أسرت قلب كل من رآها ❤
للكاتبة : البياتية❤
قراءة ممتعة للجميع
٠•••••••••••••••
كعدت الصبح على كلام يزوني النصة ما مفهوم فديتة سحبتة لحضني يصيح
يزن،، هدددييي جون هديي بيبي تااي
جوان،، يروح وعمر جون ماهدك افيش شلون حضن شبيهة بيبي
شتريد ماما
يزن،، تاااي جون تعاااي
جوان،،، فدوة تگلي تعاي تصيحني ماما
يزن،، اواوا
جوان،، يروحي شبي اصبعك وين متعور ،، بست اصبعة اوف هسة تروح الواوا
يزن،، جن جن ،، شغتة ياشر على الدبودوب
جوان،، أي جين وبعد مانطيكياه تلعب بي بطلوع الروح يللة راح العصير وترة شفت القلب مالتة شوي مجرور والخيوط طالعة فماكو
يزن،، اتي (انطي) جون اتي
جوان،، لا يحبيبي يللة امشي ننزل خليتة على الفراش ودخلت للحمام غسلت ومشطت حطيت عطر .وطلعت عدلت فراشي والغرفة واخذت يزن ونزلت
•••••••••••••••••••••••••
عباس
لمن حجيت وية محبوبتي عرفت صاحبي الرايح على عرسة نفسة ابن خالهة وما انكر فرحت عصفورين بحجر واحد
ضليت ببغداد كملت كم شغلة هناك وطبعا ضليت على تواصل يومي وية عشگ عمري بيوم حنة الشباب مال زيد اصر علية حيل احضرهة وازعل عليك ومدري شنو رحت للحنة وهناك لتقيت بي وباخوان عشگي عرفهم علية زيد وهمة كلولة نعرفة وحجولة شلون التقينة طبعا اني من جنة بسليمانية ضليت على تواصل وية اخوهة علي رجال وابن رجال وصرنة صحبان آني وياه
بيومهة صارت حفلة جبيرة وحلوة فرحتلة من كلبي لزيد اني وياه من سنين عشرة عمر وصداقتنة قوية ركصوا الچوبي وجانت حفلة حلوة سلاحي جان وياية ضربت شاجورين بالجوو جانوا هواي ناس وازدحام قوي ماحسيت الا شخص شايل چاي وعثر وكبة علية همزين ماجان كلش حار
،، خوية اعتذر مو بقصدي دتشوف الهوسة وماشوف طريقي سامحني خوية خما بيك شي
عباس،، لا خوية عادي ولا يهمك
،، الله عليك خوية خما تاذيت
عباس،، لا خيي مابي شي توكل
اجاني محمد
محمد،، خيرك شيخ خما حتركت
عباس،، لا بوية كلشي ما بية بس اريد ماي اغسل
محمد،، تدلل شيخ دقيقة واجيك
راح شوي واجة عبالي جايبلي مي شو كالي ادخل جوة غسل
أنت تقرأ
أسرت قلب كل من رآها
Romanceهاي اول مرة اكتب اتمنى تفاعل وية الرواية لأنها كلش حلوة اتمنى تحبوهة 👌
