بإسم الحب

الخاتمة ج١

بعد مرور ست سنوات علي كل ابطالنا
تيم جاب عمر من المدرسة
تيم : انت مش حتقولي حضرتك قرفان من نفسك ليه
عمر بضيق : ملكش دعوة يا بابي
تيم : انا عايز اعرف انت لما كنت بتتربي انا كنت فين
عمر : يووووه مش كفاية ال انا فيه
وسابه وراح اوضته
تيم : خد يالا هنا قولي مالك بقي
عمر بضيق : زهقان
تيم بجدية : حد زعلك ف المدرسة قولي بس هو مين وانا حموتهولك انا عندي كام عمر
عمر بنبرة طفولية غاضبة : انا مش صغير انا بعرف اخد حقي انا راجل
تيم ضحك : طيب قولي ايه ال مضايقك
عمر : مفيش
تيم : ولا اتعدل انا مش خطيبتك يا حبيبي انا حروح اشوف بنتي حبيبتي ال بتسمع الكلام
عمر : روحلها ما انت ملكش غيرها
تيم : بس انت برده ابني حبيبي الكبير و عايز اعرف هو مضايق من ايه
عمر : في ان انا محتار
تيم : قولي محتار من ايه
عمر : مش عارف انا بحب مين بالظبط
تيم بزهول : يعني ايه انت بتحب من ورايا يالا
عمر : مش عارف انا بحب ألين بنت عمو مالك ومبحبش حد يشيلها غيري بس برده مبحبش حد يكلم بيلي ال معايا ف ال كلاس
تيم : لااا يا راجل و ايه كمان
عمر بغضب طفولي : حتتريق مش حتكلم معاك تاني
ف الوقت ده جويرية رجعت من بره ومعاها نور عندها سنتين
نور طلعت تجري علي باباها وعمر راح لمامته
جويرية بحب : حبيب قلب مامي ال وحشني اوي اوي وفضلت تدلعه وتبوس فيه
تيم بضيق : نزلي الواد ده وبطلي تبوسيه الواد ال مش متربي دهو
جويرية بصوت لا يسمعه الا عمر : قولي بقي قررت بتحب مين ولا لسه عشان حنروح لعمو مالك النهاردة
عمر : لا للأسف لسه
جويرية ضحكت : طب قرر بسرعة بقي
تيم : انتي عارفة ومخبية عليا
جويرية بتريقة : مش حضرتك ال مش فاضي تقعد معانا حقولك امتي
تيم : بس يا بت انتي
جويرية : موري خد اختك وادخل غير هدومك عشان الغدا
عمر : حاضر يا مامي يالا يا نور
تيم بهزار : ابنك بيحب اتنين من غير ما تقوليلي وبنت مالك كمان منكم لله حتخسروني اصحابي
جويرية ضحكت جامد : ابنك يحبيبي عايزة يطلع ازاي يعني
تيم بتمثيل : لا لا انا كنت محترم وانا صغير لا
جويرية بتريقة : لا يا روحي عرفت البنات ال كنت بتصاحبهم زمان المستخبي بان خلاص
تيم بحب : بس مين القمر ال خطفت قلبي
جويرية بكبرياء : عشان تعرف بس انا مش اي حد
تيم بمشاكسة : يا جوري انا اقدر برده يا عسل انت يا قمر ما تجيبي بوسه
عمر بغضب : بابي انت عايز تبوس مامي عادي كده لا مش حسمحلك دي حبيبتي انا
تيم مسكه من هدومه ورفعه ف الهوا
تيم : انت حتكوش ع الستات كلها ولا ايه ما تتلم يالا بدل ما المك دي حبيبتي انا يا بابا واخفي من قدامي دلوقتي عشان مقتلكش مكانك
جويرية : تيم ايه الالفاظ ال بتقولها قدام الولد عيب
تيم : اسكتي انتي
جويرية : طب بطلوا خناق بقي وروح يا عمر خلص ال home work بتاعك عشان حنمشي بليل وانت يا تيم يالا نحضر الغدا سوي يالا يا روحي
تيم وجويرية بيعملوا الغدي سوي
جويرية بتضحك : يا تيم كفاية حرام عليك انت بهدلت المطبخ
تيم بضيق : مليش دعوه انا عاوز اعمل كيك زي ال بتعمليه
جويرية بثقة : مش حتعرف يا تيمو انا اي حد ولا ايه
تيم : طيب ماشي حنشوف الموضوع ده بعدين خلينا ف الغدا
جويرية : ماشي يا تيمو يالا بقي عشان ناكل
تيم كان بيأكل جويرية دايما وعمر بيتعصب ونور بتضحك عليهم وبينهم جو أسري جميل جدا تيم امنيته الوحيدة ان فرحتهم تدوم دايما

نروح بقي للاتنين المجانين نشوفهم بقوا اب وام ازاي😂

شهد اول ما صحت من النوم بصت علي مالك جمبها وابتسمت
شهد : يا ربي القمر ده ملكي انا ربنا ما يحرمني منك ابدا يا مالك قلبي انت
وحطت ايديها ع دقنه عشان تصحيه بطريقة رومانسية زي ما بتشوف😂
شهد اول ما لمست دقنه مالك ضرب ايديها جامد
شهد ايديها وجعتها حطت ايديها تاني علي دقنه مالك مسك ايديها وقام عضها جامد
شهد : ااااااااااااه يا حيوان سيب ايدي
مالك بنرفزة : مية مرة مية مرة اقولك متحطيش ايدك علي دقني متحطيش ايدك علي دقني بتضايق حكسرلك. ايدك ف يوم مبتسمعيش الكلام
شهد بزهول : انت عضتني وانا كنت بصحيك بطريقة رومانتيكية زي ما بشوف ف الافلام انت يومك مش معدي باين
مالك بغضب : شهد فكك مني دلوقتي انا عايز انام ماشي
شهد اخدت نفس عميق
شهد برقة : طب انا حقوم احضر الفطار تعالي ساعدني
مالك : اساعدك انتي ريلي عايزاني اساعدك
شهد : في ايه يا مالك انت مش طايقني ليه من ساعه ما اتجوزنا
مالك ضحك : ده علي اساس اني كنت طايقك قبل ما اتجوزك
شهد جابت عصاية من تحت السرير
شهد : انت شكل مقالب زمان وحشتك تعلالي بقي
مالك : اهدي يا مجنونة حتسمعي الناس بينا
شهد : يسمعوا هي اول مره يعني وحاولت تضربه مسك منها العصاية
شهد : سيبها يا مالك
مالك : مش حسيبها يا شهد
شهد زقت العصاية جامد عليه ضربته ف بطنه
مالك : اااه والله ما حسيبك طلعوا يجروا وري بعض ف الشقة
شهد من المطبخ
شهد : لو قربتلي انا حنتحر
مالك : تبقي عملتي فيا معروف والله
سمعوا صوت بنتهم ألين بتعيط
مالك راحلها بسرعة وشالها
مالك بحنية : ايه يا روح قلب بابي بتعيطي ليه انا جمبك اهو تعالي نلعب مع بعض
ألين ضحكت بعد ما كانت بتعيط
شهد : دلع فيها كده علي فكرة هي بتحبك اكتر مني
مالك بثقة : يا بنتي انا اتحب من اي حد
شهد : طب خليك معاها بقي
مالك :  بنتي مبتحبش غير ابوها
شهد ضحكت : مسيرها تحب وحتتاخد منك يا عمري
مالك ف سره : ده انا حطلع عينه ال ياخد جوهرتي من ايديا مش كده يا لينو
ألين بتبصله كأنها فهماه وبتضحك

ياسمين وريان
ياسمين صحت من النوم ملقتش ريان جنبها
ياسمين : ده راح فين ده
خرجت بره لقت ريان بيلعب مع ولادهم ملك ويوسف
وصوت ضحكهم مالي البيت
سالم : اخيرا بنوتي صحيت م النوم
ياسمين : حبيبي يا بابا اول مرة انام متأخر اوي كده
سالم : اكيد كنتي مرهقه تعالي يالا نفطر مع بعض
ريان لما شافها قرب منها قبل جبينها
ريان : صباح الخير يا احلي واحدة شافتها عنيا
ياسمين : ايه الدلع ده كله لا اكيد في حاجة النهاردة
ريان : طبعا فيه في عيد ميلاد بنوتي الكبيرة وهديتها حتكون حاجة جميلة جدا جدا
ياسمين مصدومة : ريان انت بجد افتكرت عيد ميلادي انا مش مصدقة
ريان : انا حنسي برده عيد ميلاد بنتي الاولي انا عاملك مفاجأه حتعجبك جدا جدا
ياسمين بحماس : ايه هي قولي بسرعة
ريان : لا مش دلوقتي حتعرفي بعدين يا قمري يالا تعالي عشان نفطر

عارفة ان البارت قصير بس سامحوني حكمله بكره لأني حقيقي تعبانة واتمني يكون عجبكم وتتفاعلوا مع الرواية ❤❤

# بإسم الحب

بقلمي Toaa Sleim❤❤