يوميات لارا و احمد

بارت ( ٤)

لارا و لينا خلصوا كلام و لينا روحت و لارا قعدت تفكر احمد بيحبها و لا لأ و دخل احمد عليها و شافها سرحانه و قعد يناديها كذا مره
احمد: لارا
لارا: نعم
احمد: عمال اناديكي
لارا: سوري يا احمد مكنتش مركزه
احمد: كنتي سرحانه في ايه
لارا: ولا حاجه
احمد: كنت عايز استشيرك في حاجه
لارا: ايه هيا
احمد: في واحد صاحبي بيحب واحده ، هيا قريبته و لسه عارفين بعض قريب و عايز يقولها بس مش عارف علشان خايف لتكون مبتحبهوش فعايزك تقوليلي يعمل ايه علشان اقوله بما انك بنت
لارا: انا شايفه أنه ممكن مثلا يلمح باي حاجه
احمد: يعني ممكن يعمل ايه
لارا: يقرب منها اكتر يعني يقعد معاها يتكلم معاها و يضحكلها علشان يحسسها أن في حاجه و بعدين لما يلاقيها بتعمل نفس الحاجة دي يعني بتضحكله و بتتكلم معاه كتير
يبقي هيا كدا بتحبه فيروح يقولها
احمد: شكرا اوي يا لارا هبقا اقوله يعمل كده
لارا: العفو على ايه
و بعدين خرج احمد من الاوضه و راح اوضته و دخلوا كلهم يناموا، احمد كان عمال يفكر يعمل ايه للارا و هيا بتحبه و لا لأ و بعدين دخل في النوم، تاني يوم جه و كلهم صحيوا و راحوا فطروا و بعد ما خلصوا فطار لينا كلمت لارا
لينا: عملتي ايه يا لارا
لارا: عملت ايه في ايه
لينا: قولتي لاحمد انك بتحبيه
لارا: لأ مقولتلهوش
لينا: لارا انتي بتعملي كده ليه متقوليله بقا
لارا:ما هوا لو بيحبني كان جه قالي
لينا: افردي هوا كمان خايف يقولك
لارا: اه صح كان في حاجه عايزه اقولك عليها
و حكت لارا للينا علي الكلام الي احمد قاله
لينا: انتي بتهزري صح
لارا: لأ فيها ايه الي هوا قاله
لينا: لارا انتي لسه لحد دلوقتي مفهمتيش ده بيتكلم عنك و عنه مش عن صاحبه
لارا: يعني هوا بيحبني
لينا: اه يلا روحي قوليله
لارا: ماشي
و قفلت لارا مع لينا و راحت لاحمد الاوضه
لارا: كنت عايزه اقولك حاجه
احمد: و أنا كمان كنت عايز اقولك حاجه اتفضلي قولي انتي الاول
لارا: احمد انا بحبك
احمد: و أنا كمان يا لارا هوا ده الي كنت عايز اقوله
لارا: و ما قولتش ليه
احمد: كنت خايف
لارا: انت بجد بتحبني
احمد: ايوه والله
لارا: يعني علشان انا عندي مرض نفسي فعلشان كده كنت خايفه لتكون مبتحبنيش
احمد: انتي بالنسبالي حاجه كبيره اوي و مش مهم مرضك
لارا و احمد كانوا قاعدين مع بعض مبسوطين جدا و دخل بابا احمد عليهم و فصل اللحظة
بابا احمد: كنتوا بتتكلموا في ايه
احمد: و لا حاجه يا بابا
لارا: انا هروح اقعد في البلكونة شويه علشان عايزه اسم هوا
و خرجت لارا و سابتهم لوحدهم و بعدين غمز الأب لاحمد
بابا احمد: شكلك عملت الي قولتلك عليه
Flash back
بابا احمد: سرحان في ايه يا حبيبي
احمد: بفكر في لارا
بابا احمد: شكلك بتحبها
احمد: اه جدا و مش عارف اعمل ايه
بابا احمد: لازم تكون متأكد أن المشاعر دي حقيقية
احمد: اه يا بابا حقيقية طبعا
بابا احمد: الأول لازم تعرف بتحبك هيا كمان ولا لأ
احمد: و أنا أتأكد ازاي
بابا احمد: انت تروح تقولها مثلا أن واحد صاحبك قالك أنه عايز يقول واحده أنه بيحبها بس مش عارف و سألك يقرب منها ازاي و يعرف ازاي هيا بتحبه و لا لأ و صاحبك ده هيبقي انت و تروح تقولها كده علي اساس انك بتستشرها
احمد: شكرا اوي يا بابا
بابا احمد: بس انت لازم تعترفلها بحبك
احمد: حاضر يا بابا
End of flash back

احمد: مش عارف اقولك ايه يا بابا على الي انت عملته معايا
بابا احمد: المهم أن انت عرفت أنها بتحبك و أن انت بتحبها
خرج بابا احمد من الاوضه و هوا مبسوط أما عن لارا راحت تقول لمامتها علي أن احمد بيحبها و هيا بتحبه
لارا: ماما عايزه اقولك حاجه
مامت لارا: ايه يا لارا
لارا: انا بحب احمد
مامت لارا: بجد يا حبيبتي
لارا: اه يا ماما اعترفنا لبعض و هوا كمان بيحبني
مامت لارا: انا مبسوطه انك خرجتي من الحالة الي انتي كنتي فيها
لارا: الفضل يعود لاحمد هوا الي ساعدني في كده
مامت لارا: انا مكنتش متخيلة انك ترجعي تحبي و تتعرفي علي ناس تاني حبيبتي انا مبسوطالك جدا
لارا راحت علشان تكلم لينا تقولها علشان تبسطها
لارا: لينا مش هتصدقي طلع بيحبني
لينا: شوفتي لما روحتي اعترفتي حصل ايه
لارا: انا مش قادرة اصدق بجد
لينا: ليه مش مصدقه دانتي جميله جدا و كذا حد يتمناكي
لارا: و انتي يا لينا مفيش حد في حياتك
لينا: لا مفيش
لارا: بقولك ايه رايك نتقابل دلوقتي في الكافيه الي جنبي
لينا: ماشي هروح البس سلام
لارا: سلام
قفلت لارا مع لينا و راحت لأحمد تقوله يجيب صاحبه للكافيه و يعرفوهم علي بعض هوا و لينا و فعلا راحوا الكافيه و قاعدت هيا و احمد مستنيين لينا و عمر ( صاحب احمد )
************************************