سألت الممرضة
وعد : كويس الحمد الله
.......
الدكتور : انتي امها
نوال : ايه امها شغلتني دكتور
الدكتور : بنتك عندها هبوط في الضغط و القولون العصبي سببلها دوخة
نوال : اها خوفتني يا دكتور
دكتور : لا الموضوع رح نفتحه توا
نوال : قول
دكتور : بنتك مش بنت
نوال : 😕 كيف
دكتور : بنتك فقدت عذ.........
نوال : 🤭 انت شن تقول
دكتور : بنتك فقدت عد،،،،،،، اليوم و ممكن يكون اغتصاب
نوال : 🥺🤭🔥 انى مش فاهمة حاجة و الله
دكتور : ان شاء الله تتقبلوا الامر و تتفهموها و تلاقوا حل
( مشي الدكتور )
نوال : ( راسي نقلب مش عارفة الكلام يلي قاله الدكتور هذا شني ، هل اكرام بنت ليل او حد شدها و هل برضاها او غصب عليها و كيف الحل ، دخلت روحي في متاهات مع بنات ما نعرفش اصلهم من فصلهم بس حبيتهم زي بناتي و الله ) ( ربي يستر و خلاص )
.....
ليلي : عطلت هلبا نوال
وعد : هيا وين مشت
ليلي : خشت للممر هذا
وعد : تعالي وراي
( خشينا الممر لقينا نوال تبكي )
ليلي : نوال خيرك
وعد : اكرام فيها شي قولي
نوال : ( قعدت تمسح في دموعها ) لالا ما فيها شي
انا رح نقعد معاها و انتم روحو
وعد : لالا نقعدوا معاك
ليلي : ايه نقعدوا معاك
نوال : قلت لا روحوا و اني قاعدة معاها و طمنوا البنات يلي مشغولين
( نضنا و طلعنا من المستشفي و روحنا )
( وصلنا قدام العمارة )
ليلي : بارك الله فيك خوي
سند : ادللي اختي
ليلي : سلمك ، سلملي علي بوك
وعد : 😳 ليلي
سند : 👁👁 يوصل ان شاء الله
( نزلت ليلي )
وعد : شكرا سند
سند : ساد من شكرا تقول درت عمل قومي
وعد : لالا انت نقدت اكرام
سند : ادللي ، بس امتي حنكلمك
وعد : امتي ما تبي ما عدا اليوم
سند : تصبحي علي خير
وعد : و انت من اهله
....
( نزلت )
ليلي : تعرفيه
وعد : تقريبا
ليلي : ما شاء الله عليه الحق
وعد : غزال
ليلي : 😳 هيا اركبي
( ركبنا وصلنا للشقة )
سناء : اكرام بخير
براءة : ما تخابوش عليا شي بليز
ندى : قولوا
ليلي : اهدو اهدو حالها كويس و تمام
وعد : لالا ما فيها شي
ليلي : يا جماعة تعبانة هلبا بنمشي نرقد غدوا عندي مشوار مهم
براءة : حتي اني و الله
سناء : هيا وعد غدوا عمل فوق روسنا
( خشت كل وحدة فينا و عندها فكرة و مشوار في دماغها )
.
ليلي ( خشيت لداري و فكرت اني نمشي لقسم الشرطة للضابط محمد مرات يساعدني )
.....
براءة : ( خشيت لداري و قررت ان غدوا نمشي نشوف الشركة يلي بنلقا فيها خدمة )
،،،،،
( في حوش سند )
( طلع سند من الحمام )
سند : خيرك تشبحيلي
ريان : وين كنت يا سند
سند : مشوار و بعدين شن دخلك انتي
ريان : للعلم شفتك ركبت بنات شقة نوال في السيارة
سند : 😳
ريان : وين رفعتهم
سند : بنت معاهم كانت مريضة رفعتها بلسيارة
ريان : ما شاء الله عليك ربي يحفظك يا راجلهم
سند : ريان علي رحمة ولديك كلمة ما نبيش نسمعها
ريان : محترمات صار
سند : ريان
ريان : خلاص مش حنقول خليني نشوف قصتك معاهم شن اخرتها
.....
( نوال )
( كنت مستغربة و نبكي و مش عارفة حتي نفكر كيف صار خشيت للدار متع اكرام لقيتها تبكي )
( مسحت دموعي و خشيت )
اكرام : نوال انتي قاعدة هني
نوال : ايه قاعدة
اكرام : نحساب روحي بنموت مش معاي حد ( و ضحكت و الدمعة في عينها )
نوال : ليش تقولي هكي
اكرام : اني متت يا نوال متت و مش رح انوض ابدا
نوال : احكيلي اكرام
اكرام : ( تبكي و تمسح في وجهها ) شن بنحكي غدروا بيا يا نوال غدروا بيا )
نوال : من يلي غدر بيك
اكرام : المراة يلي نخدم عندها ، باعتني الحيوانة
نوال : و كيف دارت هكي
اكرام : دارت هكي لما عرفت اني ما لياش ضهر ننسند عليه ما لياش خوت يكونوا معاي ما عنديش حد يا نوال ما عنديش حد
نوال : كلنا ما عندناش حد ، خلاص يلي صار صار
اكرام : يلي صار صار كلمة سهلة بس في نفس الوقت صعبة هلبا هلبا هلبا ،
نوال : خلاص امسحي دموعك و انسي
اكرام : نوال ممكن يلي صار يكون سر
نوال : حاضر
( قعدت نوال و اكرام يحكوا طول الليل و حكتلها علي كل شي )
......
🔥 نهار جديد 🔥
( ناضت ليلي لبست و طلعت )
ليلي : صباح الخير
براءة : صباح النور ، تعالي اشربي قهوة
ليلي : لالا بنطلع مستعجلة هلبا
براءة : ربي معاك
...( طلعت ليلي )
ندى : صباح الخير
براءة : صباح النور . اسمعي تعالي قعمزي اني طالعة
ندى : وين
براءة : عندي مقابلة عمل ادعيلي
ندى : ربي معاك
.....( طلعت براءة )
وعد : صباح الخير
سناء : صباحو
ندى : تعالوا افطروا معاي
وعد : لالا صحة يا روحي عندنا شغل
ندى : اللطف كلكم مشغولين ربي يعاونكم
سناء : باي
ندى : باي
.....( طلعوا سناء و وعد )
( نزلوا من الشقة للطريق )
لقت السيارة مدرسة و فيها سند
سند : هيا اركبوا
وعد / 😍
سناء : 😳 لالا صحيت بناخدوا باص اليوم
سند : تي غير اركبوا في طريقي و اللهي
سناء : قتلك صحيت بناخدوا باص
( و بدت تنادي ) افيييكككككووواااا
وعد : تي هيا اركبي
سناء : لا
وعد : اركبي قتلك
( دفت سناء في السيارة و ركبوا )
وعد : صباح الخير سند
سند : صباح النور
سناء : 😕
سند : نفس المكان وله
وعد : ايه ايه نفسه سامحنا تعبناك
( طول الطريق عيون سند ما تنحوش من علي مراية السواق و يشوف لوعد )
......
( ليلي )
نزلت من الشقة و كلمت نوال
ليلي : الو نوال كيف حال اكرام
نوال : كويسة الحمد الله بالك اليوم تطلع
ليلي : الحمد الله ، نوال كنت نبي منك خدمة
نوال : تفضلي
ليلي : نبي المكان يلي يخدم فيه الضابط محمد
نوال : قصدك النقيب محمد
ليلي : ايه النقيب محمد
نوال : مش بعيد علينا ،
( و بدت تقولي في النعتة و مشيت )
( وصلت لقسم الشرطة )
كلمت نوال
ليلي : الو يا نوال مكتوب قسم شرطة طرابلس المركز صح ولا غلطت
نوال : هو هو
ليلي : طيب شن اسمه الظابط
نوال : النقيب محمد
(و اني واقفة في نص الطريق ) ( نسمع في حد يبيب عليا )
ليلي : ما نسمعش فيك يا نوال شن اسمه
( و قاعد الراجل يبيب )
ليلي : اقسم بالله ما نسمع في حاجة
( و تلفتت )
ليلي : انت شني تحشم علي وجهك
( نشوف في النقيب محمد نازل من السيارة )
ليلي : 🤭🥺
محمد : من الغالط
ليلي : الحق الحق اني ، تفضل الطريق طريقك
.
نوال : الو وينك يا ليلي
ليلي : اسكتي طلع هو يلي يبيب حشمة
نوال : تمام المهم لقيتيه تفاهمي معاه مع السلامة
ليلي : مع السلامة
( درس سيارته و نزل منها و جي لباب قسم الشرطة )
محمد : تفضلي استاذة ليلي تبي حاجة
ليلي : كنت نبي نحكي معاك اذا ممكن
محمد : ايه تفضلي
( خشينا للمكتب متعه )
محمد : تفضلي انسة ليلي
ليلي : اني مدام
محمد : 👁👁 تفضلي مدام ليلي
ليلي : اني نبيك تساعدني اني نشوف بنتي
محمد : شني
ليلي : بنتي نور اني كنت محبوسة في قضية ضلم و الله و بعدها طلعت من الحبس معش لقيت بنتي و لا راجلي
محمد : وكيف تبيني نساعدك
ليلي : عندي عنوان صاحبه ممكن يساعدنا اننا تلقوه
محمد : وخيرك ما مشيتلاش
ليلي : ما رضاش يقابلني و هرب
محمد : تمام عندك عنوانه
ليلي : هذا عنوانه
محمد : تمام تعالي معاي
..
( براءة )
براءة : السلام عليكم اني عندي موعد قبول وضيفة
السكرتيرة : اهلا بيك شن وضيفتك
براءة : سكرتيرة للمدير و شفت التقديم و قدمت
السكرتيرة : تمام استني شوي و حتخشي
براءة : ( الله علي المكان هذا محلاه )
السكرتيرة : تقدري تخشي تفضلي
براءة : شكرا
( خشيت )
رئيس التعينات ؛ اهلا هلا
براءة : اهلا بيك
رئيس التعينات : براءة صح
براءة : صح
رئيس التعيينات : من لما شفت صورتك و اسمك ما هربش من بالي
براءة : شكرا بجد
رئيس التعيينات : تفضلي قعمزي
( قعمزت)
رئيس التعيينات : تشربي شي
براءة : لالا شكرا
رئيس : لا كيف الجمال هذا كله و ما نضيفوشي
براءة : أمية
رئيس : وحدة امية لانسة براءة
براءة : اني توا تعينت او لا
رئيس : صبري بالك عليا ، انتي تعينتي في الشركة
براءة : 😍
رئيس : بس ما تعينتيش عندي اني
براءة : 😕 كيف
رئيس : و للاسف التعيين في قلبي قبل التعيين في الشركة
براءة : قلبك
رئيس : ايه قلبي ، اعطيني رقمك
براءة : استني بس انت فاهم غلط اني جاية نتعين
رئيس : انتي تستعبطي
براءة : 🥺
رئيس : خليك فرش و حيوية
( وجي وراي )
براءة : لا انت فهمت غلط يا استاذ اني جاية نشتغل اهني
رئيس : وحتي هذا شغل
براءة : خلي بنتك تشتغل فيه
براءة : طلعوها برا قليلة الادب لا تعيين ولا كلام فاضي
( لميت اوراقي و طلعت من المكتب )
( معصبة و الدمعة في عيني )
و اني في الجردينة متع الشركة و نمشي و راسي لوطة )
( انصدمت في حد )
الشخص : اني اسف
براءة : ( دموعي في خدي ) اني يلي اسفة
( بدي يساعد فيا في لمان الاوراق )
براءة : شركة وسخة و مدير وسخ
الشخص : 😳 خيرهم
براءة : اذا انت موضف ننصحك انك تطلع منها الشركة ، شركة كذابة مش زي ما سمعت عليها بكل ، حيوانات
الشخص : ساد من البكي
براءة : قهروني الحيوانات
الشخص : بس اني مش موضف
براءة : امانا شي
الشخص :اني مدير الشركة
براءة : مدير شني
الشخص : الشركة
براءة : ( ناضت و رفعت راسها و مسحت دموعها ) ياريت يا استاذ مدير انك تختار موضفين لان عيب هلبا يلي يصير احني بنات ناس و طالبين الحلال و لو غير هكي ما كناش جينا
الشخص : شن فيه
براءة : اعرف بروحك ، هات الاوراق . تشرفنا
الشخص : تشرفنا
.......
( وعد و سناء )
سناء : الشغل اليوم هلبا هلبا هلبا الحق
وعد : عادي تعودنا خلاص
سناء : هذا من يلي جاي
وعد : هذا خطيبك
حسين : صباح الخير
سناء : صباح النور
حسين : شن رايك نطلعوا
سناء : طبعا لا عندي شغل
وعد : بري اني قاعدة مكانك ما اتخافيش
سناء : لالا خليها مرة تانية
وعد : تي بري الجو حلو البراء
سناء : اوكي بس مش معطلين صح
حسين : ايه ساعة او اقل
سناء : تمام شكرا وعد
وعد : ☺️
( طلعنا من البريد )
.......
( ليلي )
ليلي : ( نجري وراء محمد ) يا استاذ محمد استني
محمد : مش انتي عارفة مكانه . خلاص نمشوا نواجههوه و علي غفلة
ليلي : تمام صح ، باهي افهم باقي القصة
محمد : نفهمها بعد ما نمشوله
.
محمد : وتيلي سيارة شرطة بسرعة
شخص : حاضر سيدي
ليلي : 🤭🥺 يارب
......
( ركبت للسيارة مع محمد و نعته علي مكان العيادة و وصلنا )
محمد : خليك انتي اهني و لما نكون معاه نكلمك
ليلي : تمام
( ركبوا و قعدوا شوي و كلمني )
( طلعت نجري)
......
مدير الشركة يلي مشتلها براءة ( نادر )
السكرتيرة : استاذ نادر هاذم ملفات السكرتيرات يلي تقدموا اليوم و اخترنا 2 بس
نادر : تمام و حنشوفهم
( و كيف بتطلع السكرتيرة )
نادر : هناء
السكرتيرة : تفضل استاذ
نادر : من يلي دار تقييم الاداء
السكرتيرة : استاذ اياد
نادر : تمام شكرا
( فتح الملفات )
نادر : براءة أحمد / السكن الحالي ، طرابلس المركز عمارات قبيل 🙂
( ناض من علي المكتب )
نادر : يا اياد
اياد : تفضل
نادر : اليوم جاتك وحدة مقدمة علي سكرتيرة اهني
اياد : جوني 6 تقريبا من تقصد اكيد تقصد رنا
نادر : لا براءة
اياد : من براءة
نادر : براءة احمد هاذي بنت عمي بعتها اهني تشتغل
اياد : 👁🔥 بنت عمك
نادر : ايه و مش عارف خيرك ما قبلتهاش
اياد : لالا اني رفضها لان لقيت اشخاص افضل منها بس رح نكلمها و ترجع حاضر
نادر : لالا حنكلمها اني
اياد : لالالا انكلمها اني
نادر : اياد انت مداير معاها شي
اياد : لالا ، عيب هذا شغل
نادر : تمام حنكلمها و نشوفها
اياد : 🤭🔥
......
( ركبت نجري للعيادة )
محمد : هذا صح
ليلي : هو هو 🥺🔥
غنية : كيف حالك ليلي
ليلي : نزل ايدك ، ليش يا غنية ما تبيش تشوفني ليش
غنية : اني ما لياش علاقة
ليلي : اني ما نبي منك شي نبي مكان بنتي و ايوب وين
( نزل راسه )
ليلي : ميتين حيين وينهم ليا مدة ندور فيهم تكلم
غنية : عايشين و بصحة جيدة
ليلي : قولي وين قولي
غنية : حنكلم ايوب و نقوله عليك و نقوله علي مكانك
ليلي : اعطيني رقمه
غنية : مش من حقي نعطيك رقمه بس نوعدك اني حنكلمه
محمد : خلاص يا ليلي حيكلمه و حيجيك
ليلي : كلمة اخيرة حنقولهالك . اني خشيت الحبس مرة و ما عنديش مانع نخشه مرة تانية و اللهي و اللهي و اللهي لو ما شفتش بنتي الا لما نقتلكم انت و ياه
محمد : خلاص ليلي حيكلمه
ليلي : قوله اليوم يكون عندي
( طلعنا من العيادة و دموعي في عيني )
محمد : ( قال للشرطة يلي معاه ) يا رجالة ممكن ترجعوا للمركز
ليلي : شكرا تعبتك معاي حناخد تاكسي و انت ارجع لشغلك
محمد : لا نوصلك
ليلي : شكرا استاذ محمد
محمد : انتي كيف نحبستي
ليلي : في قضية مخدارات بس و اللهي ضلم و اللهي
محمد : و كم مدة حبسك
ليلي : المفروض 6 سنين بس لحسن السيرة و السلوك خديت 3 بس و طلعت
محمد : احكيلي علي روحك
( بدينا نهدرزوا طول الطريق لين وصلت الحوش )
ليلي : بارك الله فيك
محمد : لو ما صار شي تعاليلي غدوا تمام
ليلي : تمام ، مع السلامة
( طلع بسيارة و اني راكبة شفت براءة تتعارك هيا و بو سند )
ليلي : خير خير شن فيه
براءة : هلشيباني الاحرف يقول في كلام عليا
ليلي : انت شن تبي من الاخير
الهادي : اسمعي انتي و ياها كلام زايد معاي لا راهو عندي وجه تاني رد بالكم
ليلي : خفنا احني و قانون حفظ المراة وين و التعدي علينا اقل حاجة 5 سنين حبيبي احترم شيبتك و رد بالك اقسم بالله نجيب اللجنة الشعبية اهني
تعالي براءة
( و مشينا )
الهادي : شفتوهم و شفتوا قلة ادبهم
الرجالة : الله المستعان
الهادي : هذه اخرة دولة تعطي حقوق المراة
الرجالة :و اللهي من لما نزل القرار هذا و خربت البلاد
......
( و احني راكبين )
ليلي : خيرك تبكي
براءة : و حتي انتي خيرك تبكي
ليلي : مشيت للدكتور متع هذاكا اليوم
براءة :و شن صار
ليلي : قالي حيكلم ايوب و ايوب حيكلمني
براءة : و ر ضي يقابلك
ليلي : لولا ما رفعتش معاي الضابط محمد ما كانتش قابلته و انتي خيرك
براءة : اني تعالي نحكيلك الداخل
( فتحنا باب الشقة )
ندى : اهلا بيكم كيف كان يومكم
ليلي : ان شاء الله باهي
براءة : زي الزفت
ندى : ليش
براءة : شركات يبو بنات شوارع و خلاص
ندى : امسخين
( فتح باب الشقة و خشو وعد و براءة  )
وعد : اهلين
سناء  : السلام عليكم
ندى ؛ و عليكم السلام كيف كان يومكم
سناء : نص نص
ندى : ليش
( مشت و خلتني)
ندى : وعد خيرها سناء
وعد : حسين خطيبها حاب يجي للشقة هو و امه
ندى : وبه ليش زعلانة
وعد : الله اعلم
ليلي : يا جماعة ما فيش حد كلم نوال
براءة : ايه صح
ليلي : هاتي التليفون خلي نكلمها
.
ليلي : الو نوال وينك
نوال : هانا كيف طالعين من المستشفي و حال اكرام كويس
ليلي : الحمد الله
براءة : شن فيه
وعد : فيه شي
ندى : ان شاء الله خير
ليلي : خير خير اكرام في الطريق
الكل : 😍
نوال : طمني البنات و شويا و رح نكونوا غادي
ليلي : يا جماعة البنت جاية تعبانة هيا نوضوا نطيبوا حاجة
( نضنا ساوينا الدار و طيبنا حاجات دسمة لاكرام و نضمنا امورنا و خت اكرام )
( بدي فيها الاحضان و التبويس و الحب و اكرام كان باين عليها التعب هلبا و مرهقة وتينا الاكل و كلينا و هدرنا و بدت اكرام تهدرز و تضحك )
وعد : نوضي ليلي وتينا الشاهي و الحلويات
ليلي : ايه حاضر
( طق الباب )
نوال : نوضي براءة افتحي
براءة : حاضر
( مشت فتحت الباب )
براءة : اهلا و سهلا انت مني
الشخص : اني الدكتور أيوب الشاوش زوج ليلي علي غفور
براءة : 😳 يا ليلي
( شفاته نوال ناضت و كل البنات ناضوا )
ليلي : شن فيه
( و اني طالعة من الكوجينة لقيت ايوب واقف في الباب )
ليلي : 🥺👁👁🔥 ايوب ،،،،،............يتبع
احدات حلقة اليوم زي تعريف تاني بشخصيات جديدة حتطلع معانا
القصة مزال ما بدتش و كل بنت قصتها قصة و رح تنحكي حنشوفوا نادر كيف رح يوصل لبراءة و ايوب و ليلي و شن المفاجاء يلي بيقولها و حسين و سناء و شن مصير حبهم و اكيد وعد و سند اما ندى فا خليها علي ربي
.
نتلاقوا في حلقة 5 متشوق نكتبها و مزال الاحلي مجاش
تفاعلوا و اعطوني رايكم ❤️