أسرت قلب كل من رآها

البارت 18

««أسرت قلب كل من رآها»»

للكاتبة :البياتية💟

قبل لا تقرون صوتوا بليز

شلونكم قلبوشاتي متابعاتي

بنوتات بالنسبة لموعد التنزيل راح يكون بين يوم ويوم
آسفة بس مجاي الحگ انشر يومية اتمنى تتفهموني

نعم البعد قاتل
لكن افضل من قرب بلا تقدير
•*•*•*• •*•*•*• •*•*•*• •*•*•*• •*•*•*•

جوان

كعدت مفزوعة وعركانة والهث عبالك جنت اركض
رجع نفسة رجع نفس الحلم شنو معناه يربي ليش بالحلم احس نفسي مخنوگة وماكو هوة لمن اكعد من النوم وكانو صحيح اكعد بس اريد هوة
باوعت بالموبايل الساعة 4 ونص الفجر كمت للحمام غسلت وتوضيت وجبت السجادة وصليت وقريت قرآن وكعدت أدعي

جوان،، يا ربي يا ارحم الراحمين اني ماقصرت وياك ولا بيوم لا بدعاء ولا بذكر ولا بصلاة.  احميلي عائلتي ليش اسمع عياطهم بالحلم ليش احسهم راح يتركوني وليش كل يوم نفس الحلم دخان ونار ونفسي ينگطع وصوتي يختفي يا رب احمي اهلي همة كل حياتي احفضهم الي وجهني للطريق الصحيح امنيتي  اخلي ابوية  يفتخر بية وما ازعلة ولا انزل راسة بيوم يا علي
قريت الفاتحة وشلت السجادة  ورجعت لفراشي نمت

كعدت من ورة الضوة وراسي صداع قوي والبنات ماكو مشغلي ومنهزمين يدرون بية عدوي الضوة الي يفتحة واني نايمة يبتلي على عمرة اتئفئفت شفت الساعة 11 يا ليش ما مكعديني غمضت

وكمت اخذت البرنص ودخلت للحمام حتة اصحصح سبحت وطلعت لبست تراك وردي مشطت شعري وسويتة ذيل حصان
كملت وتعطرت بس راسي بعدة يوجعني دوخة قوية جاي انزل من الدرج وغوشت الدنية ردت اوگع بس حسيت احد سندني

محمد،، جون حياتي شبيج ردتي توكعين مريضة شبيج

جوان،، لا عبسي مابية شي بس شوية صداع ودخت

محمد،، امشي اكلي شي واخذي علاج دتتحسنين

حضني و گادني ونزلت الدرج وياه كعدني على القنفة بالهول والكل جان موجود

ام جوان،، شبيج بنيتي شو مصفرة محمد شبيهة اختك ليش ساندهة

محمد،، يمة مابيهة شي بس دايخة يمكن هبوط

سجاد،، جونة ملاحظ اكلج كلش قليل هل ايام وضعفانة والبارحة حتة ما اكلتي زين ولهسة على لحم بطنج

مصطفى راح للمطبخ شوية واجة شايل صينية سندويش نوتيلا وحليب ووياه كلاص مي وعلاج ريوگ جوان المفضل

مصطفى،، احم شو شوية يلة اكلي واشربي العلاج بسرعة ديعتدل ضغطج

اكلت وشربت الحليب وكلهم عيونهم علية وخايفين كملت وانطاني مصطفى العلاج والمي شربتهن وبعدين كالولي اتمددي وتمددت على القنفة