هكذا تغيرت أقدارنا ( روايات ليبية )

حلقة 6🔥

رواية #هكذا_تغيرت_أقدارنا حلقة 6🔥
للكاتب : أحمد عبدالله
( التفاعل و رايكم في الحلقة و الاحدات ، 🔥 )
.
( طق الباب )
سناء : ( قلبي كان يدق بشكل مش طبيعي )
( ناضت ليلي و فتحت الباب )
( بدي فيها السلام و البوس و الاحضان )
نوال : تفضلوا تفضلوا انستوا و شرفتوا
امه : مأنس بيك
ليلي : شن اسمك حبيبتي
اخته : نور
ليلي : حي علي اسم بنتي
اخته : ربي يخليهالك
( ناضت ندى و اكرام بيجيبوا القهوة )
امه : انتي مش امها صح
نوال : صح
امه : عمتها او خالتها
نوال : لا هذا و لا هذا
امه : هاذم خواتها
نوال : لا
امه : 😳 امانا شني
نوال : حنفهمك
سناء : 👁👁 ( معش قادرة نشوف عيوني سودوا معش قادة نسمع )
نوال : اني سناء ساكنة عندي
امه : ما فهمتش
اخته : كيف يعني ساكنة عندك
نوال : هذا بنسيون
امه : اه حي
اخته : 🤭
الكل : 😳🔥
سناء : 🥺
ليلي : خيرك عمتي في شي
نوال : هيا الحق قصة طويلة
امه : لا لا استني اني نبي نفهم هيا ليش ساكنة في بنسيون مش فاهمة
اخته : انتي يتيمة
سناء : 🥺
اخته : تكلمي خيرك ساكتة
نوال : يا حبيبتي حنفمك
امه : اني توا نبي نعرف اهلها وين
سناء : 🥺
نوال : اعطيني مجال نتكلم ، هيا فيه مشاكل مع امها
اخته : 🤭
سناء :🥺💔
امه : شني
نوال : ايه مشاكل بينها و بين امها خلتها تطلع و تجي عندي تأجر دار و تخدم علي حالها
امه : ربي يعاونها ، نوضي نوضي
نوال : خيرك يا حاجة
ليلي : 🤭
اكرام : 🥺
( ناضت سناء للدار تجري و ام حسين و اخته كانوا زي يلي مش عاجبهم و معصبين و طلعوا )
ليلي : 🥺 يا ناري علي سناء
اكرام : كسرت بخاطرها
نوال : خلاص اسكتوا هيا وينها
ليلي : في الدار
نوال : خليكم اهني
( مشت نوال للدار و قعدت تطق فتحت سناء )
.

حسين : خيركم ما عطلتوش
امه : اركبي اركبي
اخته : حالة
حسين : انكلم فيكم خيركم
امه : جايبني عند وحدة مأجرة في شقة
حسين : 😨و شن درتي
اخته : ما درنا شي
حسين :المفروض فهمتكم من الاول
امه : قصدك كنت عارف
اخته : رجالة اخر زمن
حسين : انتم مش فاهمين
.

نوال : سناء حبيبتي ما تزعليش
سناء : من قالك اني زعلانة
نوال : الله يكسر بخاطرها
سناء : لالا عادي ، اني لو مكانها كنت قلت الكلام هذا و اكتر
( عيونها كانت معبية دموع )
سناء : من يلي يرضي يزوج ولده وحدة امها متبرية منها و عايشة في شقة و تصرف علي روحها مني
( بدت دموعها تنزل )
سناء : اني يلي نبي يعرفوه اني مش بأيدي تكون هكي امي و عيلتي و حياتي اني لو بأيدي ما كنتش وصلت للمكان هذا ،
نوال : 🥺 خلاص ما تقطعيش قلبي
سناء : سلامة قلبك اني بس كان حلمي نبني حياة عمري ما شفتها ، حلمي نكون ام حلمي يكون ليا سند و ضهر في الحياة هاذي
( جو البنات بحدا الباب كلهم لما سمعوا كلام سناء و بدو يبكوا )
سناء : اني خايفة نموت اهني و ما حدش يعطيني فرصة للحياة ، اني مليت مليت
ندى : ( كلام سناء خش في ودن ندى زي الموس لانها نفس الحالة لا سند و لا ضهر
ندى : 🤭🥺😭 ااااااااااااااااااااه
سناء : 😨
ليلي : ندى خيرك
ندى : اااااااه
نوال : خيرك اللطف
ندى : معش قادرة بطني ااااااااه
ليلي : اي شهر
نوال : الاخير تقريبا
ندى : ااااااااااااااااااااااه
نوال : بتجيب بتجيب كلمي اسعاف
ليلي : اسعاف شني تره
حي الطلق في اخره
نوال : 🤭 اه ، كيف الحل
ليلي : دخلوها الدار بسرعة
ندى : اااااااااااااااااه
.
( دخلنا ندى الدار و عياطها كان مالي الشقة كلها )
ليلي : هيا عاد شدي حيلك لينا ساعة توا
نوال : بالك ما عرفتيش تجيبها
ليلي : اني دكتورة يا نوال ، هيا يلي مش قادرة تقاوم
ندى : ااااااااااااااااااااااااااه مش قادرة يا ليلي
ليلي : تقدري
نوال : 😨 ضربي فيها
ليلي : نسهل عليها
ندى : ااااااااااااااااااااااااااااااااااااه
( طلع صوت البيبي و بدي يعيط في الدار )
البنات : جابت جابت
ليلي : 😍 مبروك بنت زي القمر
ندى : 😭🥺
ليلي : هاتوا المقص
اكرام : 😍 بيبي
براءة : 😂🤩 حي مبروك
سناء : مبروك ندى
وعد : ممكن نشده
نوال : هاتيه نشدها اني ، حمد الله علي سلامتك ندى
ندى : 🥺
نوال : خيرك تبكي ندى حبيبتي
ندى : من الفرحة
ليلي : تتربى في عزك ،
ندى : سلمك
نوال : كلمي بوها خلي يعرف
ندى : ان شاء الله
وعد : شن بتسميها
ندى : بنسميها نوال
وعد : شني
نوال : 🤭😍
ندى : ايه نوال
ليلي : ان شاء الله تشوفيها عروسة نوال العسل
نوال : الكبيرة او الصغيرة
الكل : 😂 الزوز
( غسلنا البيبي الصغيرة و غطيناه و حطيناه بحدا امه و طلعنا )
.
ليلي : سناء حبيبتي ما تزعليش بالله عليك
سناء : خلاص كأن ما صار شي
( اضبتها )
ليلي : كان يحبك رح يرجع ما اتخافيش
سناء : 👁👁💔
.
🔥 يوم جديد 🔥
ليلي : صباح الخير
نوال : صباح النور
ليلي : وين ام نوال
نوال : في الحمام
ليلي : تمام
نوال : شن تبيها
ليلي : طبعا نمشي نسجل البنت في البلدية و نعدل السرة متعها
ندى : صباح الخير
ليلي : صباح النور ، نستني فيك
ندىً: ان شاء الله خير
ليلي : بنمشي نسجل البنت ، عندك اوراقك
ندى : ايه عندي
ليلي : تمام جيبهملي
ندى : شوي
( خشت تغير )
نوال : شفتي سناء امس
ليلي : تسخف اقسم بالله
نوال : معش عرفت شن ندير اليل كله ما جانيش نوم
ليلي : تعرفي سخفتني اقسم بالله
نوال : ان شاء الله خير و خلاص
براءة : صباح الخير
ليلي : اشيه اشيه شن هذا
براءة : اليوم اول يوم عمل ليا و خايفة
ليلي : لالا ان شاء الله خير يارب
نوال : ربي معاك
براءة : انتي طالعة ليلي
ليلي : طالعة بنسجل نونو الصغيرة
براءة : تمام نطلعوا مع بعض
ندى : هادي الاوراق و البيبي
ليلي : هيا
براءة : بسلامة نوال
نوال : بسلامة ، تعالي ندى ارتاحي انتي تعبانة
.
( نزلنا من الشقة و في ايدي البيبي )
ليلي : مش هاذي سيارة ايوب راجلي
براءة: شن يدير اهني
ايوب : ليلي ليلي
ليلي : ايوب
ايوب : كنت نبيك في موضوع
براءة : تمام باي ليلي اني بناخد تاكسي من اول الشارع
ليلي : باي
( ركبت مع ايوب في السيارة )
.
وعد و سناء : صباح الخير
نوال : صباح الورد ، كيف حالك اليوم سناء
سناء : باهي الحمد الله
نوال : الحمد الله ، تعالوا افطروا
وعد : لالا مستعجلين هلبا
نوال :ربي يعاونكم
( فتحنا باب الشقة و نزلنا و احني نازلين لقينا اخت سند )
وعد : صباح الخير
ريان : 😒
سناء :هذا خيرها
وعد : فوتيها
( طلعنا من العمارة )
وعد : 🥺😍
سناء ؛ خيرك وقفتي
وعد : مش هاذي سيارة سند
سناء : وبه
وعد : ريحته في الشارع كله اقسم بالله
ريان : احم
وعد و سناء : 🤭
( بعدتنا من علي السيارة و ركبت و شدت التليفون و كلمت سند طلع سند من المحل )
سند : صباح الخير وعد
وعد : صباح النور ليك وحشة
سند : كيف حالك سناء
سناء : الحمد الله
ريان : هيا يلي ريحتك في الشارع كله
وعد : 👁👁
سند : ريان اختي
سناء : ايه عارفين ما شاء الله عليها حبوبة
ريان : هييياااااا
سند : نوصلكم
سناء : لالا شكرا جايني خطيبي
سند : تمام بسلامة
( ركب السيارة )
وعد : باين عليها سمعتني 🤭
سناء : 😂 اضحكي فيا و اني زعلانة هيا خلي تحصلوا افيكوا
.
( ليلي )
( ركبت مع ايوب في السيارة و معاي البيبي )
ايوب : استحشتك ليلي
ليلي : لا باين انك استحشتني هلبا
ايوب : خيرك ليلي
ليلي : خيرني خيرني
( بدت تبكي )ايوب اني و انت قصة حب كبيرة اني و انت واحد ، هكي تبيعني
ايوب : اني و الله ما بعتك و الله اني بس بعدت شوي
ليلي : اني عارفة كل شي و عارفة انك تهنت من جرتي و حصلت كلام من عملتي بس عارف اني مضلومة
( شد ايدي )
ليلي : 👁👁
ايوب : اني اليوم جاي نقولك حاجتين اول حاجة اني مزال يومين و بتروحي معاي و نرجعوا زي قبل و احلا و تاني حاجة اني نحبك
ليلي : ايوب تتوقع نرجع اني و ياك زي قبل
ايوب : طبعا اني نحبك يا ليلي
ليلي : تمام حنستناك يومين
ايوب : 😍
.
براءة : وصلت للشركة و كنت خايفة و في نفس الوقت متحمسة
براءة : السلام عليكم
السكرتيرة : و عليكم السلام
براءة : اني اليوم اول يوم عمل ليا
نادر : براءة براءة
براءة : 👁👁
نادر : تفضلي علي المكتب
( خشيت و اني نشوفله و مستغربة الابتسامات يلي يدير فيهم و خايفة منه )
براءة : اهلا بيك
نادر : انستي و شفتي و زي ما قتلك الشغل حيعجبك جدا
براءة : ان شاء الله
نادر : اياد اياد
( خش اياد )
براءة : 😳
اياد : اهلين انسة براءة
( شفت لنادر بخضة )
نادر : زي ما قتلك انسة براءة انسي كل شي
( نزل راسه اياد )
نادر : وصل انسة براءة علي مكتبها
( نضت من علي الكرسي و طلعت مع اياد )
اياد : انسة براءة نتمني منك تنسي اي شي سمعته عليا
براءة : ان شاء الله
اياد : ان شاء الله شني
براءة : ان شاء الله نقدر ننسي
اياد : 😳 بلع ريقه ، تفضلي هذا مكتبك
.
( اكرام )
ناضت اكرام و طلعت من الشقة و مشت للصالون
وصلت للصالون شافت نفس الولد متع هذاكا اليوم في باب الصالون
( مشت و عينها عليه و كيف بتخش للصالون )
شد ايدها
اكرام : نحي ايدك يا حيوان نحي ايدك من عليا
الولد : اهدي خيرك
اكرام : ( بكت تبكي ) نحي ايدك من عليا نحيييهههااا
ابتهال : شن الصوت هذا
🤭 استاذ عمر شن فيه ، اكرام اسكتي و خشي لخدمتك
احني اسفين استاذ عمر تفضل معاي
اكرام : 🥺🤭
بنات الصالون : خيرك خيرك
اكرام : ما خيرني شي
( ابتهال )
ابتهال : تفضل استاذ عمر خيرها معاك الحيوانة هاذي
عمر : لالا ما فيه شي
ابتهال : حقا استاذ عمر اني سمعت انك لزيت رويدة ليلة امس
عمر : اني يلي جاي نسأل مش انتي
ابتهال : 😨 تفضل
عمر : اني مش قتلك ان لما تجيبي واحدة ليا تكون برضاها
ابتهال : ايه
عمر : البنت هادي مغصوبة غصب
ابتهال : كذابة برضاها غير تبين انها شريفة
عمر : نبي نعرف كل شي علي البنت هاذي
ابتهال : 👁👁
.
اكرام : اني بنمشي للحمام
(خشيت للحمام نرعش ، غسلت وجهي )
رويدة : خيرك اكرام شن الجو يلي درتيه اهوا
اكرام : اي جو انتي شن تقصدي
رويدة: نقصد انك اديري في روحك خايفة و متحشمة و اني ماشية معاه ليلة كاملة
( شدت شعرها )
رويدة : 😨اه اه
اكرام : حسك عينك تقولي ليا و لو كلمة وحدة اني اشرف منك انتي و يلي يتشددلك
( و طلعت )
رويدة : و اللهي و اللهي و اللهي لما نحطك في راسي يا اكرام الق،،،،،،،
.
ابتهال : و هاذي قصتها اقسم بالله مش قتلك كذابة
عمر : قصدك هيا تشتغل في الشغل هذا
ابتهال : عايشة في حوش كله دعارة
عمر : تمام خلاص اني طالع
ابتهال : بسلامة استاذ عمر
( طلع من المحل و هو يشوف لاكرام و اكرام خايفة )
( خشت رويدة لابتهال تجري )
رويدة : خيره
ابتهال : باين عليه حبها بنت الكلب
رويدة: حبها😨
ابتهال : حبة بصر فيها لكن تلعب معاي رح تشوفي يا اكرام
رويدة : لالا خليها عليا اني فضيحتها بجلاجل
.
( براءة )
( اياد طول الوقت و هو يشوف لبراءة )
.
نادر : اسمعي جيبيلنا قهوة
السكرتيرة : حاضر 😨
( خش لمكتب براءة )
نادر : شن رايك في المكتب يا براءة
براءة : مش كبيرة عليا شوي
نادر: لالا تستاهليه
براءة : استاذ نادر ممكن نسألك سوال
نادر : تفضلي
براءة ؛ ممكن تعطيني مبرر واحد يخليك ادير معاي كل هذه الاشياء
نادر : شوفي يا براءة ، مرات تعيش مع ناس طول عمرك و في الاخير تكتشف انهم حيوانات و مرات تقابل شخص لحظة وحدة و تحسه كويس و ممكن يضيفلك في حياتك و اني الحقيقة كل يلي عاشرتهم تقريبا حيوانات فا قلت نغير الصنف و نشوف ناس قلوبها صافية
براءة : اووه كلامك حكم
نادر : 😂 لالا مش لدرجة هادي
براءة : 😂
.
اياد : لمن القهوة
السكرتيرة : لي المديرة التنفيذية للشركة براءة
اياد : المديرة التنفيذية
السكرتيرة : قريبا جدا
اياد : شن قصدك
السكرتيرة : قصدي انها للاسف حتاخد مكانك
اياد : 😨 ما كنتش حاسب حساب بنت عمه تكون معانا
السكرتيرة : بنت عمه 😒تضحك ، ما يعرفهاش بكل و اني يلي اعطيت ملفها ليه و كذب عليك
اياد : شني
السكرتيرة : زي ما سمعت مش بنت عمه وحدة حلوة و حبها و خلاص و الباين ان التبزنيس متعك رح يتم و تاخده الاخت الجديدة ، فا نصيحة لمدلك تفتوفة مليحة قبل الوداع
اياد : 😨
( و كيف بتمشي شد ايدها )
اياد : و شن الحل
السكرتيرة : 🙂 اممممم خليني نفكر بس ممكن نقولك فكرة مبدئية ، تشويه صورتها في عين نادر ممكن تخليك في الدائرة يلي انت فيها
اياد : اني في عرضك
السكرتيرة : 😂 خلاص يا غزال سخفتني حاضر حنخدمك بس يلي لمدته كله نبيه
اياد : 😨
السكرتيرة : باي خلي نرفع القهوة المديرة براءة
.
( وعد و سناء )
سناء : خيرك متوترة
وعد : لالا شي
سناء : خيرك
وعد : سند يستني فيا البرا
سناء : و شن جيبه
وعد : مش عارفة قالي نبيك في موضوع
سناء : وعد رد بالك حبيبتي
وعد : وين وين مشي دماغك كان يبيني في موضوع بس
سناء : تمام بري و اني نشد مكانك
وعد : لا لا توا نقوله روح
سناء : تي بري و راس بوك
وعد : صحيتي روحي ( بستها و طلعت )
سناء : 🥺 يا تري وينك يا حسين
.
وعد : سند سند
سند : 😍 تي وينك ليك وحشة
وعد : 😒انت يلي معش تبان
سند : كان عندي موضوع و كملته ، تعالي اركبي في السيارة
وعد : فكنا اختك تشم ريحتي تعصب
سند : 😂 ريان تي زبيكوا اختي
وعد : باين عليها من غير ما تقول
سند : اركبي اركبي
.
( ليلي )
بعد ما هدرزت مع ايوب نزلت في المستشفي العام عدلت سرة البنت و خشيت البلدية و سجلتها و رفضوا انهم يسجلوها لاني ما عنديش توكيل و لازم حد من العيلة
طبعا معش عرفت شن ندير و بعدين فكرت في محمد و كلمته و كلملي حد في البلدية و سجلها بأسمها الجديد ✨ نوال ✨ طلعت اني و البنوتة من البلدية و خديت تاكسي و روحت
.
( براءة )
براءة : ( الحقيقة اول يوم كان اكتشاف ليا و في البداية خفت من نادر لكن ارتحت ليه الحق ، و ان شاء الله خير في الايام الجاية )
نادر : براءة ان شاء الله اول يوم عجبك
براءة : عجبني هلبا شكرا ليك استاذ نادر
نادر : نوصلك
براءة : لالا شكرا
اياد : انوصلها اني
نادر : لالا توا نوصلها اني
براءة : 😳 شكرا ليكم الاتنين عندي صاحبتي جايتني
( طلعت من الشركة )
( خش نادر لمكتبه )
السكرتيرة : انت و صاحبك عار
اياد : خيرنا
السكرتيرة : تتعاركوا علي من يلي بيوصلها
اياد : ماهي نبي نعرف مكان حوشها
السكرتيرة : اني غبي و لا تستغبي ، مكان حوشها في ملف التقديم متعها ،
اياد : ايه صح
السكرتيرة : تسكن في المدينة عمارات قابيل ، و بعدين زي ما قتلك خلي الموضوع عليا
.
( سناء )
سناء : هاذي وينها عطلت هلبا خلي نكلمها ، الو وعد وينك
وعد : هاني مروحة استنيني ما تروحيش
سناء : هي نستني
وعد : سند اني عطلت هلبا روح بيا
سند : هيا هيا
( وصلت لسناء )
سند : امتي نشوفك تاني
وعد : انت خيرك معقد الامور تي بيني و بينك دور واحد في العمارة
سند : 😂 تمام باي
.
سناء : ساعتين
وعد : حي علي كلامه محلاه و تهدريزه
سناء : طيح سعدك هيا خلي نلحقوا علي افيكوا
.
( اكرام )
كملت شغلي و اني معصبة هلبا و خديت حاجتي و طلعت
و اني طالعة كنت نشوف يمين يسار و خايفة
حسيت فيه سيارة سودة وراي
تلفتت لقيته هوا
( بديت نجري بكل قوتي و خشيت الشارع و اني طالعة منه لقيته قدامي )
عمر ؛ انتي اكرام صح
اكرام : شن تبي مني حرام عليك شن تبي مني
عمر : اني بس نبي نقولك اني اسف
( مش عارفة شن اعطاني القوة في هديكا اللحظة و ضربته كف )
اكرام : اسف موقحك موقحك ،
و مشيت و خليته
عمر : 🥺🔥
( خديت تاكسي و روحت )
( عمر لحق التاكسي متع اكرام و عرفها وين تسكن )
.
( سند )
سند : هيا اركبي
ريان : ليا سنة نكلم فيك ، عيد الميلاد تم من بكري
سند : خديتي تاكسي
ريان : ليش ناخد تاكسي شن تحسابني زي بنات شقة نوال و بعدين شن ندير بيك
سند : بتركبي و لا لا
( ركبت )
( صنة السيارة كانت ريحة نسائية )
ريان : فيه ريحة نسائية
سند : هذا صاحبي باخ ريحة امه
ريان : و اللهي ، باخ ريحة امه صار ، مرة تانية نشوف روج علي خدك قولي صاحبي حاط روج و باسني
سند : بتسكتي و لا انزلك
ريان : حالة و خلاص 😂 صاحبك صار ،
( وصلوا للعمارة )
( نزل هوا و اخته و هيا خاشة لقت وعد و سناء )
سناء : السلام عليكم
ريان : و عليكم 😒
وعد : ( قعدت وعد تضحك لريان و ركبوا )
ريان : 👁👁 سند
( بصوت عالي ) سسسسسسنننننننددددد
سند : خيرك و شن الصوت العالي هذا
ريان : شن صاحبك كان مقعمز في دروج العمارة
سند : شني
ريان : شم صنة الدروج كلها ريحة صاحبك
سند : ااااااا
ريان : كانت معاك البنت الحيوانة يلي ركبت توا صح
سند : انتي شن تقولي
ريان : اسمع فكني من الجو اهوا ، و تدافع عليهم ، الله اعلم شن كنتوا الديروا في السيارة ، اذا انت ترضي تعيش في نفس العمارة مع وحدات ق،،،،ات فا اني ما نرضاش و كلامي مش معاك انت مع بوي
سند : 👁👁 ريان ريان
...
( في حوش عيلة ندى )
( خوها ياسين بعد ما عرف مكانها من صاحبه في طرابلس لم حوايجه و طالع )
ام ندى : ياسين وين ماشي يا ولدي
ياسين : عندي حساب لازم تصفيه
ام ندى : مع منو يا ولدي
ياسين : 👁👁
( طلع و خلاها )
ام ندى : ياسين ياسين ، يا مفتاح شوف ولدك
مفتاح ( بو ندى ) : خليه عنده حساب و لازم يصفيه يرتاح و يريحني
ام ندى : ما اتقولش ندى
( نزل راسه )
ام ندى : حرام عليكم خلوها عايشة في حالها
( مشي و خلاها حتي هو )
( بدت تدور في التليفون بتكلم ولدها و تعيط يا ياسين حرام عليك يا ياسين 😨 ................يتبع
كل بنت و حكايتها مزال فيها و الحق نوعدكم بتشويق في الطريق و حاجات هلبا جاية بس لازم توعدوني بتفاعل و ان شاء الله حنكون ملتزم كل يوم حلقة ،
تصبحوا علي الف خير ،
و رايكم طبعا ❤️