هكذا تغيرت أقدارنا ( روايات ليبية )

حلقة 3🔥

هكذا تغيرت أقدارنا . حلقة 3🔥
للكاتب : احمد عبدالله
.
( حلقة 3 )
.
( براءة و ليلي )
براءة : لينا ساعة توا مقعمزين
ليلي : هلبا تاخرت من لما خشت معش طلعت
براءة : بالك مش موجود
ليلي : ( نضت نجري و فتحت الباب )
و شفت 🤭🥺
براءة : 😱
......
( ندى )
خشيت المصرف
ندى : لو سمحتي جاني تحويل لحسابي من الحساب هذا و نبي نسحبه
البنت : تفضلي قعمزي
ندى : تفلتت و شفت صاحب خوي
البنت : تفضلي قعمزي
ندى : ممكن تسقديني بسرعة اوخيتي نحس في روحي بنجيب خلاص
البنت : ايه حاضر حاضر
ندى : درقت وجهي و نشوف فيه طلع تليفون و يتصل
البنت : وقعي اهني
( وقعت بسرعة و خديت الشيك و طلعت و اني طالعة طلع وراي )
( قعدت نمشي و نشوف وراي و هو يلحق فيا و يشوفلي و شاد التليفون و اني خايفة و نجري جري )
.
( ليلي و براءة )ً
ليلي : واللهي ما تتحشمي اقسم بالله
السكرتيرة : هو قالي قوليلها اني مهناش و طلع من الباب الخلفي
ليلي : ليش ليش شن حسابني جاية بنقتله ليش حرام عليه قوليله جاية تبيك في كلمة وحدة لا اكتر ولا اقل و هذا رقمي لما يجي الاخ وريهوله و خليه يكلمني
براءة : حقيرة
( طلعنا من العيادة )
ليلي : مش عارفة ليش هرب اني
براءة : حقير
ليلي : قصدي ليش الهروب من شن خايف و بديت نبكي  
براءة : خلاص توا نرجعوله ، هيا نروحوا
ليلي : نبي بنتي ما نبي شي اني
براءة : خلاص براءة هيا نروحوا
ليلي : لالا بناخد تاكسي بنمشي للمشير تمشي معاي
براءة : شن بديري غادي
ليلي : عندي شوية دهب بنبيعهم
براءة : هيا
ليلي : تاكسي تاكسي
التاكسي : تفضلي
ليلي : خوي نبي المشير
التاكسي : زوز جني و نص
ليلي : يح بيني التاكسيات غليت ، هيا اركبي
..........
( ندى )
( نتلفت و نشوف وراي و خايفة و قلبي في بطني ومعش عارفة شن ندير و بطني توجع فيا معش قادرة )
( شفت باب متع خياطة مفتوح خشيت )
ندى : ( بتعب ) اااه اااه السلام عليكم
الخياطة : تفضلي قعمزي ان شاء الله لاباس
ندى : حامل و تعبانة اااااااااااه
الخياطة : طلق هذا
ندى : لالا ااااااه مش طلق هذا تعب بس بطني خلاص ااااااه ، ممكن طاسة امية
الخياطة : حاضر
ندى : نشوف من مرش الخياطة كيف يدور عليا و خايفة هلبا
الخياطة : تفضلي بنتي المية
ندى : طلعت التليفون و اتصلت بنوال
الو الو نوال
نوال : نعم ندى خيرك
ندى : ( بصوت واطي ) صاحب خوي شافني يا نوال
نوال : روحي روحي بسرعة
ندى : توا تدرقت في الخياطة ومعش عارفة نطلع
نوال : خليك توا نكلم وحدة من البنات تجيك
ندى : بسرعة اوخيتي
..........
( وعد و سناء )
وعد و سناء مقعمزين كل وحدة علي الاستعلامات متحها و البريد كله زحمة الناس
سناء : احكيلي من سند هذا
وعد : تفضل هذا الدفع متعك
سناء : نكلم فيك
وعد : تشبحي فيا نسقد في الناس شني
سناء : شن بينك و بين سند
وعد : واحد جارنا في العمارة و تعرف عليا
سناء : وتحبيه
وعد : يعطك جدرى هاذي تاني مرة نشوفه
سناء : اها نحسابك
وعد : بس قنين
سناء : يح بيني يح
وعد : اهو جي خطيبك
سناء : وينه ، حي مش مدايرة اي حاجة
حسين : صباح الخير
سناء : صباح النور
حسين :كيف حالك
سناء : الحمد الله
حسين : تفضلي هذا ورد
سناء :ورد
حسين : ايه ورد
سناء : شكرا
حسين : قرب موعد الجيان لكن لمن بنجي
سناء : جيب امك و تعالي لشقة نوال يلي قاعدة فيها
حسين : يصير خير ، غير قلت نطمن عليك ، ربي يعاونك
سناء : الله يسلمك
حسين :توا نكلمك بعدين
سناء : تمام
وعد : ايوا علي الورد
سناء : غير توا كمليلي تحبيه او لا
وعد : ما نعرفاش باش نحبه
سناء : يصير خير و خلاص
وعد : ( جتها رسالة علي التليفون )
سجلي رقمي بنكلمك فليل
وعد : 😍😂
سناء : خيرك تضحكي
وعد : و النبي سقدي الناس
سناء : حيوانة
.........
( اكرام )
اكرام : تبي نركب شعر او لا
الزبونة : ركبي بس من الخلف لان من القدام معبي
اكرام : حاضر
صاحبة المكان : اكرام
اكرام : هيا هيا هاني جاية
( جيت نجري )
صاحبة المكان :فيه زبونة نبيك تمشي ليها للحوش
اكرام : تمام
صاحبة المكان : تمام توا نكلمها و نقولك
اكرام : المهم امان ليا صح
صاحبة المكان : عيب كرومة انتي بنتي
..........
( ليلي و براءة في التاكسي )
ليلي : ماشاء الله هاذم الحياش الطوال شني مطاعم
التاكسي : ههههععععهههههه لا هاذم ناطحات سحاب
ليلي : اعدرنا بجهلنا
التاكسي : ههههههههههههه لالا عادي
ليلي : 😳
براءة : هاذم شني ليلي
التاكسي : ههههههههههه هاذم بضاعة قطار الانفاق
ليلي : سوال كان ليا
التاكسي : ههههههههههه لا لا عادي
براءة : اللطف
ليلي : لكن طرابلس تغيرت هلبا و حلوت
براءة : ايه و الله
التاكسي : ههههههه هذا مشروع ليبيا الجديدة
ليلي : بشكلك انت مش رح تولي جديدة
التاكسي : تقولي حاجة
ليلي : لالا سلامتك
التاكسي : ههههههههههههههه ، ههههههههههههههه
ليلي : اللطف ياربي
( كلمتني نوال كان تليفوني صامت و براءة مش معاها )
.
نوال : مافيش وحدة ترد بكل
( لبست و خديت تاكسي و طلعت لندى )
.
( ليلي و براءة )
نزلنا في المشير و خشيت السوق متع الذهب
( خشينا المحل )
ليلي : السلام عليكم
صاحب المحل : و عليكم السلام تفضلي اختي
ليلي : اني جاية بنبيع حدايد
صاحب المحل : ترا وينهم
ليلي : هذا و هذا
صاحب : و باقي
ليلي : لالا
صاحب المحل : تمام بنحسبهم ب.....
ليلي : تمام ، حقا هو الدولار بكم
صاحب المحل : بجني و ربع
ليلي : تمام
( بعت الحديتين و طلعت )
ليلي : تعالي نبي ناخد دبش و بعدها بنرفعك لمفاجاء
براءة : تمام
ليلي : هدرزيلي علي روحك حقا شن تخدمي
براءة : ما نخدمش
ليلي : وكيف تصرفي
براءة : عندي مبلغ كبير شوي ملقطاته و كل مرة نطلع منه لين نلقاء خدمة
ليلي : تعالي نخشو المحل هذا
( خشينا المحل )
( عجبوني حاجات و شريت ليا و لي براءة )
ليلي : توا تعالي نرفعك للمفاجاء
براءة : يلي هيا
ليلي : مطعم مفروم لكن مفروم صح هيا هيا
........
( نوال و ندى )
( وصلت نوال تجري للمحل يلي فيه ندى )
ندى : نوال الحمد الله جيتي قلبي خلاص و الله
نوال : ما اتخافيش البسي الخيمار هذا و اطلعي
( لبست الخمار و طلعت و ركبنا في التاكسي )
.
( اكرام )
( كملت شغلي و مشيت لصاحبة المكان )
اكرام : اني كملت كنت نبي مكان المراة يلي بنمشيلها
صاحبة المكان : هذا مكانها
اكرام : تمام ، شن قتلك تبي ، ضوافر شعر مكياج
صاحبة المكان : ما تبي شي تبيك انتي بس
اكرام : 👁👁 شني
صاحبة المكان : لا قصدي هيا عندها كل شي . اها تمام
اكرام : بتعطل او لا
صاحبة المكان : توا نقوللها توصلك
اكرام : تمام
( طلعت و مشيت للمكان )
........
( وعد و سناء )
( طلعنا من البريد خذينا تاكسي و وصلنا للحوش لقينا ليلي و براءة كيف جاييين )
الهادي : ايوا ايوا
ليلي : العفوا انت علي مني
الهادي : غير هدي يا زبادي
ليلي : غير هدي انت مش باهي علي صحتك
الهادي : بري بري
ليلي : بري ، تي غير راك تسخن ادوخ
الكل الرجالة يلي معاه يضحكوا
( ركبنا )ً
ليلي : مني الشايب يلي مش متربي هذا
وعد : عيب يلي درتيه معاه
ليلي : و اللهي و مش عيب يلي قاله
سناء : مش هذا بو الولد يلي وصلنا الصبح
ليلي : اي ولد
وعد ؛ ايه هو بو سند
ليلي : من سند علي شن تحكوا
براءة : هيا توا نهدرزو في الشقة
( خشينا لقينا نوال تواسي في ندى و ندى تبكي )
ليلي : خيركم
براءة : ان شا الله خير
وعد و سناء : حبيبتي خيرك
نوال : صاحب خوها شافها و مش رح يخليها في حالها
ليلي : 🥺
الكل : 🤭
نوال : خلاص انسو مرة تانية تمشي بخمار و تروح بخمار
ليلي: هيا تعالوا نتغدوا جايبة مفروم يجننن
نوال : مدايرة بزلية
ليلي : خليها عشي
سناء : وين اكرام
نوال : اكيد عندها شغل توا تروح
.....
الهادي يهدرز علي رجالة العمارة
الهادي : بنات مش متربيات و مش عارفين اصلهم من فصلهم معانا في الشقة و وحدة حامل و احني عندنا ولاد و اللهي اني ماني راضي علي المهزلة
واحد من الرجالة : ومن يلي راضي
الهادي : خسارة عمارة الحاج لطفي تولي مهزلة للبنات يلي مش معروف اصلهم
( خلي نخش للمحل و نجيكم )
( خش للمحل )
سند: علي من تتكلم بوي
الهادي : علي البنات يلي في عمارة نوال
سند : لالا محترمات هلبا
الهادي : سكر فم امك سكر ، بالك تكلم في وحدة فيهم
سند: اني لا
الهادي : تي غير قول عطوك وجه او لا
سند : اقسم بالله محترمات
الهادي : قتلك سكر فمك
.........
( اكرام )
وصلت للحوش يلي عطتني عنوانه صاحبة الصالون و طقيت
( فتح الباب شاب في عمري )
اكرام : السلام عليكم اني من طرف ابتهال جاية لمدام نهى
الشاب : خشي خشي
اكرام : ممكن تناديها
الشاب : غير خشي
اكرام : لا لا
الشاب : تي خشي
.........
( عند البنات )
نوال : يا ليلي جيبي تليفوني خلي نكلم اكرام عطلت هلبا
ليلي : بالك عندها شغل
نوال : ايه اوكي بس مش لدرجة هادي
ليلي : تفضلي
( قعدت تحاول تتصل )
و بعد وقت تلفتت
نوال : يا بنات
الكل : ها
نوال : اكرام تليفونها مقفل ،،،،،،،.....يتبع
رايكم في الحلقة و الاحدات مزال رح تبدا و مزال الكوارت ما جتش ، المهم تفاعلوا ❤️
تصبحوا علي الف الف خير