أسرت قلب كل من رآها

البارت 27

أسرت قلب كل من رآها

للكاتبة:البياتية

••••••••••••

صعدت ووصلنا للقاعة نااس شكد .اكفين برة حمودي لزم ايدي وطببني للقاعة .وراح القاعة متروووسة ناس بحيث الجو صاير خنگة ييع لعبت روحي رحت وكفت كبال السبلت بعدين كعدت على طاولة بالزاوية والناس يركصون ويسلمون صفنت عليهم شكد بووسن عود الوحدة تبوس 8 مرات ادري متتعبن العروس طالعة تجنن ما شاء الله البارحة البنات كالن جيبي الكاميرا وجبتهة وياية
رحت للعروس شكلهة متوترة وحرانة باركتلهة شكلهة حبابة كلش كعدت يمهة حجيت وياهة شوية وتعرفنة والنسوان بعدهن يرگصن كلتلهة هسة اجي كمت ورحت وجهت السبلت عليهة كيفت كالت واخيرا تسلمين اختنكت من النفس والحر خواتهة كاعدات يمنة شوية ودخل زيد هية صارت ترجف لزمت ايدي تكول ماريد اتزوج رجعيني للبيت بطلت ضحكت عليهة اجة زيد يمهة باركتلة وحطيت ايدهة بايدة وكلتلهة لتخافين

وكفت شوية بعيد عنهم  بس يعني بصف المنصة شي نص ساعة ودخلوا الشباب يركصون يمهم زيد اشرلي اروح يمة

جوان،، ها زيد محتاج شي

زيد،، فدوة جوجة بلا زحمة غطيهة زين لا تخلين شي يبين منهة

جوان،، تدلل ثواني ،، وكفت مقابيل هدى عدلتلهة الطرحة وغطيتهة رفعت الكبوس طلع بس وجههة

زيد،، تسلمين

جوان،، عادي  ولو

  اجواء جانت حلوة الكل يشارك وفرحانين لزيد آني جنت اباوع ومبتسمة اجتي رحت للحمام اجتي بنية تركض يمي بنية صغيرة ماعرفهة يمكن من اهل هدى بس تجنن عمرهة يطلع 5سنين

،، يبنية يبنية ،،، دنگت وكعدت بمستواهة لأن ما اسمعهة من الدي جي كلش عالي

جوان،، ها يحلوة شتريدين

،، افتحيلي القوطية ماما اصيحهة متثمعني وبيبي متقبل تفتحهة تكول طشيهة

جوان،، ماشي حياتي بس خاف صدك تطشيهة على ملابسج وشوفي بدلتج بيضة وتخبل هسة تتدمر وتصير مو حلوة

،، ما اني اريد اشرب

جوان،، ماشي بس اني اشربج حتة لتدمرين نفسج لو ما افتحهة

ضحكت وكالت
،،أوكي

جوان،، يمة فديت ال أوكي شحلوة من حلگج

انطتني القوطية دافتحهة صاحت

،، اوكفي اوكفي

جوان،، ها شكو

،، كولي والله ما اشب منهة أول متفتحيهة مثل جود أول ميفتحهة يشبهة  كلهة

جوان،، ههههه وعد ما اشرب منهة

،، شنو وعد شنو يعني كولي والله

جوان،،، هههه تمام تمام والله ما اشرب منهة