جويرية فاقت لقت نفسها قاعدة قصاد حامد متعرفش ليه حست ان ده مش أبوها ده شيطان وخافت منه اوي
حامد : ايه يا جويرية موحشتيش والدك ولا ايه
جويرية بقوة زائفة : لا يا بابا موحشتنيش
حامد بصلها من فوق لتحت
حامد : وقلعتي الحجاب وبقيتي من الكفار
جويرية : انا مش كافرة انا قصدت اني اعمل كده عايزة اتواجهه معاك و عارفة انك لما تلاقيني كده حتجبني هنا انا عايزة اقولك حاجة انا بكرهك بكرهك جدا وبتمنالك الموت بتمني لاي حد أذاني الموت عشان ال ذيك ميستاهلش يعيش ال يقتل الناس بغير حق ميستاهلش يعيش انا حفرح اوي لما تموت حفرح فيكم كلكم
حامد ضربها كف قبض علي شعرها بقوة
حامد : انتي حتتقتلي ومش اي موته لا انتي حتموتي محروقة ححرقك بالنار عشان تعرفي نار جهنم واه مش انتي ساعدتيهم عشان يلاقونا خليهم ييجوا وساعتها حخليكي تشوفي جوزك المصون وهو بيتحرق قصاد عينك
جويرية : ملكش دعوة بتيم تيم حيقتلكم كلكم صدقني حيقتلكم
حامد : حخليكي عايشة لحد ما ييجوا عشان تعرفي ان الكفار ربنا مبيوفقهمش
جويرية : فعلا الكفار ربنا مبيوفقهمش عشان كده انتوا ال حتموتوا
تيم بعصبية : اكيد خطفوها احنا لازم نهجم عليهم حالا
اللواء بلا مبالة : اهدي يا تيم هما خدوها عشان يضغطوا علينا احنا لازم نستعد ونبقي اقوي منهم وده حيتطلب مننا يومين تقريبا
تيم بجنون : انت عايزني اسيب مراتي يومين هناك ال اساسا انا معرفش لحد دلوقتي قتلوها ولا لسه
اللواء : مقدم تيم دي أوامر مينفعش نلغيها شغلنا مفيهوش مكان للمشاعر مهما كان متنساش انك اتجوزتها عشان نوصل لل احنا فيه ده عشان نوصل اننا نلاقي مكانهم اي شئ تاني مش مهم
تيم : حياة مراتي مش مهمة صح حياة انسانة ساعدتكم ف شغلكم مش مهمة تمام يا فندم اعتبرني مستقيل انا مش حشتغل ف المكان ده تاني
اللواء بعصبية : انت كده بتطرني اخد معاك إجراء تاني
تيم : اهم شئ بالنسبالي حياة مراتي دلوقتي
وخرج
ياسمين بفرحة : شفتني وانا بضربها يا ريان يس
ريان : الله يخربيتك ده انا شديت البت من تحت ايدك بمعجزة
ياسمين : شفت السلعوة شفت المعفنة البت حاطه شعر فوق شعرها شفت القرعة
ريان ضحك : شفت يختي شفت
ياسمين : عشان تعرف انك خاطب قمر بس
ريان : عارف يا قمر يا مز انت
ياسمين بتهديد : عارف يا ريان لو بصيت لاي بنت غيري لو بالغلط حتي حعمل فيك ايه
ريان : لا لا خلاص عرفت بعد ال شفته
ياسمين : ااااه البت تعبتني هاتلي اكل بسرعة
ريان : هو انتي مش لسه طافحة من خمس دقايق هي شغلانة
ياسمين : الله اكبر انت بتبصلي ف الاكل يا ريان
ريان : لا يا حبيبتي انا اقدر
ياسمين : طب يالا بقي هاتلي اكل
ريان : عينيا حاضر
اكلوا مع بعض وروحها البيت
ياسمين راحت لشهد لانهم بقالهم يومين مشافوش بعض
شهد : اهلا يا سوسو تعالي
ياسمين : ايه يا قمري بقالك يومين مختفية ليه
شهد : حصل معايا مشكلة بس كده
ياسمين بخضة : ايه ده يا شهد انتي بتلمي هدومك انتي رايحة فين فهميني
شهد حكتلها كل ال حصل
ياسمين بدموع : انا عارفة والله اني قصرت معاكي اليومين دول انا اسفه يا شهد والله انا عارفة اني زبالة
شهد حضنتها : بس يا بت ايه ال انتي بتقوليه ده
ياسمين : انا اتشغلت عنك بحاجات تانية
شهد بعتاب : اه يا ياسمين اتشغلتي عني بسي ريان بتاعك
ياسمين : أنا أسفة اوي والله مش حتشغل عنك بحاجة تانية ابدا سامحيني بس
شهد ضحكت : مسمحاكي يا عرة
ياسمين : اكيد يا جربوعة
شهد ضربتها
ياسمين غمزتلها : بس ايه يعني مقدم مالك خايف عليكي اوي
شهد : عادي يعني يا بلية اهو بيساعدني
ياسمين بمشاكسة : بيساعدك برده
شهد : بطلي رخامة ولمي معايا الحاجات يالا
ياسمين بحزن : خدي بالك من نفسك يا شهد واسمعي كلام مالك متتصرفيش من دماغك
شهد : ماشي بس يالا بس ساعديني
ياسمين : تمام
خلصوا الحاجات ومالك عدي عليها عشان ياخدها
ياسمين بدموع : خلي بالك منها يا مالك ارجوك متخليش حد يأذيها
مالك : متقلقيش يا ياسمين ف عنيا
ياسمين : واعتبرها زي جني بالظبط انا بقولك أهو
مالك : يا شيخة اتنيلي دي سمتني قبل كدة مش دايب ف جمالها يعني
شهد : طب اتقي شري بقي عشان ممكن اسمك تاني ميجراش حاجة
مالك اخد شهد ووصلوا فيلا مالك كان عليها حراسة كتير جدا
هناء : اهلا اهلا يا شهد نورتينا يا حبيبتي وسلمت عليها جدا
شهد بكسوف : بنورك يا طنط
مالك : ما شاء الله مارلين مونرو تتحدث
جني : بطل بقي يا مالك سيبوهالي عايزة اتكلم معاها
شهد محستش بإنها غريبة معاهم نهائي حست انها مع عيلتها
مالك جاله تليفون
مالك : أيوه يا تيم
تيم بعصبية : مالك انا مش حستني حد جويرية خطفوها ولازم اجيبها انا مش حستني لما يقتلوا حبيبتي
مالك : استني يا تيم متعملش حاجة انا جايلك فورا مش حتروح لوحدك انا حجمع رجالتي اوعي يا تيم تروح لوحدك كده انتي بتقضي عليها وعلي نفسك
تيم : حستناك بس خلال نص ساعة تبقي عندي
مالك : تمام
هناء : تعالي بقي يا بت انتي وهي اعملوا معايا الاكل
شهد : يا سلام من عينيا يالا يا جني
جني : لا لا جني ده ايه انا مبعرفش اطبخ اصلا
هناء : خليكي يختي كل خمس دقايق كلمي سي حمزة بتاعك
جني : يووووه يا ماما بقي
شهد : خلاص يا طنط لا تقلقي انا حساعدك
هناء : خدي هنا ايه طنط دي انتي تقوليلي يا ماما انتي من النهاردة زيك زي جني
شهد : حاضر يا ماما
مالك : جماعة انا حروح الشغل دلوقتي عندي مأمورية متستنونيش ع الغدا
هناء : ربنا يحفظك يا حبيبي يا رب
شهد بقلق : مالك ثانية عايزاك
خرجوا بره
شهد : انت رايح فين يا مالك
مالك : جويرية مرات تيم اتخطفت وحكالها كل حاجة
شهد بقلق : مالك خد بالك من نفسك ارجوك
مالك إبتسم : متقلقيش ادعيلي بس ومتخرجيش م البيت يا شهد مهما يحصل
شهد : حاضر
مالك : شهد لو مرجعتش في ورقة عايزك تقريها بس ده لو مرجعتش
شهد بدموع : بعد الشر عليك يا مالك متقولش كده عشان خاطري
مالك : انا لازم امشي دلوقتي مع السلامة
شهد : ربنا يرجعك بالسلامة يا رب
ياسمين بدموع : شفت يا ريان شهد مشت وسابتني
ريان : ليه بس ايه ال حصل
ياسمين حكتله ال حصل
ياسمين : انا حقيرة اوي ازاي قصرت مع صاحبة عمري
ريان : متضايقيش نفسك هي اكيد عارفة انه مش قصدك
ياسمين بحزن : لا يا ريان انا غبية
ريان : طب متزعليش انا حفرفشك
ياسمين : لا لا لا انا زعلانة اوي
ريان : طب ايه رأيك اني حالا حنزل اجبلك بيتزا وشيبسي بالجبنة وبيبسي كبير كمان
ياسمين : أيوه بقي هو ده الكلام
ريان : عارف انا بتحبي الاكل اكتر مني
ياسمين : اكل ايه ده ال احبه اكتر منك انت المفروض يعني تكون عارف اني بحب الاكل اكتر منك
ريان ضحك : ماشي يا طفسه
ياسمين : لا انت حتقعد ترغي بقي وتنسي ان انا خلاص جعانة
ريان : ياسمين انا عايز اقدم معاد الفرح
ياسمين بمشاكسة : ايه السبب
ريان : عايزك تبقي مراتي يا ياسمين مش عايز انا ابقي ف مكان وانتي ف مكان احنا كل حاجتنا جاهزة حغير بس حاجات بسيطة وخلاص
ياسمين :وانا موافقة انا كمان عايزة ابقي معاك
مالك : انا كلمت الرجالة بتاعتنا وجهزنا كل حاجة بس مش كفاية يا تيم احنا كده رايحين ننتحر مش رايحين ننقزها احنا منعرفش عددهم اد ايه
تيم : مش مهم انتحار مش انتحار انا لازم اروح حتي لو حروح لوحدي انت سامع انا مش حستني حد
مالك : لازم نزود عدد الرجالة
وبيجهزوا نفسهم للقبض عليهم وتيم قلقان جدا علي جويرية وخايف عليها جدا
تيم : يا رب تكون كويسة انا مش حزعلها تاني بعد كده يا رب تحميها
جويرية لوحدها ف مكان شبه شبه مظلم مربوطه
جويرية : يا رب تيم ميتأذيش يا رب هو اه جرحني بس يا رب ميتأذيش يا رب تسامحني علي كل ذنب انا عملته انا عارفة اني حموت بس يا رب ال انا بعمله يكون صح
تيم ومالك جهزوا كل شئ وبقي معاهم عدد رجالة كبير وأسلحة وقنابل
قربوا من المكان ال فيه جويرية بس كانوا بعيدين جدا عنهم
تيم بتسرع : هي أكيد هنا انا لازم اروح الاقيها
مالك : لا يا تيم كده حيخلصوا علينا كلنا لازم نهدي
تيم : مش حعرف اهدي يا مالك
مالك : احنا حنقرب منهم وحنضرب عليهم نار خلي ده معاك عشان اعرف اتواصل معاك اول ما تلاقيها وتخرجوا اديني اشارة عشان نفجر المكان هما حيبقوا مشغولين بينا يالا
وبدأوا الخطه بتاعتهم وفعلا حصل وبدأ ضرب النار بينهم
تيم دور علي جويرية ولحسن الحظ محدش شافه لحد ما لقاها بس اتصدم
حامد كان حاطط سلاح علي جبين جويرية
حامد : متفكرش انكم انتوا الاتنين حتخرجوا من هنا
جويرية : تيم امشي من هنا ارجوك
حامد : محدش فيكم حيمشي من هنا الكل حيموت
تيم : سيبها وانا حعملك كل ال انت عايزه بس متأذيهاش دي بنتك
حامد : مين ال قالك انها بنتي دي مش بنتي
جويرية : بابا ارجوك متأذيهوش اقتلني بس متأذيهوش
حامد : قلتلك انا مش ابوكي انتي بنت مراتي مش بنتي من ضهري
جويرية بصدمة : انت بتقول ايه
تيم : اطلب ال انت عايزه بس متأذيهاش
حامد : اخرج من هنا من غير ما حد يأذيني
تيم : حعملك كل ال انت عايزه بس سيبها
حامد بسخرية : لا يا تيم صدقني لو مخرجتش من هنا علي رجلي حموتها زي ما قتلت اهلك
جويرية مصدومة مش مصدقة اي حاجة حواليها وف لحظة جنون بعدت حامد عنها بس رصاصة خرجت من المسدس استقرت ف جسد جويرية ......
يا رب البارت يكون عجبكم ولو لقيت التفاعل حلو حنزل بارت كمان النهاردة ♥♥
# بإسم الحب
بقلمي Toaa Sleim♥♥
أنت تقرأ
بإسم الحب
عشوائيهو ظابط وهي ابنه اهم الاشخاص في جماعه الاخوان يشاء القدر ان يتقابلا ويقع كل منهم في حب الاخر
