Tanglaw sa Dilim
Nanatiling tahimik ang buong paligid
Inaakalang walang tao sa silid
Punong-puno ito ng kadiliman
Kasama ang hikbi ng pusong naiwan
Nais lunurin ang sarili sa pumapatak na luha
Pinipilit ipikit nang tuluyan ang mga mata
Ihinihiling na mabura ang alaala
Mula sa punto na pinunan ang iba
Buong taon ang pusong ito'y naghihintay sayo
Sandigang balikat iyong masasandalan
Magsisilbing tenga sa bibig na nagkwekwento
Magiging tanglaw sa iyong tabi
Karaniwan mo mang makita ang bibig kong nakangiti
Sa totoo niyan, may damdamin din akong itinatago
Mula rito, dito na nagsimula
Ang pagkukulang sayo'y napuna
Maliliit na detalye ay alam sayo
Mga kwentong bata alam na alam ko
Luha, Tuwa at Galit
Teka wala namang mapilit
Sa lahat ng ito, mayroong tumatak sa aking isipan
Mga salitang iyong binitawan
"Ikaw ang nagsilbing liwanag sa aking kadiliman.
Tanglaw sa dilim na di ko akalaing makakawala kailanman"
At muli humikbi ang nagiisa
Muling hinihiling na makita ka
Nais lamang magkaroon ng kurba sa labi
Mga kurbang nagpapakita ng ngiti
Ang nag-iisa'y napakita na lamang sa kisame
Naghahanap ng tama sa lahat ng pagkakamali
Ninanais na ang ingay na maririnig
Isang taong lalapit at mananatili
Ang yabag ng paa ay nakakakaba
Ngunit sa paglapit ay yayakapin ka
Tahan na ang paghikbi
Bulong nito ng may kasama ng ngiti
Sa wakas ay nariyan na siya
Ang liwanag na pupunan nang nawala sakanya
Siya na nga ang tanglaw sa kanyang kalooban
Liwanag na hindi lamang hangang mitsa.
BINABASA MO ANG
Tugma Salita
PoetryMuli nating tunghayan ang iba't ibang tula na hango sa iba't ibang perpektibo. *Bawat nararamdaman, nakikita, naririnig ay magiging salitang may nais sabihin at iparating* Tandaan mo sa lahat ng ito Ang salita kong pangako.
