عارفة اني اتأخرت عليكم اعذروني بارت طويل اهو
جويرية كانت بتقري رواية ومندمجة فيها جدا تيم كان بيراقبها وكان باين عليه ملامح الحب جدا قام اخد الكتاب وقعد جنبها
جويرية بضيق : يووه يا تيم عايزة اكملها
تيم بإبتسامة : كمليها بعدين
جويرية : لا عايزة اكملها دلوقتي في حدث مهم عايزة اعرفه
تيم بمشاكسة : انتي مطنشاني خالص ويا اما مع ولادك يا اما ف الروايات ونسيتي حبيبك صح
جويرية ابتسمت : وانت علي طول ف شغلك وسايبني واستغليت الفرصة اني مش عارفة اشتغل عشان الولاد صح
تيم بحب : عارفة يا جوري انا كل شوية بتخيل لو مكنتيش ف حياتي كنت حعمل ايه مين كان حيهتم بيا وكنت حعيش علي طول لوحدي ولا لا انتي عارفة انا ربنا عوضني بيكي وبولادنا حياتي من غيركم ملهاش اي طعم مفيش حياة من غيركم اصلا والواد عمر ابن الكلب ده معرفش طلع سافل لمين
جويرية ضحكت : اكيد ليك يا حبيبي يعني حيكون لمين
تيم بخبث : بقي كدة طيب تعالي ودغدغها وجويرية ضحكت
بعد وقت
جويرية : تيم انا بحبك اوي اوعي تبعد عني ف يوم من الايام ولا عينك تبص لواحدة من العملا بتوعك
تيم : والله ما بعرف ابص لأي واحدة غيرك متخافيش مفيش واحدة تملي عيني غيرك اصلا
جويرية : تيمو ينفع أسألك سؤال
تيم : قلب تيمو قولي
جويرية : انت لو صحيت وملقتنيش ولقيت ان كل ده حلم و مفيش جويرية و مفيش عمر ومفيش نور حتي شركتك ولو قمت لقيت نفسك لسه ظابط حتعمل ايه لو كل ده كان حلم
تيم سكت شوية
تيم : لما افوق من الحلم حدور ف كل العناصر الارهابية عليكي لحد ما اجيبك
جويرية : طب لو طلعت مش معاهم اصلا واني عايشة حياة طبيعية مثلا وبحب واحد حتعمل ايه
تيم بغيرة : حخليكي تسيبيه حروح لرسامة كبيرة وحخليها ترسم ملامحك بالظبط وحدور ف كل مكان علي واحدة اسمها جويرية ولو لقيتك بتحبي حد غيري حخليكي تسيبيه وحخليكي تحبيني انا
جويرية : بس وقتها مش حكون عارفاك
تيم : حخليكي. تعرفيني المهم اني حخليكي ترجعي لحضني تاني لان ده مكانك الطبيعي جوري انا مهما وصفتلك انتي مش حتفهمي انتي عندي ايه انا دايما بدعي اني اموت قبلك عشان مش حستحمل اخسرك مش حستحمل وجع انك متبقيش ف حياتي انا بدعي كل يوم ان ربنا يجمعنا ف الجنة عشان انا مش مكتفي بيكي ف الدنيا بس
جويرية حضنته بخوف : بعد الشر عليك يا تيم بالله عليك متجبش سيرة الموت تاني ربنا ما يحرمني منك ابدا ونفضل دايما مع بعض
تيم : طب انا حاخد اجازة قريب اوي وحنسافر باليخت بتاعنا
جويرية فرحت جدا
جويرية بطفولة : الله بجد يا تيم حنسافر مع بعض
تيم : ايوة عشان انتي وحشتيني اوي و عايز افضل معاكي
جويرية : عمر حيفرح اوي
تيم بصدمة : خدي هنا عمر مين احنا حنسافر لوحدنا
جويرية : يا لهوي واسيب الولاد لمين اكيد حيبقوا معانا صح
تيم بغيرة : بقولك ايه انتي علي طول معاهم ليل نهار ونسيتيني خالص اتعدلي بقي بدل ما ارمهملك ف الشارع
وبعد عنها وهو مضايق جدا وغيران انها بتفضل ولاده عليه هو
جويرية : تيم انت زعلت مني
تيم مردش عليها
جويرية : حبيبي خلاص انا اسفة متزعلش مني انا بس خايفة عليهم
تيم بضيق : جويرية انتي دايما بتفضليهم عليا وبتهتمي بيهم اكتر مني ولا كأني ف حياتك لما ابص بره متبقيش تزعلي
جويرية ردحتله 😂
جويرية : ناااعم يا حبيبي تبص فين ده انا اعميلك عينك دي قبل ما تبص لوحدة غيري انت سامع
وخفت حدة صوتها
جويرية : بس انا فعلا قصرت معاك انا اسفة مش ههملك تاني أبدا وقبلت وجنته
تيم : ابدا ابدا
جويرية : ابدا ابدا تعالي معايا بقي عشان تختارلي حلبس ايه ف فرح ريان وياسمين
تيم : تعالي يا روح تيم
أنت تقرأ
بإسم الحب
عشوائيهو ظابط وهي ابنه اهم الاشخاص في جماعه الاخوان يشاء القدر ان يتقابلا ويقع كل منهم في حب الاخر
