يوميات لارا و احمد

بارت (١)

لارا بنت جميله باباها و مامتها مطلقين فهيا عايشه مع مامتها علشان مبتحبش باباها علشان بيعاملها وحش .
لارا: صباح الخير يا ماما
مامت لارا: صباح الخير يا حبيبتي يلا تعالي علشان نفطر
لارا : حاضر يا ماما هغسل وشي و اجي
بعد ما خلصوا الفطار لقوا الباب بيخبط راحت الام علشان تفتح لقت بابا لارا
الام ( بعصبية): انت الي جابك هنا
بابا لارا: انا جاي علشان اقولك اننا بعت البيت ده
الام : ايههههههه ازاي تعمل حاجه زى دي طب احنا نعيش فين مفكرتش فينا ؟
الاب: يلا بقي لموا هدومكم و اطلعوا بره علشان السكان الجدد قربوا يجوا
الام قفلت الباب و كانت مديئه جدا و عماله تفكر تقول ايه للارا
لارا: فيه ايه يا ماما انتي ليه شكلك مضايقة و مين الي كان علي الباب
الام: ده كان باباكي
لارا: كان عايز ايه
الام: كان بيقول انه باع البيت و أننا دلوقتي لازم نلم هدومنا علشان نمشي
لارا: هوا ليه بيعمل كده انا بجد مش مصدقه أن ده بابا
الام: خلاص مش هنعرف نعمل حاجه يلا روحي حضري شنطتك
لارا و مامتها راحوا حضروا شنطهم و الام أدت المفتاح لبابا لارا و راحوا قاعدوا في مكان
لارا: و بعدين هنعمل ايه
الام: مش عارفه انا عماله افكر هنروح فين
لارا: انا ممكن اكلم لينا صحبتي
لارا فعلا اتصلت بلينا
لينا: الو ازيك لارا عامله ايه وحشتيني جدا
لارا: ازيك يا لينا انتي كمان وحشتيني
لارا حكتلها كل حاجه و طلبت منها أنهم يقعدوا معاها شويه عقبال ما ماماتها تجيب شقه
لينا: بجد يا لارا لو كان ينفع مكنتش رفضت بس احنا مسافرين انا اسفه اوي
لارا : لا خلاص عادي سلام
لينا : سلام متنسيش تبقي تطمنيني عليكي
لارا قفلت مع لينا و قالت لمامتها اللي لينا قالتهولها
الام: انا عرفت احنا هنروح فين
لارا: فين يا ماما؟
الام: عند حد من قرايبنا
لارا: بس انتي قولتي أن اخواتك كلهم مسافرين و قرايبك كلهم انتي معكيش ارقامهم
الام: اه انا فعلا قولت كده بس عرفت من شهر أن ابن عمي رجع من السفر
لارا: بس انتي مقولتوليش انك عندك ابن عم
الام: اصل انا مشوفتوش كتير علشان ديما عمي مسافر فنادرا كنا بنشوفه
لارا : طب انتي تعرفي هوا ساكن فين
الام: اه هوا لسه مكلمني قريب علشان يسلم علينا فسألته هوا فين و قالي، بس انتي اكيد هتحبيه و كمان عنده ابن اسمه احمد اكبر منك بسنه
لارا: هوا عايش مع ابنه بس
الام: اصل مامت احمد توفت، يلا نروح
و فعلا خدوا تاكسي و راحوا للمكان و خبطوا عليهم ففتح بابا احمد
الام: ازيك يا ابن عمي عامل ايه
بابا احمد : ازيكم وحشتوني اوي تعالوا اتفضلوا
فدخلت لارا و مامتها و راح بابا احمد سلم علي لارا و نده احمد علشان يجي يسلم عليهم و بعد ما سلم عليهم راح اخد لارا و وداها اودته
احمد : ازيك عامله ايه انا اسمي احمد
لارا ( بخجل ): الحمدلله انا لارا
احمد: شكلك مكسوفه
لارا: اه اصلي اول مره اكلمك
احمد: عادي هتتعودي مع الوقت
و قعدوا يتكلموا مع بعض اما الام حكت لابن عمها علي كل حاجه و استأذنته تقعد عنده شويه
بابا احمد: اكيد طبعا تقدروا تقعدوا عندنا
مامت لارا: بجد مش عارفه اشكرك ازاي
بابا احمد: العفو، في اوده فاضيه عندنا انتي ممكن انتي و لارا تخدوها
راحت الام الاوده و حطت لبسها و لبس لارا في الدولاب و ارتاحت شويه أما عن لارا فكانت مبسوطه جدا مع احمد و سألها عن الي حصل
لارا: بابا طردنا من البيت
احمد: ليه عمل كده
لارا: مش عارفه ، فعلشان كده انا مبحبهوش
احمد: عموما انسي الي حصل و متزعليش نفسك انتوا كده كده قاعدين معانا فمش هتشوفوه خالص
لارا: عندك حق، انا مستمتعه اوي بالكلام معاك
احمد: و أنا كمان
و هما بيتكلموا سمعوا بابا احمد بيناديهم علشان الغدا فراحوا اتغدوا و بعد الغدا لارا كلمت لينا علشان تحكلها
لينا: ها يا لارا روحتوا فين
لارا: عند ابن عم ماما
لينا: احكيلي ايه الي حصل
لارا: بعد ما دخلنا قعدت مع احمد ابنه
لينا: هوا عنده ابن
لارا: اه
لارا حكت للينا عل كل حاجه و بعدين دخلت تنام
************************************