عند مالك وشهد
مالك سايق العربية
مالك بتوعد : انا يا بت بتسميني ده انا حخليكي تتمني الموت
شهد : عشان تبقي تعرفني ع التعبان بعد كدة
مالك : لا لا تعبان ايه ده انا حبهرك
شهد : مالك وقف العربية بلاش هزار
مالك : والله ما يحصل
شهد بخوف من توعده : مالك قلتلك وقف العربية ومسكت الدركسيون منه واتخانقوا لحد ما العربية اتخبطت ف شجرة
مالك : ينهار ابوكي اسود بوظتي العربية
شهد : ااااه ايدي اتعورت
نزلوا م العربية عشان يحاولوا يصلحوها
شهد : يا ربي ايه المكان المقطوع ده انت كنت واخدني فين يخربيتك
مالك : هو حيتخرب فعلا بس اما افوقلك
حاولوا يصلحوا العربية معرفوش
شهد : طب خلاص تعالي نمشي قدام شوية
مالك بزعيق : نمشي فين هنا كل ده بسببك يا جزمة
شهد بصوت عالي : وانا مالي حد قالك تضحك عليه
مالك : ما انتي لو مكنتيش سمتيني مكنش حاجة من دي حتحصل
شهد : ما انت لو مكنتش حتطلي التعبان مكنتش حسمك
مالك بزعيق: هو مين ال بدأ الاول يا
وفجأه سمعوا صوت كلاب جايه تجري عليهم الاتنين طلعوا يجروا وللاسف كانوا بعيدين عن العربية وطلعوا علي اول شجرة قابلتهم
مالك : طلع الاول
شهد : مالك الحقني الفستان مكعبلني مش عارفة اطلع
مالك بشماتة : احسن خليهم ياكلوكي بقي
شهد : مالك متهزرش بالله عليك حعملك كل ال انت عايزه بس طلعني
مالك طلعها وقعدوا علي جزع الشجرة
شهد : حنعمل ايه دلوقتي مبسوط بالمرمطة دي الفستان باظ
مالك : حسبي الله ونعم الوكيل فيكي مش كفاية معايا تعبانة كمان كلاب مسعورة لا واضح انك نحس بقي بتجزبي الحيوانات
شهد : انت تخرس خالص ينفع قاعدة الشجرة ال احنا فيها دي ودتنا ف داهية
مالك : لامؤاخذه ف السؤال لامؤاخذه ايه ف السؤال بتجري بشنطتك ليه
شهد : اومال عايزني اسيبها ده انا لامه فيها حاجات بالهبل
مالك : انتي عارفة الشيطان حاليا بيوسوسلي بإيه
شهد بشك : بإيه
مالك : اني ارميكي للكلاب ال تحت دول يقطعوكي
شهد : قسما بالله لو رمتني مش حسيبك يا مالك حنقع مع بعض و نموت مع بعض
مالك : طب حنعمل ايه دلوقتي دول مستنينا تحت
شهد بتريقة : مش عارفة والله المفروض انك ظابط يعني الحاجات دي متفرقش معاك
مالك بثقة : متحاوليش يا ماما الطريقة دي بلدي اوي انا لو عليا الكلاب ال تحت دول مش حيهزوني بس انتي المشكلة بفستانك ده يا شيخة من ساعة ما عرفتك وانتي عقبة ف حياتي عقبة
شهد : اسكت بقي كده عشان بجد صدعت
بعد فترة شهد طلعت سندوتشات جبنه رومي صغيره وشيكولاته وبيبسي
مالك بإستغراب : جبتيهم منين دول
شهد وهي بتاكل : من الشبكة
مالك ضحك : ههههههههههه يخربيتك انتي من الناس دي
شهد : بصراحة اه
مالك : طب هاتي حته
شهد بعند : لا
مالك : هاتي حته بدل ما ارميكي ليهم
شهد : ايه مش خايف اسمك
مالك : خلي بالك انا لسه مخدتش حقي منك
شهد : انا غلطانة اني عايزة اغذيك
مالك : تغذيني
شهد بضحك : انا استحميت ودهنت شعري لقيت حبه زيت فاضلين مش حيكفوا المره ال جايه قلت احطهملك ف السندوتش
مالك : اد ايه انتي ام عظيمة
شهد : بس كان زيت زيتون عيب عليك
مالك : اخرسي بقي خلينا نشوف حل ف ال احنا فيه ده فين موبايلك
شهد دورت عليه
وقع مني ينهار اسود وقع مني انت عارف انت لو مجبتليش واحد غيره حعمل فيك ايه
مالك بينفخ : المشكلة ان الكلاب ال تحت دي مسعورة يعني لو نزلنا حنتعض فمش حينفع ننزل علي الاقل دلوقتي
شهد : مش انت ال عملت فينا كده شوف يا اخي من حفر حفرة لأخيه وقع فيها وكمان فستاني باظ يعني حضرتك مطالب تجبلي موبايل وفستان جديد
مالك : حد قال اننا مخطوبين يعني
شهد : يووووه طب مين حيفتكر ان احنا هنا والطريق مقطوع محدش بيعدي من هنا باين وشايف الضلمة ال احنا فيها بجد المكان يخوف
مالك بعد فترة
مالك : بصي مفيش غير حل واحد
شهد : ايه هو
مالك : حننط من الشجرة دي للشجرة ال بعدها
شهد : طيب حنط ازاي بالفستان ده انا طلعت بمعجزة ولو مكنتش شدتني كمان
مالك : شلحي
شهد : ناااااعم يا خويا انت شكلك عيل صايع وزبالة اصلا
مالك : خلاص يختي خليكي انا حنط ولما اطلع من هنا حبقي اجبلك مساعدة يا عنيا
شهد بخوف : لا يا مالك لا دي مش اخلاق ظباط محترمين يرضيك بنت بلدك تتساب للكلاب تنهش ف لحمها
مالك : انتي معضمه اصلا
شهد : ما علينا حعمل ايه
مالك : طب اقطعي الفستان
شهد برفعة حاجب : اقطعه ازاي
مالك بنفاذ صبر : لقبل ركبتك بشوية يا ستي اخلصي خلينا نمشي
شهد بحسره : اه يا فستاني اه يا جميل معلش حجبلك واحد احلي
مالك : اخلصي يا شهد
شهد قطعت الفستان ونطوا من شجرة لشجرة
عند ريان وياسمين
كانوا قاعدين يحبوا ف بعض ونسوا خالص شهد ومالك
ياسمين : هما اتأخروا كده ليه
ريان : صحبي وجدع معايا وروحها يالا عشان نروح احنا كمان الوقت اتأخر
مالك وريان بعدوا عن مكان الكلاب
شهد : ها وبعدين
مالك : حننزل
شهد مهم حيجروا ورانا
مالك : لازم ننزل ونجري يا شهد لان البركة ف سيادتك العربية عطلت
شهد : طب لو وقعت انت حتسبني وتمشي مش كده
مالك : اكيد
شهد : بطل رخامة بقي
مالك : طيب احنا حننزل وندخل ف الاراضي الزراعية دي
نزلوا وفضلوا ماشيين وشهد ماسكة ف ايده جامد لحد ما لقوا بيت زراعي
...../ انتوا مين وعاوزين ايه
مالك : اهدي احنا مش جايين نأذي حد احنا عملنا حادثه وحتاجين بس تليفون
صاحب البيت طلع راجل كبير
جمال بصدمة : شهد
عند عصفورين الحب تيم وجويرية
كان بيلعب ف شعرها
تيم : انتي احلي حاجة حصلت ف حياتي كلها
جويرية بكسوف : وانت كمان
تيم : جوري انتي ليه دايما بتتكسفي حتي مني
جويرية : عشان مكنتش بتعامل مع حد كتير وكده
تيم : طب احكيلي حاجات عن حياتك انا معرفش حاجة عن نفسك بس لو مش مستعدة
جويرية : لا يا تيم انا عايزة اتكلم معاك انا ماما اتوفت وهي بتولدني وعشت مع بابا مكنتش بخرج لحد ما بقي عندي ست سنين مكناش ف الاول بنتنقل لمكان كنت دايما بسمع بابا بيتكلم عن حاجات مش فاهماها عن الدين
وكنت بحفظ قران من وانا صغيرة وبابا لبسني الحجاب من وانا ف ابتدائي كان هو ال بيوديني المدرسة وهو ال ببجيبني كنا عايشين ف الاسماعيليه لحد ما كنت ف ٣ اعدادي كان نفسي اوي اكمل بس بابا رفض ومن يومها واحنا بقينا بنتنقل من مكان لمكان
تيم : كنتي بتروحي فين
جويرية : مكناش بنقعد ف مكان اكتر من ٦ شهور كنت دايما ف البيت مبخرجش منه مبتعاملش مع حد بس ف المدرسة كنت بتكلم مع مدرسة الدين بتاعتي وعرفت ان ال بابا بيعمله غلط
كنت بحاول اقوله كتير بس مكنش بيسمعني ولما كنت بقوله كان بيضربني وبيقولي ان دول كفار ومن يومها وانا مكنتش بخرج غير لما بننقل من مكان لمكان كنت علي طول لوحدي بكلم الحيطان كان نفسي اوي يكون ليا اخ او اخت كان نفسي اعيش زي البنات ال كانوا معايا ف المدرسة مكنش ليا صحاب كان نفسي اوي يبقي ليا صحاب
تيم : خلاص يا جويرية متكمليش انسي كل ده واعتبريني انا باباكي واخوكي وصاحبك وكل حاجة ليكي
جويرية بدموع : تيم انت فعلا كل حاجة ليا انا بحبك اوي
تيم حضنها جدا
تيم : اوعدك اني حسعدك دايما ربنا يقدرني واسعدك بس
نروح لشهد ومالك
كريم بصدمة : شهد
شهد : خالو
طبعا منظر شهد ومالك كانوا يغنوا عن اي كلام بفستانها المقطوع وشكلها المبهدل وف نص الليل
كريم بغضب : مين ده يا شهد
شهد : ممكن تهدي وانا افهمك احنا عملنا حادثة ومحتاجين دلوقتي تليفون بس عشان اكلم ياسمين وبعدها حنمشي
كريم : تمشي ازاي يا بت اختي لا لازم تفهميني مين ال كنتي راكبه معاه ف نص الليل ديه
يا تري ايه ال حيحصل لشهد ومالك اعذروني البارت قصير بس حقيقي انا تعبانة
يا رب البارت يكون عجبكم ♥♥♥
# بإسم الحب
بقلمي Toaa sleim♥♥
أنت تقرأ
بإسم الحب
De Todoهو ظابط وهي ابنه اهم الاشخاص في جماعه الاخوان يشاء القدر ان يتقابلا ويقع كل منهم في حب الاخر
