ريان : اخيرا يا كلاب افتكرتوا ان ليكم صاحب تسألوا عليه
تيم بهزار : ايه يا رينو بقي ما انت عارف المشاغل
ريان بعصبية : رينو ف عينك يا حيوان انت وهو يبنتي قلت ميه مره مبحبش الدلع ده
مالك بهزار : يا رينو متزعليش بقي
ريان : تصدقوا شكل العلقه بتاعة زمان وحشتكم فضلوا يهزروا مع بعض
ريان : انتوا مش ناويين تتلموا بقي
تيم : ليه يا خويا احنا مبعترين قدامك
مالك : لا لا لا قطع البنات وسيرتهم انا بصراحه متخيلش ان انا ممكن اقعد مع واحده ف البيت غير ماما وجني
ريان بسرحان : إسكتوا والنبي مشفتوش القمر ال شفتها النهارده
تيم : اوبااااا الواد وقع ف الحفره خلاص
مالك : لا لا استني اما نشوف حوار القمر ده قول يا عم الحبيب
ريان بإبتسامه : خبطتها وانا ماشي ودوست ع الكوتشي بتاعها وكانت رقيقه ف الاول ولما شافت الكوتشي بتاعها اتوسخ كان ناقص تلم عليا الشارع وتقول بيتحرشوا بيا
تيم ومالك بيضحكوا
تيم : والله جدعه
مالك : دي ال تنفع معاك اصلا
ريان : بطلوا بقي بتكلم بجد والله انا عايز اشوفها تاني
تيم : تشوفها ليه يعني
ريان : انت بقيت رخم ليه ياض انتا
مالك : طيب انت شفتها فين
ريان : كانت خارجه من الكليه بتاعتها
مالك : حلو اوي استناها كل يوم هو انا مش مصدق بجد اني بقولك الكلام ده بس خليك رومانسي بقي وسبلها وقولها كلام حلو حتحبك علي طول
ريان : ايه يبني انا لسه شايفها النهارده اكيد محبتهاش يعني انا عايز اتعرف عليها بس
مالك : عليا انا الكلام ده ياض
ريان : ايه يا عم تيم انت مش معانا ف الموضوع ليه
تيم بإنتباه : سوري يا شباب مشاكل ف الشغل بس
مالك : لسه موضوع البنت شاغل دماغك
تيم : اه
ريان : بنت مين
مالك : بنت قبضنا عليها ف اخر مهمه كانت ف مقر الاخوان
ريان : وكانت بتعمل ايه هناك
تيم : بنت واحد منهم
ريان : يا نهار ازرق
تيم : دي المشكله هي كل الاختيارات ال قدامها بتقول انها حتتأذي لو فضلت ف السجن ممكن يعذبوها عشان يعرفوا منها اي حاجه ولو سابوها تخرج حيراقبوها عشان يعرفوا مكان ابوها ودي حاجه انا متأكد منها اكيد لازم نقبض ع الباقي بس دي حتروح ف الرجلين
مالك بشك : وانت مهتم بيها ليه
تيم بكدب : عشان هي ملهاش ذنب
ريان : ايوا يعني ايه ال مخليك متأكد
تيم لانه مبيخبيش عن صحابه حاجه
تيم : مش عارف كلها علي بعضها بتقول انها مش معاهم كلامها شكلها نظره عينيها انا عمري ما فشلت اني اعرف ال قدامي بيكدب ولا لا انا حققت معاها تاني و مفيش اي شئ عارفاه
مالك : انت بتهزر صح اوعي يا تيم تحبها دي عمرها ما حتكون ليك دي بنت واحد منهم بنت واحد من ال قتلوا اهلك
تيم : انت مجنون ولا ايه حب ايه بس كل الموضوع اني مش عايزها تتظم عشان مشلش ذنبها
قعدوا مع بعض وقت طويل وبعدها كل واحد روح بيته
ريان : سلومه انا جيت
سالم : اهلا بالبغل
ريان : حبيبي والله يا حج متعبرش بس عن حبك اوي كده نتحسد ولا حاجه
سالم : بطل كلام انا عملت اكل النهارده تحفه
ريان بعتاب : ليه يا بابا بتتعب نفسك قولت ميه مره نجيب واحده تبقي مسئوله عن البيت
سالم : بس يا واد انت اتجننت ولا ايه عايزني اجيب واحده البيت بعد امك الله يرحمها دي روحها ممكن تطلع تخنقني
ريان : الله يرحمها بس تسلم ايدك يا سلومه الاكل فعلا تحفه احمم ميه بسرعه
سالم : يالا يا ابن الكلب انا غلطان اني عبرتك اصلا غور يالا مفيش اكل
ريان : طب انا مالي طيب
سالم : تقعد تاكل بإحترامك لسانك ده ميقولش كلمه متعجبنيش يا حيوان
ريان : قلب الحيوان والله يا حج انت مش ناوي تتجوز بقي
ريان : بفكر الصراحه
سالم بفرحه : بجد شكلك لقيت البنت ال عجباك مش كده
ريان بضحك : اهدي يا ُسلم مش كده انا في واحده شفتها بس عايز اتعرف عليها
مالك : جني خلي امك ترحمني ابوس ايدك
جني بضحك: علي فكره امك مفكره انك متجوز عشان مش راضي تتجوز😂
مالك : يا نهار اسود هي حصلت
جني : حتموت وتجوزك بنت خالك
مالك : لا انا اموت نفسي احسن
جني قامت تحضنه : حبيبي هي عايزه تفرح بيك بس
مالك : عارف يا روحي متقعديش ع الموبايل كتير عشان عنيكي وانا حعدي عليكي بكره اجيبك من الكليه
جني بفرحه : حبيب قلبي يا ناس
مالك : يالا انا حروح انام
جني : تصبح علي خير
مالك : وانت من اهله يا روحي
ف بيت تيم كالعاده ماسك موبايله وبيفكر : هو انا ممكن ابقي غلطان وممكن تبقي معاهم فعلا مش ممكن يكونوا زرعوها وسطنا عشان تنقلهم المعلومات انا بجد تعبت م التفكير فيها وف ال حيحصلها طب لو طلعت ملهاش ذنب وحيقتلوها ولما جه للنقطه دي حس بنغزه ف قلبه ميعرفش ايه السبب تيم بطل تفكير ونام سيبها لربنا
شهد : بت انتي انا مش طيقاكي
ياسمين بقهره : اسكتي بقي قرفتيني انا مش متخيله اني مجبتش النجمه انا مش فاهمه اساسا انا ازاي سبته كده عادي يمشي
شهد : انا لولا ان عندي قضيه و عايزه احلها كنت اديتك علقه فل
ياسمين : بت امشي بقي من قدامي
ف مكتب المحاماه ال شهد بتدرب فيه
..../ انا كلفتك بالقضيه دي عشان عارف انك ذكيه يا شهد وحتعرفي تتعاملي
شهد : متقلقش يا فندم حضرتك حطلع كل مجهودي ف القضية دي .
أنت تقرأ
بإسم الحب
Randomهو ظابط وهي ابنه اهم الاشخاص في جماعه الاخوان يشاء القدر ان يتقابلا ويقع كل منهم في حب الاخر
