أسرت قلب كل من رآها

البارت 15

«أسرت قلب كل من رآها»

للكاتبة:جوري البياتي

~٠~٠~٠~٠~٠~٠~٠~٠~٠~٠

جوان،، خلصت امتحانات اخير والله ما مصدكة

محد يكدر يتصور شكد تعبت انهد حيلي وراسي طبل من كد القراية
والكتب اوو مااي كااد يعني هسة اني خلصت من السادس ياااااي

ياربي ميضيع تعبي

شهد،، ها جونة اجيتي

جوان حضنت شهد،، شهووودة لج متصدكين خلصت خلصت والله امتحانات خلصت منهة وجاوبت كل الاسئلة واجوبتي صح والله

شهد،، الف مبروك يروحي عفية عليج

نزل علي من الدرج وراحت جوان حضنتة

جوان،، علوووش علووش كملت امتحانات اخيرا ومجاوبة كلهن

علي،، عفية بخيتي دووم الفرح يبعد اخوج

جوان،، بابا وين ؟ والباقين

شهد،، عمو خابرة زلمة علمود المشروع الجديد وطلع قبل شوي ومحمد يم صديقة وجوري تعزل هية ويزوني بالاستقبال وعمتي راحت تشوف مرت اخوهة تكول مريضة

جوان،، اها لعد اني رايحة اسبح وابدل وانزل

شهد،، اي بين ميجون راح اكمل الغدة

علي،، اني طالع محتاجين شي

شهد،، سلامتك لتتاخر

علي،، لأ ماتاخر يلة في امان الله

جوان، صعدت شمرت جنطتي على السرير فليت شالي ونزعت ملابسي لبست البرنص وطبيت للحمام غسلت بالشامبو واللوشن .المعطرات وطلعت شسورت شعري ولبست برمودة وتيشيرت لون بنفسجي لبست ملابس الصلاة صليت الضهر وقريت قرآن سمعت هوسة اكيد اجمي سديت القرآن وكمت حطيت عطر ورتبت ملابسي ونزلت

جوان،، بابا الله يساعدك

ابو جوان،، هلا باباتي شلونج شلون امتحاناج سهل صعب

جوان،، بابي ليش اكو شي صعب على بنتك الامتحان ماكو اسهل منة وجاوبتة كلة

ابو جوان،، عفية ببنيتي رفعة راسي

جوان،، بابا اووف هم ونزاح عني وخلصت من السادس يعني بقة انتظر بس يعلنون النتائج

ابو جوان،، حبيبتي ان شاء اللة اعلى معدل

جوان،، تسلم بابي

صبوا الاكل وتغدينة سويت جاي لبابا ولماما وكمت غسلت مواعين والباقين بغرفهم خلصت وصعدت فوك تمددت على سريري وفتحت موبايلي لكيت شكد رسايل. كلة صديقاتي يلي ببغداد وبالسليمانية كرديات

جوان،، او ماي كااد هاي شكد كلهن شلونج ووينج مختفية ولتسئلين لا شي رديت عليهن .لكيت يوسف هم مراسل وتاريخهن قديم لأن صارلي هواي مفاتحة المواقع سجودي وصاني علمود الامتحانات ضليت ادرس وتركت كلشي