هكذا تغيرت أقدارنا ( روايات ليبية )

حلقة 5🔥

رواية #هكذا_تغيرت_أقدارنا حلقة 5 🔥
للكاتب : أحمد عبدالله
( التفاعل اهم شي ) ( و اسف علي التاخير بس الحق بسبب التفاعل الضعيف بس عادي المهم تعجبكم  ) ( قراءة ممتعة ❤️ )
.

وعد : نوضي ليلي وتينا الشاهي و الحلويات
ليلي : ايه حاضر
( طق الباب )
نوال : نوضي براءة افتحي
براءة : حاضر
( مشت فتحت الباب )
براءة : اهلا و سهلا انت مني
الشخص : اني الدكتور أيوب الشاوش زوج ليلي علي غفور
براءة : 😳 يا ليلي
( شفاته نوال ناضت و كل البنات ناضوا )
ليلي : شن فيه
( و اني طالعة من الكوجينة لقيت ايوب واقف في الباب )
ليلي : 🥺👁👁🔥 ايوب
( قعدت واقفة سرحانة هل نحلم او لا )
ايوب : ليلي
( جريت و اضبته)
ليلي : ( بديت نبكي ) يا ايوب ندور عليك يا ايوب
ايوب : هاني جيتك يا ليلي
( كنت محتاجة لايوب في حياتي يساعدني اني نرجع ليلي متع زمان بعد يلي شفته )
( بديت انمس في وجهه )
ليلي : استحشتك انت و نور
ايوب : اني اكتر و الله
ليلي : وين نور
ايوب : ما جتش معاي
ليلي : ليش يا ايوب فيه شي
ايوب : تعالي حنكيك
نوال : تفضل ولدي
....
بدي يسلم علي البنات و خشيت للدار اني و ياه
ليلي : فيها شي البنت قولي
ايوب : لالا و اللهي ما فيها حاجة
نوال : شاهي و لا قهوة يا ايوب
ايوب : لا هذا و لا هذا
.
ليلي : احكيلي رد عليا
ايوب : البنت مسافرة مع عمتها رحاب
ليلي : نبي نشوفها ارفعني ليها
ايوب : ما ينفعش
البنت واخدة موقف كبير يا ليلي منك
البنت كانت تاخد في الاهانات من اولاد المدرسة بتهمة ان امك مش كويسة و امك في الحبس
ليلي : 🥺
ايوب : لدرجة ان في يوم جتني و قتلي بابا ليش ما تجيبش ليا ام تانية
ليلي : 🥺 و فهمتها الصح
ايوب : ايه
ليلي : يا ايوب اشرحلها قوللها امك مضلومة و اللهي مضلومة ، ايوب عندك صورتها
ايوب : ايه حاضر
.
( طلع الصورة )
ايوب : شدي هذا في عيد ميلادها
ليلي : 😍❤️🔥🥺😭
( بديت نبكي )
ايوب : خلاص يا ليلي
ليلي : مش قادرة مش قادرة و اللهي يعني انضلمت في الحبس و نزيد برا الحبس ، ايوب بنروح معاك
ايوب : ما ينفعش
ليلي :ليش 🥺
ايوب : البنت مروحة اليومين هاذم و ان شاء الله نديروا فيلم عليها انك كنتي مسافرة و حاجة زي هكي و ترجعي
ليلي : ( شفت لايوب و شفت لعيونه و حسيته زي يلي يقولي معش نبيك )
ليلي : ايوب حقا نسيت نسالك شن صار في الشقة و العيادة و الارض
ايوب : ليش انتي ما عندكش فلوس
ليلي : لا بس نسأل
ايوب : بعت الشقة و العيادة و الارض و درت عيادة صغيرة ان شاء الله لما ترجعي تشوفيها
ليلي : 🥺 ان شا الله
ايوب : هيا اني نستأدن
ليلي : 😳
( طلع جو البنات يجروا للدار )
براءة : هذا راجلك ما شاء الله عليه
وعد : ربي يخليكم لبعض
سناء : ايه ما شاء الله
ندى : الله يسعدكم
نوال : خيرك يا ليلي فيه شي
ليلي : ايوب مش ايوب
نوال : كيف يعني
ليلي : يعني عيونه تقول ليش طلعتي في حياتنا مرة تانية مع انه عارف اني مضلومة
نوال : اعذريه حتي هو شاف بلاوي
ليلي : بس مش زي يلي شفته اني يا نوال ، تخيلوا حد ما شافش مرته سنين و يوم ما يشوفها ما ياخدهاش بلحضن و لا شي كأني ما نعنلاش بكل ، حسيت بجفة رهيب بيني و بينه ، مش عارفة مش عارفة حاسة انهم تبروا مني
( و بديت نبكي )
نوال : لالا ما تقوليش هكي ايوب يحبك لا
ليلي : 🤧
الكل : 🥺😭
نوال : و انتم خيركم تبكوا
براءة : نبكوا علي حضنا يا نوال
سناء : نوال احني يتامة في هلدنيا يا نوال
نوال : اللطف تي خيركم قلبوكم معبية
براءة : من يلي نشوفوا فيه
نوال : حقا تعالوا شن صار معاكم اليوم
براءة : شن بيصير يعني ، مشيت للشركة و طلع صاحب الشركة شخص حيوان و تفكيره بعيد هلبا
نوال : كيف يعني
براءة : طلع يبي حاجات تانية غير الشغل 🥺 شفتي يا نوال
نوال : عادي عادي طز فيهم الشركات معبية البلاد
براءة : الحقيقة يا نوال كل الشركات تبي هكي
نوال : و انتي خيرك
سناء : ما خيرني شي
نوال : قولي قولي
وعد : اليوم قابلت حسين
نوال : اسكتي انتي نكلم فيها هيا
سناء : ايه تقابلت مع حسين
نوال : وبه
سناء : و يبي يجيب امه
نوال : كيف خبر مفرح
سناء : شن المفرح فيه بلاهي ، لما تشوفني لا بو و لا ام و لا حد يتكلم عليا و لا ساكنة في شقة مع مراة و بنات ما نعرفهمش
نوال : بارك الله فيك
سناء : ما تفهمنيش غلط باللهي عليك ، بس هذا يلي بتقوله
نوال : 🥺
ليلي : خليها تجي و واجهيها بلامر الواقع و ما اتخافيش و لو رضت بيك خير و بركة و لو لا كمان خير و بركة
سناء : بس اني خايفة نفقد حسين و اني نحبه
نوال : زي ما قتلك ليلي افضل حل
ليلي : يا جماعة وين اكرام
نوال : ايه صح
خليكم اهني نمشي نشوفها
( طلعت نوال تجري من الدار و فتحت دار اكرام لقتها تبكي بروحها )
نوال : خيرك يا اكرام
اكرام : 🥺 خيرني ما خيرني شي يا نوال
نوال : خلاص يا اكرام انسي
اكرام : ننسي شني ننسي شني ، مش عارفة حتي نفكر
نوال : خيرهم بنات الليل كل يوم نفس الوضع و لا تنهز ليهم شعرة
اكرام : بنات الليل 🥺 يعني اني بنت ليل
نوال : نبصر عليك
اكرام : لا يا نوال عندك حق بنت ليل ، بس نبيك تعرفي ان الدنيا خلتني بنت ليل و الله
نوال : ما اتقوليش هكي اني اسفة خاني التعبير
اكرام : نوال اني تعبانة هلبا يا نوال تعبانة
( سندت اكرام علي السرير و رقدتها و طلعت )
.
( في حوش نادر )
( مقعمز نادر و اياد )
نادر : قتلك اياد كلمت بنت عمي براءة و رفضت تحكيلي بتفصيل شن صار معاها
اياد : 😳
نادر : شن رايك تصارحني و تقولي و مهما كان الشي عندي عادى
اياد : و اللهي ما كنت نعرف انها بنت عمك المفروض قتلي
نادر : شن درت من الاخير
اياد : عرضت عليها ان
نادر : خلاص معش تكمل عرفت
اياد : و اللهي 🥺
نادر : 🔥 و اللهي شني ، تي كل يوم جايب سكرتيرات حرام عليك يا راجل عندك اخوات حرام عليك و الله تشوه في صورة الشركة ، شوف حنسامحك المرة هادي لاني ما نقدرش نستغني عليك لا اكتر و لا اقل بس و اللهي العظيم لو تكررت حتشوف مني شي عمرك ما شفته
.
🔥 يوم جديد 🔥 ( الشقة )
وعد و سناء : صباح الخير
نوال : صباح النور ،
وعد : احني طالعين باي
نوال : ربي يعاونكم
سناء : قتلك مرات اليوم بيجوا شن الحل
نوال : زي ما قتلك خليهم يجو و معش ترعشي و انتي قلبك قريب يطيح
سناء : ان شاء الله خير
( طلعوا وعد و سناء )
( طلعت ندى من الدار )
ندى : صباح الخير
نوال : صباح النور ، تعالي افطري معاي
( قعمزت ندى تفطر مع نوال)
نوال : بنطلع اني و ياك للمحلات ناقصتني بضاعة
ندى : حاضر
.
ليلي : صباح الخير
نوال : صباح النور ، وين ماشية
ليلي : ماشية بنسئل علي شوية اوراق ليا في وزارة الصحة
نوال : باهي تعالي افطري
ليلي : تمام اصلا مزال وقت
( قعمزت علي الفطور )
( طق الباب )
ليلي : حنفتح اني
( فتحت الباب )
ليلي : استاذ محمد
محمد : 🙂 استاذ
ليلي : قصدي قصدي اااا
محمد : نفضل محمد فقط
ليلي : اوكي محمد
محمد : كنت نبيك لو ممكن
ليلي : تمام تفضل
محمد : انتي باين عليك طالعة شن رايك نوصلك و نهدرزوا
ليلي : تمام ، دقيقة نجيب الشنطة و نجي
.
نوال : وين ماشية
ليلي : وين قتلك شن نسيتي
نوال : ربي معاك
ليلي : ان شاء الله
.
( طلعت من الشقة و نزلنا )
( و مرينا من بحدا الهادي )
الهادي : جيرا معفنا
( شبحت لمحمد و محمد شبحلي )
محمد : علي من يتكلم
ليلي : فوته فوته
الهادي : لا تعرفه خوها و لا استغفر الله
محمد : 🔥
ليلي : اوخيي فوته فوته
.
محمد : انت علي مني 
الهادي : امشي يا ولدي و كمل طريقك
ليلي : محمد خلاص
محمد : انت عارف من تكلم ان تكلم رئيس قسم شرطة طرابلس المركز كلها و ولد عم البنت هادي و نسمع منك كلمة تانية مرة تانية اقسم بالله ما تاخد في ايدي خلوا
الهادي : 😳
ليلي : فوته خلاص ،
.
محمد : من الحقير هذا
ليلي : فوته خلاص
محمد : لا بلحق حابب نعرف
ليلي : شخص حاط راسه من راسنا كلنا
محمد : تبيني ندخل
ليلي : لو سمحت لا ، راجل كبير و خليه علي قد عقله
محمد : احكيلي شفتي زوجك
ليلي : شفته
محمد : و شن صار
ليلي : 🥺
محمد : خيرك
..
( الشقة )
( قاعدة نوال تفطر هيا و ندى طلعت اكرام من الدار )
نوال : 👁👁
( منزلة راسها لوطة و ما تكلمتش و لا كلمة )
نوال : اكرام وين ماشية ،، اكرام  اكرام
ندى : خليها في حالها بالك عندها مشوار و توا تجي
نوال : خايفة عليها و الله
ندى : خيرها فيها حاجة تخوف
نوال : لا بس خايفة عليها مرات تدرخ تاني و لا حاجة
ندى : اها
( طق الباب )
نوال : بالك داخت
ندى : اللطف
( ناضت نوال تجري )
( فتحت الباب )
نادر : السلام عليكم
نوال : و عليكم السلام يا ولدي تفضل تبي حاجة يا ولدي
نادر : اهني تسكن براءة احمد
نوال : ايه ان شاء الله خير
نادر : لالا خير ، بس نبيها في موضوع شغل
نوال : ايه حاضر ، تفضل يا ولدي
نادر : حنستناها اهني
( مشت بتنوض براءة )
( خشت للدار )
نوال : براءة براءة
براءة : نعم
نوال : في حد يبيك
براءة : مني
نوال : راجل باين عليه ولد ناس هكي
براءة : مني بالك راجلي
نوال : لالا قالي اسمه نادر
براءة : نادر من نادر
( طلعت بلبيجامة)
براءة : وينه . 👁👁 ( لما شافاته ) مني هذا
نوال : ما تعرفيشي
براءة : لا
( قدمت من جهة الباب )
براءة : اهلا
نادر : اهلا استاذة براءة
براءة : تفضل خوي
نادر : باين عليك نسيتيني
براءة : ممكن
نادر : اني يلي امس الصبح انصدمت فيك و انتي طالعة من شركة كوارت
براءة : اها اسفة اتذكرت بس الحق ما ركزتش في الشكل بسبب الدموع
نادر : اني جاي و نبي نهدرز عليك
براءة : تفضل نسمع
نوال : دخلي الراجل يا براءة مش علباب
براءة : ايه تفضل
( دخلته )
( و حسيت ان الشخص يشوفلي بطريقة غريبة و مبتسم)
براءة : تفضل نسمع فيك
نادر : اني نادر الجريدي صاحب الشركة و هذه ورقة تعيينك
براءة : اولا شكرا انك جيت لحد عندي بس اني الحق محيت الفكرة من راسي و بدات اني سمعت كلام ضيع كرامتي
نادر : انتي كرامتك محفوضة يا استاذة براءة و اني بنخدمك و نتمني منك تعطي لنفسك فرصة تجربي و ان شاء الله مش حتشوفي شي ما يعجبكش
براءة : 🥺
( الحقيقة فرحت من داخلي هلبا و السبب كان اني نقدر نوفر حياة كريمة لنفسي )
براءة : ان شاء الله حنفكر استاذ نبيل
نادر : نادر اسمي نادر و نتمني اني نشوفك في الشركة
( و تلفت )
براءة : استاذ نادر
نادر : نعم
براءة : شكرا
نادر : 😍 العفوا
( طلع و سكرت وراه الباب )
نوال : من الاخ
براءة : تعييننت تعيينتتت 🥺
نوال : مبروك مبروك
ندى : مبروك براءة حبيبتي
براءة : انتم وين طالعين
نوال : بنجيبوا حاجات للحوش تمشي معانا
براءة : لالا توكلوا
نوال : باهي ، بسلامة
( طلعت نوال و ندى )
.
( وصلت اكرام للصالون )
( و خشت )
( قعدت تشوف لكل يلي في القسم و كانها مدنبة )
ابتهال  ( صاحبة الصالون ) : كرومة
اكرام : اهلين
ابتهال : وينك امس للعلم خصمت منك
اكرام : تعبانة شوي
( نضراتها كانت كلها احتقار )
اكرام : استاذة نهى ممكن نبيك شوي
ابتهال  : اذا علي موضوع الليلة خلاص علي نفسي انتهي
اكرام : ايه عارفة انتهي بس كنت نبي منك طلب
ابتهال  : اوكي استنيني في المكتب
( مشيت للمكتب )
( حاسة جسمي تعبان و الدنيا كلها نشوف فيها سودة
تعبت من الحياة اقسم بالله )
( خشت )
ابتهال  : لالا يا كرومة وجهك مش عاجبني
تفضلي نسمع فيك
اكرام : ليش
ابتهال  : شني
اكرام : ليش
ابتهال  : بدت الدموع و الصعبانيات الزايدة حبيبي اول مرة هكي و بعدين تتعودي
اكرام : جاوبيني ليش اني
ابتهال  : سوال وجيه ، لن يلي طلبني طلبك بلاسم
اكرام : باهي ليش ما خديتيش رائي
ابتهال  : حبيبتي كرومة اني عارفة انك هاربة من امك و عايشة عند وحدة في عمارات قبيل فا عادي مشي عيشي حياتك و اني نعرف مصلحتك و الحاجة هادي فلوسها حلوة
اكرام : بس اني مش زيك اني ما نرضاش
ابتهال : اها بديتي تغلطي هلبا ، اطلعي برا و شوفي شغلك المرة هاذي حندير روحي مش سامعة بس المرة الجاية حنلوحك في الشارع و نخليك تمشي للشغل يلي مش راضية عليه برجليك
اكرام : 🥺
ابتهال  : اطللللعععيي
اكرام : قبل ما نطلع حابة نعطيك الفلوس هاذم لقيتهم في شنطي و ما نبيهمش
ابتهال : احسن ، ناس ما تعرفش النعمة ، اطللللععععييي
اكرام : 👿
( طلعت اكرام من المكتب و رجعت لشغلها و الدموع في عينها )
.
( وعد و سناء )
( مقعمزين في استعلامات البريد )
( رن تليفون )
وعد : مني
سناء : حسين 😐
وعد : ردي
سناء : حي عليا شن الحل
وعد : تي ردي
( ردت )
سناء : االو حسين
حسين : الو سناء زي ما اتفقنا اليوم تمام
سناء : 😐تمام
حسين : زيدي ذكريني الشقة اي دور
سناء : ال ال ال الرابع
حسين : خيرك حبيبتي في شي
سناء : لالا حبيبي من الفرحة متوترة و الله
حسين : تمام 😊
..
( ليلي )
( وصلني لوزارة الصحة و شفت اوراقي و بعدين رفعني لطريق الشط و بدينا نهدرزوا )
ليلي : و هاذي كل قصتي
محمد : انتي شفتي حاجات رجالة ما شافوهاش
ليلي : ما اتبالغش
محمد : لالا حق نكلم فيك
ليلي : باهي و انت
محمد : واني شني
ليلي : احكيلي علي نفسك
محمد : شن تبي تعرفي بزبط
ليلي : اي حاجة
محمد : لالا حياتي ابسط منك بهلبا اني عشت و قريت و تخرجت و بنيت حياتي زي اي انسان عادي
ليلي : 😅 ما فيش جديد
محمد : لا نفس اي انسان بس الفرق اني مش لاقي السعادة الحقيقية بكل
ليلي : كيف يعني
محمد : يعني حياتي كانها من غير ملح مافيش شخص يبادرك الاحساس يحس بنجاحك ، يسمعك همومك ، يلم جروحك
ليلي : اها قصدك حب
محمد : مش المعني الرئيسي حب ممكن تكون صداقة بس لو كان حب يكون افضل و افضل
ليلي : ان شاء الله يكتبلك يلي تتمناه
محمد : كيف كانت المقابلة الاولي مع زوجك
ليلي : تبي الحق . مش عارفة كانها مش مقابلة بعد 3 سنين ، الباين ان النفوس تتغير حتي مع مرور الزمن ، محمد اني تأخرت
محمد : بتروحي
ليلي : ياريت
محمد : ايه حاضر
ليلي : الباين ان عجبك تهدريزي
محمد : هلبا 😅
ليلي : 😅
.
( نوال و ندى )
نوال : رزان عليك الكياس
ندى : لالا كويسات
نوال : استني نخش المحل هذا شوي خليك اهني مع البورزات
ندى : تمام
شخص : 👁👁
ندى : 😳🤭
ندى : ( شافت صاحب خوها بدت تطق بأيدها علي مرش المحل )
( مشي الشخص )
نوال : خيرك خيرك
ندى : هيا نوال اوخيتي بسرعة شفت صاحب خوي بسرعة اوخيتي
( خافت نوال و طلعوا يجروا من المحل و كان المحل قريب من الشقة خشوا الشقة و هيا تشبح يمين يسار )
.
الشخص : الو ياسين
ياسين : ها شني
الشخص : عرفت مكانها في المدينة
ياسين : وين
الشخص : عمارات قبيل ، عمارة 10
ياسين : 🔥
.
وصلت لبحدا الحوش و نزلت
ليلي : شكرا تعبتك معاي اليوم
محمد : مافيش تعب ابدا نتمني يكون فيه مرة جاية
ليلي : اكيد ، تصبح علي الف خير
محمد : وانتي من اهله
( نزلت و شفت شوفت احتقار للهادي و ركبت )
( وصلت للشقة و خشيت )
ليلي : السلام عليكم
نوال : و عليكم السلام
ليلي : خيركم
نوال : ندى شافها الولد الاحرف هذا مرة تانية بس المرة هاذي بحدا الشقة
ليلي : تمشي ترفع علي خوتها قضية الدولة فيها قانون
نوال : مش عارفة شن ندير
ليلي : بعدين مش قلتوا تنزل بلنقاب شن صار
نوال : يا وخيتي قداش منا نسينا
ليلي : خلاص خلاص غيروا الموضوع وينها هيا
نوال : في الدار
ليلي : كيف حالك براءة
براءة : الحمد الله
ليلي : الحمد الله
ليلي : خلي نمشي نشوفها
.
( وصلت لدارها و خشيت لقيتها تبكي و خايفة )
ليلي : ندى حبيبتي
ندى: ( بدت تمسح في دموعها ) تفضلي ليلي
ليلي : خيرك حبيبتي
ندى : ما خيرني شي
ليلي. دموعك محبوسة في عيونك ندى
ندى : لالا ما فيا شي
( و كانت تضحك رغم دموع عيونها )
ليلي : ( شدت يدها ) ما اتخافيش مش رح يصيرلك شي لا انتي و لا البيبي )
ندى : اني مش خايفة عليا لا اني خايفة علي هذا يلي في بطني ( و بدت تبكي ) اني حاسة اني بنموت ، حاسة ان نهايتي قربت ، مرات نموت و اني راقدة بس حنموت و احساسي ما يخيبش
ليلي : ما اتقوليش هكي اتعودي من الشيطان
ندى : ليلي كان متت ولدي شن رح يصيرله
ليلي : مش رح تموتي افهمي
ندى : لو متت
ليلي : مش حتموتي
ندى : جاوبي عليا الله يخليك
ليلي : حناخده و نربيه مع بنتي نور
( اضبتني و بدت تبكي )
ندى : اوعديني اوعديني
ليلي : ندى خيرك حبيبتي رح تربي ولدك انتي
ندى : اوخيتي اوعديني
ليلي : نوعدك
ندى : ( ضحكت 😍 )
ليلي : 🥺
( رجعت اضبطها ).......( واجعتني ندى هلبا )
.
( فتح باب الشقة )
وعد : السلام عليكم
نوال : وعليكم
سناء : حسين جاي
نوال : اليوم
سناء : ايه
براءة : من حسين
نوال : حبيبها شن نسيتي
براءة : اها صح
سناء : مش عارفة شن ندير
نوال : مرحبتين بيهم هيا نوضوا غيروا دبشكم و ساوو الحوش بسرعة
يا ليلي
ليلي : هااا
نوال : تعالي جايينا ضيوف
.
( اكرام )
واقفة شادة الششوار و تششور في شعر الزبونة في لحظة تلفتت شافت يلي شدها في الحوش قدامها
اكرام : 🤭😳
( قلبي حسيته طاح في بطني خايفة متوترة نشوفله و خاطري نقتله )
( قعد يشوفلي و نشوفله مش عارفة شن خلي دموعي تنزل و اني نشوفله )
ابتهال  : اهلا اهلا اهلا حاجتك عندي
يا رويدة تعالي
( خدي البنت و طلع )
( شافتلي ابتهال )
ابتهال : شوفي الناس يلي تعرف كيف تعيش ، اشتغلي
اكرام : 🥺
.
( الولد في السيارة هو و البنت )
الشخص : نبي نسالك البنت هادي يلي تشوفلك شن اسمها
رويدة : اكرام اسمها خيرها
الشخص : باين عليها كويسة
رويدة : 😂 كويسة هادي انت سهرت معاها المرة يلي فاتت
الشخص : ما خلتنيش ندير شي الباين انها محترمة
رويدة : شن قصدك اني مش محترمة
الشخص : انقولك حاجة انزلي انزلي
رويدة : 😳 شني
الشخص : انزلي
رويدة : و بتخليني اهني بروحي
الشخص : توا يجي حد ياخذك ما اتخافيش مش رح تروحي غير ،،،،،،،،
رويدة : 🤭😳
.
( في الشقة )
نوال : براءة ساوي الطاولة بسرعة
( قعدنا حايسين في الشقة ساويناها و لبسنا و كنا فرحانين )
ليلي : يا جماعة وين اكرام
نوال : توا نكلمها
( فتح الباب )
اكرام : السلام عليكم
نوال : عمرك 100 سنة كيف ادكرناك
اكرام : ان شاء الله خير خيركم لابسين
ليلي : ام حبيب سناء جاية للحوش
اكرام : مبروك حبيبتي
ليلي : تعالي البسي بسرعة
.
( بعد ساعة )
حسين : هاذي الشقة الدور الرابع
امه : تي باهي و انت قريب تضربنا
حسين : خيرك يام
امه : اسمع نكلمك طول تعالا
حسين : تمام ،
امه : هيا انزلي انتي
اخته : هيا خلي نشوفوا ست الحسن
.
ليلي : عطلوا هاذم
نوال : لالا الوقت هذا وقت الزيارة اسمعي شفتي الرز
ليلي : كل شي تمام
براءة : وحتي السلاطة واتية
ندى : و القهوة واتية
سناء : بارك الله فيكم تعبتكم
ليلي : عيب انتي اختنا
( طق الباب )
سناء : ( قلبي كان يدق بشكل مش طبيعي )
( ناضت ليلي و فتحت الباب )
( بدي فيها السلام و البوس و الاحضان )
نوال : تفضلوا تفضلوا انستوا و شرفتوا
امه : مأنس بيك
ليلي : شن اسمك حبيبتي
اخته : نور
ليلي : حي علي اسم بنتي
اخته : ربي يخليهالك
( ناضت ندى و اكرام بيجيبوا  القهوة )
امه : انتي مش امها صح
نوال : صح
امه : عمتها او خالتها
نوال : لا هذا و لا هذا
امه : هاذم خواتها
نوال : لا
امه : 😳 امانا شني
نوال : حنفهمك
سناء : 👁👁 ( معش قادرة نشوف عيوني سودوا معش قادة نسمع )
نوال : اني سناء ساكنة عندي
امه : ما فهمتش
اخته : كيف يعني ساكنة عندك
نوال : هذا بنسيون
امه : اه حي
اخته : 🤭
الكل : 😳🔥
سناء : 🥺 ..........يتبع
هذه حلقة اليوم،، احداتها معبية و يلي ركز في الحلقة عرف ان انكشفت في الحلقة هلبا مسارات و منها علاقة ليلي بزوجها و محمد / ندى و خوها / براءة و رئيس الشركة / اكرام و المغتصب / سناء و حسين / و وعد و سند / و الهادي و بنته
مزال الاحدات في بداياتها و التشويق حيستمر
طبعا مستغربين اني ولد و كاتب القصة بكل تفاصليها لا عادي لانها لما انحكتلي شديت شوية كلمات
.
رايكم و تعليقات طويلة و ارجوكم  التفاعل لان هذا سبب احباطي ،
.
رايكم و تصبحوا علي الف الف الف خير ❤️