يوميات لارا و احمد

بارت ( ٧)

الحلقه الثانيه عشر:
تاني يوم جه و صحيت لارا لقت مامتها بتتصل عليها و ردت عليها
لارا: ازيك يا ماما
مامت لارا: ازيك يا حبيبتي، عندي ليكي مفاجأة
لارا: ايه هيا يا ماما
مامت لارا: انا و بابا احمد هنجيلكوا النهارده
لارا: بجد يا ماما
مامت لارا: اه
لارا: دي مفاجأة حلوه اوي، احمد هيفرح اوي
مامت لارا: اوعي تحضري اي حاجه لحد ما اجيلكوا و اساعدك علشان انتي لازم ترتاحي
لارا: حاضر يا ماما
بعد ما لارا قفلت مع مامتها احمد صحي و لارا قالتله أن باباه و مامتها هيجولهم دلوقتي و فرح جدا، و بعد نص ساعة وصلوا البيت، لارا حضنت مامتها و احمد حضن باباه و راحوا قاعدوا في الرسيبشن
بابا احمد: و حسني جدا انتوا الاتنين
لارا: و حضرتك كمان
مامت لارا: اومال فين كارما
لارا: هقوم أجلها
لارا راحت الاوضه علشان تجيب كارما
بابا احمد: لازم يكون عندك مسؤلية يا احمد علشان تعرف تربي كارما
احمد: متخافش يا بابا هكون اب كويس
لارا: انا جيت و جبت معايا كارما
مامت لارا: يا حبيبتي شكلها حلوه جدا
بابا احمد: شبهك يا لارا
مامت لارا: فعلا شبه لارا اوي
احمد: طب و أنا
مامت. لارا: هههه هيا عنيها نفس لون عنيك
احمد: طب كويس انكوا لقيتوا حاجه فيها شبهي
بابا احمد: اكيد طبعا مش انت باباها
و بعد ما خلصوا كلام لارا راحت ودت كارما الاوضه ودخلت هيا و مامتها المطبخ علشان يحضروا الاكل و بعد ما خلصوا حطوا الاكل و راحوا ياكلوا
بابا احمد: الاكل جميل جدا
مامت لارا: لارا هيا الي عملاه انا بس عملت السلطات
احمد: اكل لارا جميل جدا
بابا احمد: فعلا انتي موهوبة
لارا: شكرا انا جبت الطرق من علي اليوتيوب
خلصوا اكل و بابا احمد مشي أما مامت لارا فضلت قاعدة معاها علشان تساعدها و احمد نزل مع باباه يوصله
مامت لارا: عرفتي أن اختك ميرا هترجع من السفر الاسبوع الي جاي
لارا: لأ مكنتش اعرف، دي وحشتني جدا
(ميرا دي تبقي اخت لارا الكبيرة، اتجوزت و لارا كان عندها ١٥ سنة و خلفت ولد اسمه يوسف، بعد سنه سافرت هيا و جوزها علشان جاله شغل هناك)
★★★★★★★★★★★★★★★★★★★★★★★كده الحلقه خلصت و يارب تعجبكم ، اسفه جدا على التأخير
و انشاء الله هنزل الحلقه الجايه بكره