أسرت قلب كل من رآها

البارت 4

السلام عليكم شلونكم اخباركم حبيباتي

مثل ما كلتلكم اني كل يوم انزل بارت بس اتمنى تفاعل وية القصة لو سمحتم يجوز تحسون القصة بالبداية جافة بس بعدين رح تصير احداث كلش قوية

يلة نبلش😊
--------------------

نزلن جوان وياسمين وجانت الصدمة والانزعاج مرسومة على وجههن ثنينهن جانت موجودة اخت سحر مرت عم جوان وخالة ياسمين هية وبنتهة بس بنتهة وحدة خبيثة وعينهة على مصطفى وتغار من جوان وتكرهة كلش

ياسمين بهمس لجوان:خرب ولج هاي شجابهة هاي الحية البومة عايزيهة احنة

جوان :اووف والله مادري شوفي اذا ما تبات اكص ايدي

ياسمين: اي والله صدك

حنين البومة😂: هلا حتظلن واكفات هاي جوان هناا اي هيةة عيشتهة عدكم

ياسمين: هلا بيج حنين ايي هوة غير بيتهة شوكت متريد تجي وبيت عمهة مو غريب تبات براحتهة شلونج خالة شخبارج

ام حنين: هلا يبعد خالتج انتي شلونج شلونج جوان

جوان: هلا خالة الحمد لله

ام ياسمين: بنتي جوان يمة ياسمين اني وخالتج راح نروح للسوك خالتج محتاجة غراض انتن ديرن بالجن على البيت

حنين: ليش خالة توصين جوان اني هنا

ام ياسمين: لا يمة انتي خطار جوان من اهل بيت وماكو داعي انتي ارتاحي البنات موجودات

جوان: لتاكلين هم عمة اني وياسمين رح نكمل الاكل والتنظيف وانتي روحي

أم ياسمين: اي حبيبتي يلة احنة رايحين

جوان وياسمين :اللة وياجن

ياسمين: اي حنونة منو رح يجي ياخذكم بليل

حنين : ها لا بس ماما رح تروح اني راح اظل مشتاقتلكم وضايجة

ياسمين: اها اي هلة بيج

جوان: ياسو اني رح اعزل البرة والطرمة وبنين جاي تطبخ وانتي روحي عزلي المطبخ من مواعين وتنظيف

ياسمين: تمام جوجو

حنين وية نفسهة : هيج مو اني اعلمج يا جوان خلي اشوف ابن خالتي العزيز راح اصعد بدون ميحسن

مصطفى: كعدت الضهر بل 2ونص غسلت وصليت وكعدت افكر ببت گلبي شلون رح يكون موقفهة وياي علمود البارحة خاف تاخذ نضرة او كرهتني اووف كطع تفكيري من انفتح الباب ودخلت حنين يبووو هاذ الناقصني

حنين: هلا بابن خالتي شلونك

مصطفى: اهلا بس شلون تدخلين بدون ما تستأذنين

حنين:قابل اني وين داخلة غرفة ابن خالتي وجاية اسلم عليك

مصطفى: بالنهاية هاي غرفة شاب وانتي بنية ومايصير هاذ التصرف