مر شهر علي كل ابطالنا
تيم : جوري انتي فين
جويرية : ف المطبخ يا تيم
تيم : انتي بقالك ساعة بتعملي ايه
جويرية بضيق : سيبني ف حالي دلوقتي يا تيم لو سمحت
تيم : ايه بس مالك
جويرية بضيق : انت اتأخرت فين امبارح يا أستاذ
تيم : في ايه يا قلبي انتي كويسة
جويرية بعصبية : تيم متعصبنيش قولي كنت فين
تيم : كنت مع ريان ومالك وبعدها شفت شوية إجراءات عشان الشركة
جويرية : أيوة قولي بقي كنت بتخلص الاجراءات دي مع مين
تيم : في ايه يا جويرية انا مش فاهم حاجة ممكن تهدي وتفهميني
جويرية بغيظ : مين العرسه ال كانت بترن عليك الصبح دي وبتتمايص وهي بتكلمك
تيم : دي حتبقي السكرتيرة بتاعتي
جويرية : نهارك اسود انتي حتجيب سكرتيرة يا تيم
تيم : اومال اعمل ايه يعني
جويرية : البت المايصة دي حتبقي السكرتيرة بتاعتك علي جثتي يا تيم
تيم بمشاكسة : علي فكرة انتي لو شفتيها حتحبيها جدا دي عسل
جويرية جرت وراه : عسل اسود زيك بالظبط
قبضت علي عنقه بقوة
جويرية بشر : عارف يا تيم لو البت دي بقت سكرتيرتك انا حطلع روحك وروحها ف ايدي ولا اقولك مفيش شغل خالص وانا اقول اشمعنا فتح شركة سياحة طبعا عشان تصيع ماشي يا تيم انا بكرهك اساسا ودموعها نزلت
تيم بحيرة : جويرية اهدي بس يا روحي انا عملت ايه يضايقك انا مش فاهم
جويرية انهارت من العياط
تيم بقلق : جوري خلاص يا حبيبتي مش حتبقي سكرتيرتي حعملك كل ال انتي عايزاه بس فهميني مالك
اخدها ف حضنه
جويرية بحزن : حلمت انك بتخوني مع
تيم : نعم يختي
جويرية : اه والله
تيم : لا يا هانم مش عشان اتساهلت معاكي حتطلعي هرموناتك عليا
جويرية : انت مش عاجبك كمان طيب يا تيم انا حوريك الوش التاني وبرده البت دي مش حتشتغل معاك محدش حيشتغل معاك غيري
تيم : يا سلام عيوني
جويرية : حتعلمني ازاي اشتغل معاك وحنفضل طول اليوم مع بعض
تيم بحنية : ال انتي عايزاه حعمله هو انا اطول تبقي حبيبتي معايا طول الوقت انا كنت حعمل كده من غير ما تقولي بس كنت مستني لما تخلصي دراستك
جويرية بضيق : بقولك ايه متقلبهاش محن بقي قوم شوف حتعمل ايه عشان اروح اعمل كيكة
تيم بصدمة : محن ينهار اسود انتي عرفتي الكلمة دي منين
جويرية بتريقة : ملكش دعوة وروق الصالة دي خلي ليك لازمة ف حياتي
تيم : لا بت انتي لازم تتربي من اول وجديد
جويرية بضحك : لا لا لا خلاص يا تيمون والله اخر مره بهزر معاك ايه مبتهزرش
تيم : ايوة كده ناس مبتجيش غير بالتهزيق
جويرية : بقي ده جزاتي اني عاملالك الكيكة ال بتحبها
تيم : ربنا ما يحرمني من وجودك ف حياتي ابدا
جويرية ابتسمت : ولا منك يا عمري
ريان وياسمين كانوا ف الطريق عشان يشتروا فستان فرح
ريان بإنتصار : عشان تعرفي يا ماما قال تجيبي الفستان مع صحابك قال وانا ايه قفص جوافة متجوزاه
ياسمين : حنشوف يا حبيبي حنشوف
وصلوا المحل وياسمين جرت علي المحل
ريان : بلية خدي هنا مش كل شوية حدور عليكي
ياسمين دخلت لقت شهد وتقي مستنينها
ياسمين بفرحة : حبايب قلبي حبايب قلبي وحشتوني اوي فين حبيبه
تقي : بتجهز فستانها وحنتقابل بالليل يالا بس بسرعة عشان نلحق نشوف كل الموديلات
شهد : اه يالا بينا
ريان : استني عندك يا بت انتي وهي انتوا مفكرني محترم ولا ايه ده انا زبالة
تقي : يالا يا بابا من هنا ده وعد ما بينا متفكرش انك حتلغيه عايز تفضل تبقي مشاهد بس مفيش مانع
ياسمين بدراما : ال عاشت ملكه مش حتعيش وصيفة
ريان : ملكة ايه يا بلية يا بلية ده انتي مش واصلة لكتفي يا بت
تقي : حلو غلط وانا كنت مستنياه يغلط واشهدي بقي ع ال حيحصل انت بتغلط ف اختي وانا واقفة عادي كدة ليه يا بابا ملهاش اخوات ولا ايه
ياسمين بحزن : شفتي يا توتو بيغلط فيا ازاي
تقي : مش مهم حنفضاله بعدين يالا بس نشوف الفساتين
وفضلوا ينقوا مع بعض لحد ما وقفوا قدام فستان جميل جدا بس طويل جدا ومنفوش اوي ياسمين قاسته وخرجت
شهد :واو قمر عليكي يا قلبي بجد تحفه مخليكي كوين
تقي : ما شاء الله يا روحي بجد جميل بس لا مؤاخذة ف السؤال
ياسمين : لا مؤاخذة ايه ف السؤال
تقي : انتي حتحضري الفرح لوحدك ولا ايه يعني الواد حيقف فين بالجيبونة بتاعة حضرتك دي والسجادة ال وراكي دي بص يا ريان احنا كده حنضطر نعملك فتحة ف الجيبونة دي بحيس تعرف تقف جنبها
ريان : ينصر دينك يا بنتي والله انا راضي ضميرك الخربان ده حرقص معاها ازاي انا ها
تقي : لا معاك حق ال بعده يا بلية مش حينفع كده
ياسمين قاست فستان تاني كان طويل من وري بس مش أوي ومن قدام لحد الركبة
شهد وتقي : ده تحفه عليكي ده
ريان : ليه يماما انتي وهي متجوزة سوسن اقلعي يا بت احنا حنهزر
شهد : ااااه لا ده شكله مش عاجبه بنتنا بقي بص احنا لسه ع البر العلاقة دي لازم تنتهي
ريان : ما تهدي النفوس يا شهد مش كدة ما بتصدقي انتي
ياسمين : يا ريان عاجبني اوي
ريان : ياسمين من الاخر فساتين مكشوف مش حتتلبس الموضوع ده مفيهوش نقاش انتي سامعة
تقي بفخر : برافو عليك احنا كده اطمنا علي اختنا ده كان اختبار بنشوف حتغير عليها ولا لا
ياسمين : ده حبيبي ده ويالا بره انتي وهي محدش حيختار الفستان غيره
شهد : انا بنطرد بتطردي اختك
تقي : يالا يا بنتي عشان نكمل باقي الحاجات مع حبيبة يالا
خرجت تقي وشهد وريان وياسمين جابوا الفستان محتشم وشيك جدا عليها
أنت تقرأ
بإسم الحب
Diversosهو ظابط وهي ابنه اهم الاشخاص في جماعه الاخوان يشاء القدر ان يتقابلا ويقع كل منهم في حب الاخر
